Hawaii er einangraður eyjaklasi lengst úti í Kyrrahafi. Hawaii er fylki í Bandaríkjunum og þar búa um 1,2 milljónir manna. Hawaii eyjarnar urðu til í neðansjávareldgosum fyrir milljónum ára og þar er enn mikil eldvirkni – svipað og á Íslandi. Hér er hæsta eldfjall jarðar, Mauna Kea, sem er 4.205 metra hátt. Á Hawaii er mikið af innfæddu dýra- og plöntulífi sem finnst hvergi annarsstaðar í heiminum. Það er því nóg að sjá í gönguferð um eyjarnar.
Hvað á að gera á Hawaii?
Það er frábært að fara í gönguferðir á Hawaii og mikið úrval fallegra gönguleiða. Við mælum með Sliding Sands gönguslóðinni um Haleakala sprengigíginn, göngustígana um Waimea gljúfrið, þjóðgarðina á Kipahulu svæðinu og hinni frægu Kalalau gönguslóð.
Köfunaraðstæður umhverfis Hawaii þykja framúrskarandi. Þar má finna einstakt sjávarlíf, neðansjávarbergmyndanir eftir eldgos, ótrúlega hraunhella, auk skipsflaka á hafsbotni. Ni'ihau er þekkt köfunarparadís og þar gætir þú séð höfrunga sem synda meðfram bátnum á leið til köfunarstaðanna. Það er líka frábært að snorkla í tæru vatni Hawaii og góðar líkur á að sjá skjaldbökur. Prófaðu spennandi Tunnels ströndina á Kauai. Neðansjávar hraunhellarnir þar eru ótrúlegir og þar má sjá hvítugga hákarla.
Stærstu og villtustu öldurnar lenda á Hawaii á veturna og þá flykkjast sörfkappar frá öllum heiminum á strendur Hawaii. Seglbrettaskilyrðin eru best á sumrin. Það er hægt að fá kennslu á brimbretti hvar sem er á eyjunum.
Það eru svo margar fallegar strendur á þessum eyjum að við getum ekki valið úr! Best er að spyrja heimamenn um bestu staðina. Passaðu að bera virðingu fyrir vatninu og ekki gleyma að lesa sjávarmerkin: ef það er rauður fáni á ströndinni er ekki viturlegt að synda því straumarnir og undiraldan eru sterkari en þig grunar.
Fyrsta stoppið í Hawaii - Honolulu og Waikiki
Höfuðborg fylkisins, Honolulu, liggur á Oahu. Flestir sem heimsækja Hawaii fljúga hingað en halda svo til hinna eyjanna. Waikiki ströndin er draumur sóldýrkandans og þangað verður þú að kíkja. Það er nóg af tækifærum til að sörfa og fara á boogie board við strendur Oahu. Á næturnar er svo mjög líflegt skemmtanalíf á eyjunni.
Maui eyjan og fleiri
Á Maui verður þú að heimsækja Haleakala þjóðgarðinn og mikilfenglega eldfjallið í honum. Gígurinn er risastór, hann nær yfir meira en 11 kílómetra! Þetta er rétti staðurinn til að horfa á sólina setjast. Á Maui er líka hægt að fara á brimbretti, í fjallgöngu og synda í fossum. Á veturna er hægt að sjá hnúfubak frá Wailea Beach ströndinni.
Á Kauai eru fleiri en 50 fallegir fossar! Þú vilt ekki missa af hinum risavaxna Kipu fossunum, sem eru aðgengilegir fótgangandi.
Big Island býður upp á eitt kraftmesta virka eldfjall heims, Kilauea. Spurðu út í aðstæður áður en þú ferð nálægt þessu tignarlega fjalli. Stóra Eyjan býður upp á fjölbreyttasta landslagið af öllum eyjunum; hér getur þú farið í fjallgöngu í regnskóginum og séð snjó efst á Mauna Kea!
Að ferðast um Hawaii
Hægt er að fljúga t.d. frá Los Angeles eða San Francisco til Honolulu á Oahu og flugtíminn er á milli 5 til 6 tímar. Þaðan er hægt að fljúga eða taka ferjur yfir á hinar eyjarnar. Almenningssamgöngur eru takmarkaðar eða einfaldlega ekki til á eyjunum svo það er best að leigja bíl eða hjól til að komast á milli. Á Oahu er ágætt strætókerfi.