Papúa Nýja-Gínea er einn dularfyllsti, leynilegasti og villtasti staður í heimi. Hvar er Papúa Nýja-Gínea? Þetta eyríki er staðsett norður af Ástralíu og austur af Indónesíu. Fullkominn staður fyrir þá sem vilja heimsækja afskekkta og frumstæða staði. Bókaðu draumaferðina þína til Papúa Nýju-Gíneu hjá okkur!
Papúa Nýja-Gínea - eitt ósnertasta land heims
Ferð til Papúa Nýju-Gíneu er ferð í annan heim. Eða ferðalag aftur í tímann sem sýnir okkur besta mögulega dæmið um hvernig jörðin okkar leit út fyrir löngu síðan. Það mætti nota líkingu og segja að Papúa Nýja-Gínea sé eins og risaeðla frá fornum tímum sem enn sé til. Þessi staður er einn dularfyllsti, leynilegasti og villtasti staður í heimi. Ef þú vilt upplifa staði sem eru nánast ósnertir af ferðamönnum þá er þessi eyjaklasi fyrir þig!
Papúa Nýja-Gínea - Þar sem ferðin er ævintýri í sjálfri sér
Í Papúa Nýju-Gíneu er ekkert til sem heitir að flýta sér. En þetta er einmitt ástæðan fyrir því að sumir ferðamenn hrífast enn meira af þessum áfangastað, eftir auðvitað að hafa heillast af náttúrufegurð og menningarlegu aðdráttarafli svæðisins. Í Papúa Nýju-Gíneu verður maður að vera undirbúinn fyrir næstum algjöran skort á ferðamannakerfi og aðstöðu fyrir ferðamenn.
Ferð til Papúa Nýju-Gíneu ætti alltaf að innihalda ferð á Kokoda Track sem er 96 km. löng ævintýraganga í gegnum frumskóg, yfir kletta, um krefjandi hlíðar og sleip, blaut þrep. Þessi klikkaða ganga er frábært ævintýri, jafnvel þó þú gangir aðeins hluta af leiðinni. Kokoda Track er hinsvegar þekktust fyrir söguleg tengsl sín en þar börðust ástralskir, bandarískir og japanskir hermenn í seinni heimsstyrjöldinni og á göngunni má sjá fjölmarga minnisvarða um stríðið. Ef þú vilt fá innsýn í hefðbundna menningu innfæddra ættir þú að heimsækja þorpið Tari en þar getur þú skyggnst inn í hefðbundið líf Huli-fólksins. Í Central, Oro og Milne Bay héruðum er að finna dásamleg kóralrif, frumskógsklæddar hlíðar fjallanna og vingjarnlega íbúa. Þegar kemur að því að kafa eða snorkla eru mörg spennandi skipsflök frá seinni heimsstyrjöldinni í hafinu hér í kring.
Dýralíf og náttúrulíf Papúa Nýju-Gíneu
Dýralífið er sér kafli útaf fyrir sig. Þar búa jafnmargar spendýrategundir og í Ástralíu þrátt fyrir að Papúa Nýja-Gínea sé níu sinnum minni en Ástralía. Hér eru líka fleiri tegundir af fuglum og froskum en hjá stóra nágrannanum í suðri. Löndin tvö hafa margar af sömu tegundum sem hafa þó þróast mismunandi. Í þurrlendi og flatlendi Ástralíu hegða dýrin sér öðruvísi en í landslagi Papúa Nýju-Gíneu sem einkennist af röku fjalllendi, eldfjöllum, klettum og regnskógum. Dæmi um þetta eru kengúrur sem finna má í báðum löndunum. Í Ástralíu hoppa þær um í flötu eyðimerkurlandslaginu en í Papúa Nýju-Gíneu lifa þær í trjám.
Ást, krikket og kanó-hátíð
Ef þú ert að ferðast um norðurhluta svæðisins, yfir Solomon Sea, kemur þú að hinum dásamlegu Trobriand eyjum þar sem þú gætir dottið í lukkupottinn og komist í kynni við hina framandi Milamala hátíð og einkenni hennar; „frjálsar“ ástir, krikket. Í Milne Bay héraðinu er borgin Alotau, höfuðborg héraðsins og einhver vingjarnlegasta, öruggasta og mest heillandi borg í Papúa Nýju-Gíneu. Ef þú ert þarna á réttum tíma gætir þú fengið að upplifa Milne Bay Kundu & Canoe hátíðina, en þar er mest spennandi að sjá innfædda „stríðsmenn“ róa á kanóum í hafinu – og það er frekar tryllt!
Gott að vita
Mikill meirihluti þeirra sem ferðast til Papúa Nýju-Gíneu kemur fyrst til höfuðborgarinnar, Port Moresby. Þar búa um það bil 250.000 manns og borgin er vel tengt stórborgum svæðisins í gegnum Jackson alþjóðaflugvöllinn. Þaðan er hægt að fljúga frá nokkrum af stórborgum Asíu og Ástralíu.
Það er gott að kynna sér vel þau svæði sem eru talin hættuleg að ferðast til.
