Í Karíbahafinu, sem nær frá syðsta hluta Flórída til Venesúela, eru fleiri en 7000 eyjar. Þrátt fyrir að þetta sé nokkuð lítið landsvæði eru eyjarnar ansi menningarlega frábrugðnar hver annarri og hápunktar ferðalags til Karíbahafsins eru því margir. Kjörinn áfangastaður fyrir þá sem vilja uppgötva nýja menningarheima en á sama tíma njóta lífsins á hvítum ströndum. Það er land fyrir smekk hvers og eins á hinum fjölmörgu Karabísku eyjum!
Kúba
Kúba er uppáhald margra ungra ferðamanna sem heillast af áhugaverðri sögu landsins sem og frábærri tónlistar- og dansmenningu þess. Þegar þú ferðast til Kúbu hefurðu mikla möguleika á að bæta þekkingu þína á sögunni en einnig færni þína í rommdrykkju og vindlareykingum! Á Kúbu bjóðast tækifæri fyrir margs konar upplifanir og afþreygingar; að læra spænsku í tungumálaskóla í hinni heillandi höfuðborg Havana og fá menninguna beint í æð, að sleikja sólina á ströndinni eða á sundlaugabakkanum á hóteli þar sem allur matur og drykkur er innifalinn eða að skella sér í spennandi ævintýraferð til að virkilega kynnast eyjunni. Sama hvað þú velur að gera, þá verður heimsókn til Kúbu alltaf ógleymanleg upplifun!
Jamaíka
Jamaíka er einnig athyglisverður og spennandi staður sem býr yfir mikilli menningararfleifð. Ef reggie-tónlist heillar þig er Jamaíka algjörlega málið. Afslappað og brosandi fólk, partý-andrúmsloft, skærir litir og einstakar strendur eru helstu einkenni þessarar fallegu eyju.
Dóminíska Lýðveldið
Annað dæmi um áfangastað sem er mjög vinsæll meðal ungs fólks er Dóminíska lýðveldið. Helstu ástæðurnar eru afar lágt verðlag, frábærar strendur og fullkomin vindskilyrði fyrir ýmis vatnasport, s.s. sörf.
Trinidad og Tóbagó
Í Trinidad og Tóbagó er haldið mjög stórt og mikið karnival í febrúar ár hvert þar sem sannkölluð Karabísk partý-stemmning ríkir og tónlist, dans og gott skap eru allsráðandi. Fullkominn áfangastaður fyrir þá sem vilja lífga upp á strandarferðina með nóg af skemmtilegri tónlist og seiðandi dansi.
Hvaða eyja hentar þér?
Þessar eyjar eru aðeins lítið brot af því sem Karíbahafið hefur upp á að bjóða. Hægt er að velja á milli mun fleiri spennandi eyja og því mælum við með að þú hafir samband við ferðasérfræðingana hjá KILROY sem geta hjálpað þér við að velja þá eyju sem hentar best fyrir þig eða jafnvel sérhannað ferð sem gefur þér möguleikann á að sigla á milli eyja. Það gæfi þér tækifæri á að fá innsýn inn í ólíkar hefðir og mismunandi menningu eyjanna og þannig upplifa sem mest af því sem Karíbahafið hefur upp á að bjóða.
Það eru margar mismunandi leiðir til að komast til Karíbahafsins. Einungis er hægt að fljúga beint til fárra eyjanna frá Evrópu og því er mjög líklegt að þú þurfir að millilenda á leiðinni. KILROY aðstoðar þig við að velja bestu leiðina að eyjunum.
Verðlag á Karíbahafinu
Karíbahafið er almennt álitið vera dýr áfangastaður. Verðlag er þó mjög misjafnt á milli eyja. Ef þú velur að gista á 'allt innifalið hóteli' geturðu nánast lifað á loftinu á meðan þú ert á staðnum. Þú getur svo auðvitað stjórnað eyðslu þinni mjög mikið með því að velja á hvaða stöðum þú borðar eða eyðir tíma þínum - með hinum ríku og frægu á 'hipp og kúl' börum og veitingastöðum, eða með heimamönnum á götueldhúsum.
