Panama er staðsett suður af Mið-Ameríku, á milli Kólombíu og Kosta Ríka, og er þekktast fyrir hinn fræga Panamaskurð. Stundum er talað um Panama sem hliðið á milli Norður- og Suður-Ameríku. Landið er þó, ótrúlegt en satt, enn frekar lítið sótt af ferðamönnum eða Gringos eins og heimamenn kalla þá/okkur. Panama er frábær viðkomustaður í ferð þinni um Mið-Ameríku því þar er mikið af óspilltum ströndum, spennandi regnskógum og fjöllum sem bíða eftir að verða uppgötvuð!
Hvað er hægt að gera í Panama?
Panama City er höfuðborg Panama og þar er hjarta viðskiptalífsins. Panama er heimsborg þar sem flottir klúbbar og veitingastaðir eru á hverju strái, við mælum með því að þú prófir tapas, smárétti.
Flestir ferðamenn skoða sögulega hluta borgarinnar, hinn forna Casco Viejo sem staðsettur er við sjávarsíðuna. Ef þú gengur í um 15 mínútur frá miðju borgarinnar getur þú haldið í skemmtilega göngu um regnskóginn í Parque Natural Metropolitano. Það er óþarfi að taka það fram að þetta er eitthvað sem er þess virði að skoða.
Bocas del Toro er vinsælasta aðdráttaraflið fyrir ferðamenn í Panama en hann er staðsettur nálægt landamærum Kosta Ríka. Þetta eru sex grænar eyjar og fallegur sjávargarður: Parque Nacional Marino Isla Bastimentos. Það er andrúmslofið afslappað og á þessum sex eyjum eru frumskógar og fallegar strendur. Isla Colón er þróaðasta eyjan en ef þú ert að leita að rólegri stað ættir þú frekar að fara til Isla Caranero.
Þú getur farið að heimsækja sjálfstæðasta frumbyggjahóp Mið-Ameríku, Kuna, en hann býr í Comarca de Kuna Yala á ströndinni við Karíbahaf. Kuna fólkið hefur haldið í hefðbundinn lífsstíl, þar með talið handverk, sem gerir þessar eyjar virkilega áhugaverðar. Þú færð góða innsýn í samfélag fólksins þegar þú heimsækir það og mögulega flýgur í gegnum huga þinn að Vesturlandabúar hafi margt að læra um það að lifa í samfélagi.
Þeir sem vilja strandalíf munu elska Panama. Margar eyjanna bjóða upp á strendur eins og birtast á póstkortum og eru fullkomnar til þess að slaka á og njóta lífsins.
Hvað með gönguferðir, rafting, sörf og köfun...?
Landið er frábær áfangastaður fyrir þessa virku ferðamenn. Eina eldfjall landsins er staðsett í Parque Nacional Volcán Barú. Farðu í göngu þar í frábæru landslagi með ótrúlega fallegt útsýni. Það er gott að tjalda í Cerro Punta, Boquete og El Valle. Mundu að það getur orðið mjög kalt á nóttunni þar sem hæðin er meiri og taktu með þér hlýjan fatnað.
Þeir sem eru að leita að adrenalínupplifun ættu að fara í rafting í Chiriquí héraði. Árnar eru langar og þar eru regnskógar og fossar allt í kring.
Öldurnar eru virkilega góðar fyrir sörf á mörgum stöðum í Panama, þú ættir að byrja í Bocas. Parque Nacional de Chiriquí eru 25 eyjar og 19 kóralrif fyrir köfun og snorkl en það er einnig í boði að heimsækja vel varðveitta eyju, Boca Brava, þar sem sjávarskjaldbökur verpa eggjum og apar hlaupa um á skógarstígum.
Að ferðast til og á milli staða í Panama
Til að komast til Bocas del Toro getur þú tekið leigubíl frá Quabito á landamærum Kosta Ríka að Changuinola en þaðan verður þú að fara með bát til Bocas.
Í Panama City kallast strætókerfið „diablos rojos“. Frá borginni getur þú tekið lest í gegnum fallegt landslagið til Colón. Millilandaflug fara frá Tocumen International Airport en innanlandsflug fara frá Albrook Airport.
