Á hverju ári koma átta milljón ferðamenn til Grikklands, því getur verið erfitt að vera einn þar. Landslagið á meginlandinu einkennist helst af fjöllum og úti fyrir strandlengjunni er eyjaklasi sem samanstendur af þúsundum fallegra eyja. Við mælum með að þú kaupir passa sem gerir þér kleift að ferðast á milli grísku eyjanna og sjá eins mikið og mögulegt er á þeim tíma sem þú hefur. Það er svo margt fallegt að sjá!
Santorini & Mykonos
Mykonos er heimsfræg eyja fyrir strandir og næturlíf. Hingað kemur hver stórstjarnan á eftir annarri, en hér finnur þú líka bestu grísku veitingastaðina, skemmtilegustu barina og líflegustu klúbbana.
Santorini er þekkt fyrir hæðótt landslagið sem myndaðist í eldgosum og hin einkennandi hvítu hús með bláu þökunum sem nánast hverfa inn í heiðbláan himininn. Svo er ekki hægt að tala um Santorini án þess að nefna að hér sérðu örugglega fallegustu sólsetur í heimi. Þú vilt ekki gleyma myndavélinni þegar þú heimsækir Santorini!
Ródos & Krít
Ródos er eyja sem býður upp á brot af því besta sem finnst í Grikklandi. Þetta er fullkominn áfangastaður til að njóta fallegs landslags, fara í sólbað og synda í sjónum því hér eru langar náttúrulegar strendur. Á Ródos eru líka fleiri sólardagar en á öllum hinum grísku eyjunum. Næturlífið í Ródos er frábært og saga eyjarinnar heillandi. Flestir ferðamenn halda til á norðurhluta eyjarinnar, nálægt borginni Ródos. Restin af eyjunni er nánast ósnortin en þar má finna falleg þorp og stendur.
Margbrotnasta eyja Grikklands er Krít. Hér eru frábærar strendur, gamaldags þorp og forn saga. Krít er líka með dásamlega, náttúrulega loftkælingu vegna þess að kaldir vindar frá norðri, Meltimi vindarnir, fara hér um. Þessir vindar gera það að verkum að jafnvel heitustu dagarnir eru þægilegri en á mörgum öðrum eyjum.
Kos & Samos
Kos er heillandi eyja og fullkomin fyrir þá sem elska að sóla sig, synda í sjónum og hjóla um í fallegu landslagi. Kos býður upp á allt frá fallegum ströndum að áhugaverðum fornminjasvæðum, rústum og uppgröftum.
Samos er grónasta gríska eyjan og þess vegna að margra mati sú fallegasta og fjölbreyttasta. Þar eru u.þ.b. 240 strendur af ýmsum stærðum og gerðum.
Að ferðast um Grikkland
Besta leiðin til að upplifa Grikkland er á vespu. Bílar eru jafn þægilegur, kostur en þú færð ekki sömu frelsistilfinningu. Norræn ökuskírteini gilda í Grikklandi en gættu þess að vegirnir eru ekki í sömu gæðum og heima og umferðarreglur eru meira viðmið en reglur fyrir Grikki!
Til þess að ferðast um eyjarnar er að sjálfsögðu best að sigla! Ferjur geta komið þér til næstum allra grísku eyjanna og margir nota þær til að ferðast á milli eyja og skoða minni eyjarnar. Þú getur einnig farið í skipulagðar siglingar í litlum hóp með local leiðsögumanni þar sem gist er um borð í bátnum. Það er sko alvöru ævintýri!
Hvað er að sjá í Grikklandi
Saga Grikklands er einstök og það er í raun ótrúlegt að ímynda sér hversu mikið af þekkingu og menningu okkar er komið frá Grikkjum. Það er því nánast skylda að kynna sér sögu þessa merkilega lands, en flest söfnin og merkilegustu fornminjarnar eru staðsett í Aþenu. Það er vært að nefna National Archaeological Museum of Athens, Theatre of Dionysus, Höllin í Knossos, Parthenon Temple og Peloponnese Peninsula.
Eyjahopp eða siglingar um grísku eyjarnar
Það er engin betri leið til að upplifa eyjarnar í Grikklandi heldur en að skella sér í eyjahopp eða i siglingu. Í eyjahoppi færðu ferjupassa sem þú getur nýtt þér eins og þér hentar á þínum eigin hraða. Ef þú skellir þér í siglingu frekar þá leggur þú af stað í skipulagða ferð sem tryggir það að þú sjáir allt það besta sem eyjarnar hafa upp á að bjóða. Þar kynnist þú líka öðru fólks allstaðar að úr heiminum þar sem þú ferðast með þeim í litlum hóp.
Leigðu bíl og farðu á ferðalag um Grikkland
Grikkland er líklega frægast fyrir margar fallegar eyjar en það er önnur frábær leið til að kanna Grikkland. Ef þú leigir bíl og ferð að skoða landsbyggðina á meginlandinu færði aðra upplifun af Grikklandi. Þá ferðu í ævintýri sem er frábrugðið því sem flestir fara í þegar þeir heimsækja Grikkland. Og það besta? Þú getur gert það á þínum hraða!
Hvernig á að komast til Grikklands?
Það er alltaf hægt að fljúga til Grikklands en önnur og oft skemmtilegri leið er að stoppa í landinu á Interrail ferð þinni! Það er frábær leið til að drekka í sig náttúruna og umhverfið. Lestu meira um Interrail hér.
Fá fría ferðaráðgjöf
