Margir ferðamenn koma til Kanada í þeim tilgangi einum að skoða þjóðgarðana í héruðunum British Columbia og Alberta. Þar eru fallegir þjóðgarðar eins og Banff, Jasper, Kootenau og Glacier, sem eru staðsettir í hjarta Rocky Mountains. Snjólögð fjöll með góðum skíðasvæðum, stórkostlegt útsýni, góðir gönguslóðar og mikil veiðivötn eru dæmi um það sem bíður þín. Og fyrst þú ert á svæðinu þá er tilvalið að fara í ferð til Vancouver eyju sem er þekkt fyrir fallegar og friðsælar sjávarstrendur og hina sjarmerandi höfuðborg Victoria.
Fá fría ráðgjöf
Almennt
Flestir íbúar Kanada búa í námunda við landamæri Bandaríkjanna þrátt fyrir háa ferkílómetratölu á hvern íbúa. Í norðri eru fáir vegir og veturnir harðir frá október til maí. Enginn hefur fyrir því að fara þangað nema sá hinn sami hafi sérstakan áhuga á freðmýri og heimskautsaðstæðum. Hins vegar, ef þú hefur óbilandi áhuga á vetraríþróttum og elskar að skíða, skauta, fara á íshokkí eða snjóbretti þá er Kanada frábær staður til að heimsækja yfir vetrartímann. Banff og Whistler í vesturhluta Kanada eru á meðal bestu skíðasvæða í heimi og og þangað sækja þúsundir ferðamanna á hverju ári. Ef þú hefur áhuga á að skoða íslendingaslóðir þá er Gimli í Manitoba rétti staðurinn.
Hinar flötu gresjur Kanada
Ef ferðast er lengra til austurs, til miðhluta Kanada, er auðnin gríðarleg. Borgirnar Saskatchewan og Manitoba eru mjög einsleitar að það er alveg sláandi, þar er allt svo einstaklega flatt, tómt og hljótt. Dreptu á bílnum, stígðu út og njóttu þagnarinnar. Hér er einnig að finna afar vingjarnlegt fólk og hér ertu kominn í ekta "outback" stemmningu.
Austurhluti Kanada
Ennþá lengra til austurs finnurðu héröðin Ontario, Quebec, New Brunswick og Nova Scotia. Hér byrjar landslagið að breytast og opnast fyrir þér. Stóru stöðuvötnin í Ontario og Quebeck, Niagara fossar við landamæri Kanada og Bandaríkjanna, hinar tilkomumiklu sjávarstrendur í Quebec, New Brunswick og Nova Scotia og margt fleira. Prince Edward eyja býður uppá stemningu og landslag í sérklassa og margar sögulegar minjar. Það eru margir magnaðir staðir í þessum landshluta eins og Louisburg National Historic Park og Cape Breton Highlands National Park í norðurhluta Nova Scotia.
Borgarlíf í Kanada
Þegar talað er um frábærar borgir í Norður-Ameríku þá eru borgirnar New York, San Francisco og Chicago yfirleitt nefndar. En hinar stórkostlegu stórborgir Kanada gefa þessum ekkert eftir. Vancouver, Toronto og ekki síst Montreal í frönskumælandi hluta landsins eru mjög skemmtilegar. Þær eru allar mjög líflegar, heillandi og þær bjóða uppá allt sem stórborgarhugur þinn gæti girnst. Frönsku áhrifin í Montreal og landsbyggðaborgin Ottawa eru afar sérstakar og bera með sér öðruvísi stemmningu sem ekki er hægt að finna í öðrum borgum Norður-Ameríku.
Kanada er ekki Bandaríkin!
Hafðu í huga að þú ert ekki í Bandaríkjunum. Ekki gera þau mistök að bera Kanadamann við Ameríkana. Kanadamenn búa að sínum eigin síðum og venjum og eru afskaplega stolt þjóð. Kanadamenn eru mjög vingjarnlegir og hafa gaman af því að spjalla við ferðamenn, svo þú skalt ekki hika við að blanda geði við þá, hvort sem það er á flottum bar eða á næstu bæjarkrá.
