Við biðjumst velvirðingar ef skilmálar okkar eru langir og flóknir.
Hins vegar eru þetta mjög mikilvægar upplýsingar sem við verðum að veita.
Hér eru nokkur aðalatriði sem þú ættir að vita.
 |
Það er á þína ábyrgð að gefa upp réttar upplýsingar þegar þú bókar |
|
Það er á þína ábyrgð að kanna og sækja um vegabréfsáritanir, eða önnur inngöngugögn eins og t.d. bólusetningarvottorð, til þeirra landa sem þú ert að ferðast til. |
|
Ef flugfélagið leyfir breytingu á flugmiða þá eru alltaf einhver gjöld sem þarf að greiða. |
|
KILROY gegnir stöðu umboðsaðila fyrir flugfélögin. Flugfélögin eru ábyrg fyrir flugþjónustunni og því eru það skilmálar flugfélaganna sem gilda. Lestu meira um þessa skilmála hér fyrir neðan. |
Almennir skilmálar
1. Samkomulagið
a) Með því að smella á 'kaupa miða' samþykkir viðskiptavinurinn kaupin. Pöntun á ferð er bindandi, bæði fyrir farþega og ferðaskrifstofu, um leið og KILROY hefur mótekið staðfestingu á sætabókun, móttekið fulla greiðslu og gefið út miða. Það geta átt sér stað verðbreytingar hjá flugfélaginu eftir að viðskiptavinurinn hefur staðfest bókunina og KILROY gefið út miðann. Í þeim tilfellum verður haft samband við viðkomandi viðskiptavin.
b) KILROY er háð flugfélögunum og að þau gefi okkur réttar upplýsingar. KILROY áskilur sér rétt til að endurgreiða heildarverð miðans ef ekki er hægt að gefa miðann út vegna tæknilegra ástæðna.
c) KILROY skoðar allar greiðslur sem framkvæmdar eru með kredit- eða debetkorti til þess að ganga úr skugga um að ekki sé um svik að ræða og áskilur sér rétt til þess að hætta við bókanir í tilvikun þar sem greiðslur eru grunsamlegar. KILROY endurgreiðir upphæðina að fullu á það kort sem notað var til þess að greiða.
2. Fyrirvari umboðssöluaðila
a) KILROY starfar eingöngu sem umboðsaðili fyrir flugfélögin og er því aðeins milliliður flugmiðans til viðskiptavinar. KILROY selur ekki flugmiða sem flugrekandi en fær þess í stað eingöngu greiðslu viðskiptavinar fyrir keypta farmiða fyrir hönd flugfélaganna.
Flugfélagið er aðilinn sem viðskiptavinur hefur samning við og því er það flugfélagið sem ber eitt ábyrgð á skipulegri framkvæmd flugsins.
KILROY er einungis miðafyrirtækið og ber því ekki ábyrgð á töfum, afbókunum, gjaldþroti flugfélagsins eða öðrum brotum á flutningssamningi sem gerður hefur verið á milli viðskiptavinar og flugfélagsins.
Viðskiptavinur samþykkir ofangreinda skilmála þegar hann samþykkir reglur og skilyrði KILROY við kaup á ferð.
3. Ferðagögn og ferðaáætlun
a) Um leið og flugmiði hefur verið gefinn út, venjulega innan tveggja virka daga frá móttöku greiðslu, eru rafræn ferðagögn áframsend á netfang viðskiptavinar. Bókunarstaðfestingin sem sýnd er eftir að bókun er lokið, sem er einnig send með tölvupósti, eru ekki ferðaskjölin.
b) Uppgefnir ferðatímar eru alltaf staðbundnir tímar. Það geta orðið tæknilegar tafir á áætlunarleiðinni, auk tafa við bókun. Tæknilegar tafir eru hluti af fluginu á milli áfangastaða, og KILROY getur ekki tryggt hvort um tafir verði, hvorki við bókun né í ferðagögnum.
c) Fyrir sætabókanir, skráningu bónus punkta og sérstaks farangurs skal haft samband beint við help.kilroy.net. Gjöld geta átt við. Í sumum tilfellum getum við ekki aðstoðað og þarf þá að hafa beint samband við flugfélögin. Að því er varðar kaup á aukafarangri er í sumum tilfellum aðeins hægt að gera það á flugvellinum við innritun.
4. Samsetning flugfélaga
a) Flugfélög eru með umfangsmikla samnýtingarsamninga, sem þýðir að annað flugfélag getur keyrt flug. Þetta þýðir að þegar verðleit er gerð getur tilgreint flugnúmer og lógó tilheyrt einu flugfélagi en flugið verður í raun stjórnað af öðru flugfélagi. Það eru reglur flugrekandans, þar með talin farangursheimild, sem gilda fyrir flugið. Almennt má finna upplýsingar um starfandi flugfélag undir fyrirsögninni „Operated by“. Athugið að flugfélögin áskilja sér rétt til að skipta um flugfélag fyrir tiltekið flug hvenær sem er. KILROY ber skyldu til að upplýsa farþega um hver flugrekandinn eða flugrekendurnir eru. Þessi skylda á aðeins við ef KILROY hefði verið upplýst um hver flugrekandinn eða flugrekendurnir eru.
5. Skattar og önnur gjöld
a) Undir venjulegum kringumstæðum eru skattar og gjöld innifalin í kaupverði. Það eru, samt sem áður, nokkrir flugvellir og ferðaþjónustuyfirvöld sem krefjast greiðslu við brottför eða komu, sem geta ekki verið innheimt við bókun. Upplýsingar um þess háttar skatta og gjöld eru í ferðagögnum, en breytingar geta átt sér stað með litlum fyrirvara án þess að KILROY sé upplýst um breytingar.
b) Athugið að sum flugfélög geta tekið gjald fyrir innritaðan farangur. Nákvæmar upplýsingar verða ekki endilega sýndar í miðareglum þegar verið er að bóka miðann. Gjöld geta verið breytileg, eftir miðategund, áfangastað eða fjölda farangurs. Fyrir frekari upplýsingar geturðu skoðað heimasíðu flugfélagsins/flugfélaganna.
6. Staðfesting á flugi og innritun
a) KILROY mælir eindregið með að farþegar skoði ferðaáætlun sína í TripCase, þar sem flugfélög eiga það til að breyta brottfarar- og komutíma. Ef þú fylgist ekki með ferðaáætlun þinni og breyting á flugi leiðir til þess að þú missir af flugi þínu er það á ábyrgð þína að kaupa nýjan miða. Ef breyting á ferðaáætlun gengur ekki fyrir þig vinsamlegast hafðu samband við KILROY við fyrsta tækifæri og við aðstoðum þig.
b) Upplýsingar frá KILROY eða flugfélögunum hvað varðar flugstöðvarbyggingu og hlið eru aðeins viðmið, því aðstæður geta breyst. Þegar þú ferðast út fyrir Evrópu skaltu vera búinn að innrita þig amk. tveimur tímum fyrir brottför. Góð regla er að vera kominn út á flugvöll með góðum fyrirvara því þú getur lent í löngum biðröðum í innritun og öryggisskoðun.
7. Ferðamiðinn 'KILROY ticket'
a) Þessi tegund miða er merkt með gulum 'borða' og er aðeins fyrir ungt fólk og/eða námsmenn í 100% námi, sem auk þess verða að vera undir settu aldurshámarki á brottfarardegi.
b) Með 'KILROY ticket' getur þú, innan ákveðins gildistíma, breytt dagsetningu gegn gjaldi. Allar breytingar ákvarðast af lausum sætum í sama fargjaldaflokki og upprunalegi miðinn. Það er oftast, en ekki alltaf, hægt að endurgreiða 'KILROY miða' gegn gjaldi, allt að 24 tímum áður en fyrsti flugleggur hefst.
c) Til að geta ferðast á KILROY miða þarf farþegi samkvæmt flugfélögunum, að hafa á sér gilt IYTC kort (International Youth Identity Card) eða gilt ISIC kort (International Student Identity Card) á meðan á ferð stendur. Ef farþegi á þegar gilt kort skal númer kortsins gefið upp við bókun flugmiðans. Ef farþegi hefur ekki gilt kort skal hann panta nýtt kort á sama tíma og hann kaupir miðann. Þegar KILROY miði er keyptur, skuldbindur viðskiptavinurinn sig til að standast upptaldar kröfur.
d) Ef þú vilt kaupa 'KILROY ticket' til Evrópu frá annarri heimsálfu þarftu að geta staðfest að þú hafir farið frá Evrópu innan síðustu 12 mánaða með því að senda okkur miðanúmerið (13 tölustafir) á miðanum sem þú flaugst á frá Evrópu auk þess að hafa fasta búsetu í Evrópu.
Ef þú getur ekki sýnt fram á að þú hafir flogið frá Evrópu á síðustu 12 mánuðum eða getur ekki sannað að þú hafir fasta búsetu í Evrópu getur KILROY ekki gefið út flugmiðann þar sem við þurfum að fylgja ströngum reglum flugfélaganna. Sé KILROY ekki fært um að gefa út flugmiðann verður farið eftir almennum reglum og aðgerðum um endurgreiðslu.
8. Almennir KILROY miðar
a) 'Almennir miðar' eru aðgreindir með svörtum 'borða', og eru yfirleitt mjög takmarkaðir þegar kemur að breytingum og endurgreiðslu. Reglurnar, sem eru settar af flugfélögunum, getur þú séð á miðanum sem þú ert að fara að bóka.
b) KIROY leyfir ekki einstaklingum yngri en 18 ára kaupi miða á vefsíðu okkar ef þeir eru ekki í fylgd með að minnsta kosti einum fullorðnum einstakling.
9. Breytingar- og aflýsing
a) Eftir að staðfesting hefur verið send á viðkomandi netfang eru allar breytingar og afbókun háð gjaldi, sem fer eftir tegund miða og/eða flugfélagi. Fyrirspurnir um breytingar fara í gegnum heimasíðuna okkar, help.kilroy.net.
b) Nafnabreytingar og framsal flugmiða til annars aðila er ekki leyft samkvæmt skilmálum flugfélaganna.
c) Ef þú kaupir forfallatryggingu hjá KILROY þegar þú bókar ferð, eiga sérstakar reglur við hvað varðar breytingar og endurgreiðslur áður en ferð hefst.
10. No show, ónýtt þjónusta osfrv.
a) Ef farþegi mætir ekki á bókað flug, eða á einhvern hátt nýtir ekki hluta ferðaþjónustunnar, mun engin endurgreiðsla eiga sér stað á ónýttri þjónustu. Sama gildir ef farþegi getur ekki ferðast vegna ferðagagna sem tapast hafa, vegabréfs, vegabréfsáritana, bólusetninga osfrv.
b) Ef viðskiptavinur kaupir flugmiða með fleiri en einu flugi þarf að fljúga öll fyrri flug, til að bókun á næsta flugi sé gild. Flugfélögin hafa rétt til að hætta við hvers kyns pöntun á framtíðarflugi á sama miða, ef ferðamaðurinn nýtir sér ekki eitthvað af flugunum á útgefnum farmiða.
11. Skuldbinding viðskiptavinar
a) Viðskiptavinur er ábyrgur að gefa upp réttar upplýsingar varðandi farþega og greiðslu, auk þess að fara yfir ferðagögn. Fornafn og eftirnafn á að vera nákvæmlega eins og þau koma fyrir á vegabréfi - millinafn þarf ekki nauðsynlega að koma fram. Ef upplýsingarnar eru ekki réttar, getur farþegi lent í að vera synjað við innritun. KILROY tekur enga ábyrgð á afleiðingum rangra upplýsinga.
b) Ferðagögn og allar breytingar á flugum munu vera áframsendar á uppgefið netfang viðskiptavinar. Því er mikilvægt að netfang sé rétt. Ef viðskiptavinur fær ekki staðfestingu á tölvupósti innan 24 klukkustunda, ætti hann að hafa samband við help.kilroy.net.
c) Viðskiptavini er skylt að hafa gilt vegabréf, nauðsynlegar vegabréfsáritanir, tryggingar og bólusetningar fyrir ferðina. Þegar ferðast er utan ESB ættir þú að jafnaði að hafa vegabréf sem gildir að minnsta kosti 6 mánuðum eftir heimkomudag og geta skráð ferðalög úr landi eða hafa leyfi til að dvelja í landinu. Það er einnig á ábyrgð viðskiptavinarins að íhuga viðeigandi ferðaráðgjöf stjórnvalda sem veitt er við kaupin.
Það er krafa að allir alþjóðlegir ferðamenn til Bandaríkjanna samkvæmt Visa Waiver Program verði að sækja um ESTA (Electronic System for Travel Authorization). ESTA er skyldubundin ferðaheimild fyrir alla ferðamenn sem fljúga til eða um Bandaríkin. Þetta þýðir að jafnvel þótt þú sért aðeins með mililendingu í Bandaríkjunum verður þú að sækja um ESTA
d) Allar kvartanir á meðan á ferð stendur, eiga að fara í gegnum flugfélögin eða staðbundins fulltrúa þeirra. Þetta er til þess að viðkomandi mál geti, ef mögulega, verið leyst á staðnum. Ef málið er leyst á staðnum tryggir viðskiptavinur sér rétt til að útbúa kröfu á flugfélagið á seinna stigi. Ef viðskiptavinur kvartar ekki á staðnum getur hann misst réttinn á að útbúa þessa kröfu.
12. Fyrir ferðalanga sem eru á leið til USA
The Transportation Security Administration Bandaríkjanna krefst þess að við söfnum upplýsingum frá þér í þágu athugunar á eftirlitslistum, undir yfirvaldi 49 U.S.C. kafla 114 og lögum um umbætur á njósnum og hryðjuverkum frá 2004. Að veita þessar upplýsingar er frjálst, en ef þær eru ekki veittar gætir þú verið valin/n fyrir frekari skimun eða hafnað aðgangi á ákveðin svæði. TSA kann að deila upplýsingum sem þú veitir með löggæslu eða leyniþjónustustofnunum eða öðrum samkvæmt skjalakerfi sínu. Nánari upplýsingar um persónuverndarstefnu TSA eða til að skoða skráningarkerfið og mat á áhrifum á friðhelgi einkalífs er að finna á vefsíðu TSA á www.tsa.gov
13. Lögfræðilegar upplýsingar
a) KILROY gerir fyrirvara um prentvillur, tæknilegar villur eða breytingum á verðum sem KILROY gat með engu móti séð fyrir. Allar kröfur á hendur KILROY Iceland ehf. fara fram samkvæmt íslenskum lögum.
b) Nafn fyrirtækis: KILROY Iceland ehf.
VAT number: 410911-0350
IATA leyfi: 32-2 0996 2