Á meðan við bíðum eftir að heimurinn opni almennilega aftur getum við leyft okkur að dreyma um að heimsækja þessa afskekktustu staði heimsins. Eru einhverjir af þeim á bucketlistanum þínum?
1. Pitcairn eyjaklasinn
Eyjan Pitcairn er staðsett í Pitcairn-eyjaklasanum, mitt á milli Nýja-Sjálands og Perú, og er sú eina sem er byggð, með um 56 íbúa. Eyjan er opin fyrir ferðamenn en það er hins vegar ekki auðvelt að komast þangað! Til þess þarft þú að byrja á því að ferðast til Tahítí og fljúga þaðan til Magareva (athugaðu að það er aðeins flogið einu sinni í viku til Magareva). Frá Magareva siglir þú síðan til Rikitea þar sem þú kemst um borð í skipinu Claymore II sem siglir til Pitcairn. Sú sigling tekur um 32 tíma en athugaðu einnig að Claymore II siglir eingöngu einu sinni á þriggja mánaða fresti til Pitcairn og hefur aðeins pláss fyrir 12 farþega!
2. Tristan da Cunha
Tristan da Chuna er eyja í breskum eyjaklasa, mitt á milli Suður-Afríku og Suður-Ameríku. Þessi eyjaklasi er einn afskekktasti eyjaklasi heims! Þar finnur þú einstaka flóru og fánu og átt eftir að sjá ýmsar tegundir sem finnast ekki annars staðar. Hægt er að sigla þangað frá Höfðaborg eða Namibíu. Það tekur um fimm til sex daga og það er aðeins farið 10 sinnum á ári!
3. Grise Fiord
Grise Fiord er afskekkt kanadískt þorp með um 100 íbúa. Þorpið er á Ellesmere eyjunni en norðausturendi eyjunnar er nyrsti oddi Kanada. Nafnið á þorpinu er nokkuð sérstakt, Grise þýðir svín á norsku, en það er tilkomið frá skandinavískum landkönnuði sem fannst hljóðin frá rostungahjörðunum líkjast hljóðinu frá svínum. Ætli það sé eitthvað til í því?
4. Páskaeyja
Þar sem þú hefur mjög líklega heyrt talað um Páskaeyju er einnig líklegt að þú gerir þér ekki alveg grein fyrir því hversu afskekkt hún er í raun og veru. Það meginland sem er næst henni er Chile, í um 3512 km fjarlægð. Ferðalagið þitt til Páskaeyju á eftir að verða langt en alveg þess virði - einstök upplifun sem þú átt aldrei eftir að gleyma!
5. Kergueleneyjar
Kergueleneyjar er eyjaklasi með um 300 eyjar í Suður-Indlandshafi. Á meðal þeirra finnur þú Kerguelen sem er um 163 km löng og 127 km breið. Þar finnur þú einstakt dýralíf - eins og sjófugla, mörgæsir, seli og... vísindamenn.
Það er engin flugbraut á eyjunni og til þess að ferðast þangað þarft þú að sigla frá Reunion, sem er lítil eyja við strönd Madagascar. Siglingin tekur þig um 6 daga - en mundu að á þessari leið getur sjógangur oft verið mjög erfiður!
6. Nauru
Nauru er minnsta ríki heims og einnig minnst heimsóttasta eyja heims. Með aðeins um 160 ferðamenn á ári eru ekki mikli möguleikar á því að þú hittir aðra ferðamenn en ekki hafa áhyggjur það er fullt af afþreyingu í boði. Þú getur legið í sólinni á ströndinni, snorklað, siglt um, og á kvöldin spilað ástralskan fótbolta við heimamenn. Eyjan er einstök paradís en hún er einnig oft kölluð "Pleasant Island".
7. Macquarie Island
Macquarie eyjan er staðsett á milli Nýja-Sjálands og Antartíku og eru þar tugir rannsóknarmanna á ástralska hluta eyjunnar. Þeir eru þó aðeins í minnihluta eyjaskeggja sem samanstendur aðallega af mörgæsum og sæljónum. Á háannatíma eru næstum 2 milljónir mörgæsa á eyjunni. Þú átt eftir að fá mörg tækifæri til að taka magnaðar ljósmyndir sem marga aðeins dreymir um að ná!
8. Kiribati
Kiribati eyjaríkið samanstendur af 33 eyjum í miðju Kyrrahafinu! Það tekur þig um 5 tíma að fljúga þangað frá Hawaii. Upphaflega lá daglínan mitt yfir Kiribati eyjaríkið - það var því 24 tíma mismunur á milli sumra eyja. Þessu var hins vegar breytt árið 1995 þegar eyjaríkið var allt flutt austur yfir daglínuna. Í dag er eyjaríkið vestasta ríki heims!
9. Eyja Kaffikúbbsins
Líkt og númer 3 er þessi áfangstaður með mjög undarlegt nafn en það var einnig skandinavískur landkönnuður sem á heiðurinn að þessu heiti! Eyja Kaffiklúbbsins er staðsett við nyrsta hluta Grænlands og er hún einn af nyrstu landmössum heims. Það býr enginn á eyjunni þannig að ef þig langar að hitta annað fólk verður þú að ferðast til Ittoqqortoormiit eða Qaanaaq.
10. Socotra
Socotra eyjan er hluti af Jemen - staðsett um 240 km austur af "the Horn of Africa". Þessi eyja er mjög einstök þegar kemur að gróðri og dýralífi og þykir mörgum sem hún komi úr annarri veröld. Um þriðjung af öllum gróður- og dýrategundum finnur þú eingöngu á þessari eyju eins og „Dragon's Blood Tree‟ og „Cucumber Tree‟.
