Á ferðalagi um Asíu færðu tækifæri til að kynnast þessari heimsálfu sem er sú stærsta af öllum sjö, ásamt því að heimsækja eitt eða fleiri af hinum 47 löndum Asíu. Íbúafjöldi Asíu er um 60% af heildar íbúafjölda jarðarinnar. Það er því ekki ólíklegt að á ferðalagi þínu um þessa heillandi og hrífandi heimsálfu muni þér finnast vera mikið af fólki hvert sem þú snýrð þér!
Hinar ýmsu hliðar Asíu
Asía er heimsálfa sem að býður upp á örlítið af öllu! Risastórar, nútímalegar og erilsamar borgir eins og t.d. Hong Kong, Singapúr, Tókýó og Bangkok fanga þig með framandi hljóðum, lykt og bragði sem og litríkum og líflegum strætum - það getur ekki farið fram hjá þér að þú ert að kominn í annan heim!
Á hinn bóginn getur Asía einnig verið mjög lítil og persónuleg: lítil, afskekkt þorp þar sem daglegt líf heldur áfram óbreytt eins og það hefur gert í margar aldir. Á ferðalagi um Asíu verður þú að heimsækja að minnsta kosti eitt slíkt þorp þar sem ferðamenn koma sjaldan til. Á slíkum afskekktum stöðum munu heimamenn stara í undrun á ljósa húð þína og háralit.
Í Asíu er að finna töfrandi arkítektúr: glitrandi Búdda-musteri Indónesíu, Nepal, Kambódíu og Tælands; hið mikilfenglega Taj Mahal í Indlandi og Kínamúrinn gríðarstóri.
Ekki láta risastóru, litríku og erilsömu borgir Indlands fram hjá þér fara. Að heimsækja borgir eins og Mumbai og Delhi muntu öðlast frábæra reynslu og minningar sem þú munt aldrei gleyma!
Fjölbreytni milli landa
Asía býr yfir ótrúlega fjölbreyttri náttúrufegurð og gífurlegum fjölda náttúruundra! Hvítar og fagrar strendur einkenna Tæland, Víetnam, Filippseyjar og Indónesíu - stórir, grænir regnskógar þekja stór svæði í Laos, Borneo, norður Tælands og Kambódíu - í norðuð Indlandi, Pakistan og Íran eru viðamiklar þurrar eyðimerkur - tignarleg Himalayafjöllin ná yfir Nepal, Kína, Tíbet, Indland, Pakistan og Bútan - áin Ganges rennur um Indland og Yangtze um Kína - og síðast en ekki síst hafa Filippseyjar, Japan og Indónesía að geyma virk eldfjöll sem mynda hluta af Pacific Ring of Fire. Það er einnig fjölbreytt dýralíf bæði ofan- og neðansjávar. Það er því nóg að gera og sjá á ferðalagi um Asíu!
Hvar sem áhugi þinn liggur þá eru möguleikarnir endalausir! Að slappa af á einni af mörgum hvítu ströndum álfunnar innan um skóg af pálmatrjám og geta dýft sér í kristaltæran sjóinn og kannað lífið neðansjávar sem leynist innan um kóralanna. Eða jafnvel að ganga eða klifra í Himalayafjöllunum.
Að ferðast til og um Asíu
Það getur einnig verið einstök upplifun að ferðast með lest um Asíu. Í mörgum löndum Asíu, t.d. Indlandi, eru lestir mikilvægur samgöngumáti og þær bjóða því upp á einstaka upplifun af landinu og heimamönnum. Að ferðast með Síberíu-lestinni frá Sankti Pétursborg í Rússlandi alla leið til Peking í Kína (eða til annarra borga í Asíu) er líka mjög spennandi kostur. Það er auðvitað mögulegt að ferðast með rútu yfir nánast alla heimsálfuna en það getur verið ódýrara og fljótlegra að ferðast á milli landa eða landshluta með flugi.
Gisting í Asíu
Oft finnurðu bestu og ódýrustu gististaðina með því að spurjast um þegar þú ert kemur á staðinn. KILROY getur aðstoðað þig við að bóka alla þá gistingu sem þú þarft. Við mælum með að þú bókir að minnsta kosti fyrstu næturnar í því landi sem þú byrjar ferðalagið þitt. Þannig losnarðu við að þurfa að leita að gistingu eftir langt ferðalag.
