8 ráð fyrir orkumikil frí

Vindur er sjaldnast efstur á óskalistanum og svo sannarlega ekki þegar þú ferð í frí! En stundum er þessi annars hataða veðurgerð einmitt það sem þú þarft! Kitesurfing gerir þér kleift að nýta krafta vindsins til fulls. Þú getur notað vindinn til að gera allskonar skemmtileg trix í vatninu. Æfingin gefur þér gott jafnvægi og ekki síst mikinn styrk. Windsurfing er síðan önnur vatnsíþrótt þar sem þú nýtir krafta vindsins og þjálfar jafnvægi og hreyfifærni þína.

Að fara í gönguferð er frábær leið til þess að kanna náttúru, menningu og líf heimamanna á þeim stað sem þú ert að heimsækja. Það er líka ómetanleg upplifun að labba upp í hæð þar sem þú getur drukkið í þig útsýnið frá alveg nýju sjónarhorni. Ekki missa af gönguferðum til Machu Picchu í Perú eða til Jesú styttunnar í Brasilíu.

Að surfa er frábær leið til þess að halda sér í formi á ferðalaginu. Ef þér líkar við hasar og ert ekki hrædd/ur við að gleypa nokkra lítra af saltvatni, þá er þetta örugglega íþróttin fyrir þig! Góð hreyfing fyrir allan líkamann og ekki síst skemmtileg. Stand up paddle boarding og bodyboarding eru aðrar hreyfingar í vatninu sem við mælum líka með. Ef þú vilt virkilega ógleymanlega surf upplifun, mælum við með því að fara í surfbúðir. Þar kynnist þú nýju fólki og passað er upp á að þú vaknir á réttum tíma til að ná bestu öldunum.

Að sigla um í kajak eða kanó er kannski ekki jafn fjörugt og aðrar athafnir en það er ótrúlega góð hreyfing fyrir allan líkamann, ekki bara handleggina eins og margir telja. Kajakferð er því frábær leið til að upplifa svæði utan landsbyggðarinnar. Síðan ef kajakinn fer of hægt fyrir þig og þig vantar kraftmeiri athöfn þá geturðu alltaf skellt þér í rafting!

Sund er furðu góð hreyfing! Sameinaðu það með snorklbúnaði og þú ert komin með eina skemmtilegustu hreyfingu sem við getum hugsað okkur! Taktu nokkra hringi í sjónum til að kæla þig niður og skoða lífið neðansjávar. Ef þú vilt síðan bæta aðeins í skaltu taka köfunarvottorð og upplifa neðansjávar lífið almennilega.

Með hjóli er hægt að skoða stærra svæði á stuttum tíma, á sama tíma og það er góð hreyfing fyrir líkamann. Samkvæmt dönskum heilbrigðisupplýsingum brennir þú að meðaltali u.þ.b. 300 hitaeiningum á klukkustund þegar þú hjólar. Ef þú ert síðan að leita að áskorun og ekki síst stórbrotinni náttúruupplifun, þá er „Death Road“ í Bólivíu mögulega hjólaferðin fyrir þig? Mundu bara eftir hjálminum!

Adrenalínfíklinum í þér gæti fundist jóga leiðinlegt og vera bara fyrir sérvitringa, en að æfa jóga gefur líkamanum í raun ótrúlega góðan grunn fyrir allar þær íþróttir sem við höfum nefnt hér að ofan. Það besta er að þú getur stundað jóga nánast hvar sem er og lítill klukkutími á dag getur haft mikil áhrif í langan tíma, bæði fyrir líkamlega og andlega heilsu.

Íþróttir eru ekki bara skemmtilegar þegar þú tekur þátt - þær eru líka góð skemmtun. Auk þess að halda sér í formi getur verið spennandi að fara og horfa á íþróttir eða hreyfingar sem eru sérstakar fyrir landið sem þú ferðast um. Hver veit, kannski finnur þú þína nýju uppáhalds íþrótt!