Suðurskautslandið er fimmta stærsta heimsálfan og hér býr (enn) enginn fastri búsetu. Hrá fegurðin og ótamin náttúra heilla marga og gera Suðurskautlandið að töfrandi áfangastað. Fylgstu með mörgæsaungum taka fyrstu skrefin sín á meðan risahvalir synda hjá í þessu einstaka frosna landslagi. Þessi upplifun er engri lík og varla hægt að ímynda sér. Lefyðu KILROY að hjálpa þér að gera þín ferð til Suðurskautslandsins alveg ógleymanlega!
Suðurskautslandið – Hjari veraldar
Suðurskautslandið er ekki í eigu neins og því er það sameign jarðarbúa. Þetta er kaldasti, þurrasti og vindasamasti staður heims og er því oft kallað „hvíta eyðimörkin“. Hinir þurru dalir heimsálfunnar hafa verið án úrkomu í yfir tvær milljónir ára. Þú getur hvergi annars staðar séð jafn mikið dýralíf og um leið algjöra kyrrð!
Hér eru engir skráðir íbúar, en hverju sinni eru hér allt á milli 1000 og 5000 vísindamenn að störfum og búa þeir á sérstökum stöðum í allt að ár í senn. Á Suðurskautslandinu finnast aðeins dýr og plöntur sem hafa aðlagast svakalegum kulda; mörgæsir, selir, mosar, fléttugróður og þörungar. Það eru líka meira en 70 vötn í heimsálfunni og sum þeirra eru ísblá á litinn. Hér eru mörg fjöll og eldfjöll en það eina sem vitað er um að sé virkt er Mount Erebus.
Stundum lýsa stórkostleg norðurljós upp vetrarhimininn með fallegum litum, það er ekki til mikið fallegri sjón. Ef heppnin er með þér sérðu demantaryk (e. diamond dust) sem er þoka sem lítur út eins og ský en er búið til úr pínulitlum ískristöllum undir heiðum himninum.
Náttúra Suðurskautslandsins
Jafnvel þó að kyrrð Suðurskautslandsins sé það sem tæli ferðamenn þangað er alls ekki um mikla kyrrð að ræða! Ísi fylltar ár sem renna niður jöklana með miklum látum og mynda íshillur við strendurnar og jökullinn er stöðugt að brotna. Því miður er gatið á ósonlaginu fyrir ofan Suðurskautslandið að stækka og snjórinn því að bráðna á sumum svæðum. Sístækkandi hópur ferðamanna til heimsálfunnar eykur líklega á því vandamáli sem þessi viðkvæma heimsálfa stendur frammi fyrir. Enn er ekki vitað með fullri vissu hvaða áhrif ferðamennska hefur á umhverfið og það eru engin lög eða reglugerðir um Suðurskautslandið því enginn á heimsálfuna. Því er mikilvægt að velja ábyrga ferðaskrifstofu þegar þú skipuleggur ferðina þína á þennan viðkvæma stað.
Að ferðast til Suðurskautslandsins
KILROY mælir með siglingu í stað flugs. Við bjóðum upp á frábærar siglingar sem fara frá Ushuaia í Argentínu. Siglingarnar eru töluvert dýrar, en hafðu í huga að allur matur, gisting og samgöngur í gegnum Drake Passage til Suðurskautslandið er innifalið í verðinu.
Á leiðinni getur þú séð sæljón fljóta fram hjá á hafís, risastóra hópa mörgæsa og oft eru skipin elt af hvölum, albatrossum og öðrum sjófuglum. Þú heimsækir meðal annars South Georgia Island, Antarctic Peninsula, Drake Passage, South Shetland Islands og Lemaire Channel.
Veðurfar á Suðurskautslandinu
Besti tíminn til að heimsækja Suðurskautslandið er frá nóvember til mars (sumar á suðurhveli jarðar) þegar hitastigið er mildara. Það er ekki mælt með því að fara yfir vetrarmánuðina því þá geta skollið á slæm óveður og það getur verið erfitt að sigla þanga vegna hafíss.
