Langar þig að læra ensku eða bæta núverandi kunnáttu í Bandaríkjunum? Hvernig hljómar þá að fara á enskunámskeið í Miami? Eða kannski San Diego? Hvað með í stóra eplinu, New York?
Besta leiðin til að læra ensku er að dveljast í því umhverfi sem tungumálið er talað. Þar munt þú heyra ensku allan daginn og fá fjölda tækifæra til að æfa tal. Þannig lærir þú tungumálið miklu hraðar en hérna heima. Hvort sem þú ert algjör byrjandi eða vilt bæta núverandi orðaforða þá erum við með það námskeið sem hentar þér. Enskunámskeið í Bandaríkjunum er ekki bara frábær reynsla heldur einnig frábær skemmtun þar sem þú upplifir nýtt land, nýja menningu og kynnist nýju fólki allstaðar að úr heiminum.
Lestu áfram og kynntu þér enskunámið í Miami, San Diego og New York. Við getum síðan veitt þér fría ráðgjöf sértu með einhverjar spurningar.
Fá fría ráðgjöf
MÁLASKÓLI Í MIAMI
Málaskólinn í Miami hefur verið einn vinsælasti málaskóli okkar frá upphafi! Helstu ástæðurnar fyrir því eru mögnuð staðsetning og frábær campus. Skólinn er alveg við ströndina, örstutt fá Ocean Drive á South Beach þar sem allt iðar af lífi. Það er því stutt í verslanir, veitingastaði, kvikmyndahús og fjörugt næturlíf. Skólinn býður upp á fjölbreytta afþreyingu sem þú velur hvort þú vilt taka þátt í hverju sinni, t.d. blak á ströndinni, grillveislur og helgarferðir á spennandi staði í nágrenni Miami.
Gisting í Miami
Nemendur geta valið á milli þess að gista hjá fjölskyldu eða á heimavist skólans sem er í sama húsi og skólinn sjálfur. Flestir nemendurnir í Mami velja að gista á heimavistinni sem er frábær; sundlaug í garðinum og aðeins nokkur skref á ströndina. Þar er einnig auðvelt að kynnast öðrum nemendum. Þú getur valið á milli þess að gista í herbergi með 1-3 nemum af sama kyni eða í einkaherbergi, en það kostar aukalega. Morgunmatur og kvöldmatur er innifalinn í verðinu.
Hafðu samband við okkur til að fá frekari upplýsingar um málskólann í Miami.
Fá frekari upplýsingar
MÁLASKÓLI Í SAN DIEGO
Það er frábært að fara í málaskóla í San Diego en það er einn af fáum áfangastöðum í heiminum þar sem þú getur surfað á morgnana, heimsótt eyðimörkina seinnipartinn og skíðað um kvöldið. Skólinn er staðsettur á frábærum stað á Point Loma peninsula þar sem þú finnur almenningssamögnur í einungis 1 mínútna fjarlægð. Á meðan þú ert í San Diego og þú ert ekki í tíma getur þú nýtt nýlærða enskukunnáttu þegar þú til dæmis heimsækir San Diego dýragarðinn, lærir að surfa, ferð til Las Vegas eða Los Angeles, slappar af á ströndinni eða ferð í göngur. Þetta er einungis brot af því sem þú getur gert þegar þú ert í málaskólanum í San Diego.
Gisting í San Diego
Nemendur geta valið á milli þess að gista hjá fjölskyldu eða á heimavist skólans. Flestir nemendurnir í San Diego velja að gista á heimavistinni sem er frábær; sundlaug í garðinum, líkamsrækt, kaffitería og fleira. Þar er einnig auðvelt að kynnast öðrum nemendum. Morgunmatur og kvöldmatur er innifalinn í verðinu.
Hafðu samband við okkur til að fá frekari upplýsingar um málskólann í San Diego.
Fá frekari upplýsingar
MÁLASKÓLI Í NEW YORK
New York, borgin sem aldrei sefur, er bæði fjölmenn og alþjóðleg. New York málaskólinn hefur alltaf verið vinsæll hjá okkur, en þetta er heimavistarskóli í um það bil 40 mínútna fjarlægð frá Manhattan. Auðvelt er að taka lestina frá Tarrytown niður á Manhattan. Á heimavistinni er allt sem þú þarft á að halda til eiga frábæra dvöl; stór sundlaug, bókasafn, líkamsrækt og frábær aðstaða fyrir nemendur til að hittast. Í skólanum er bæði kaffitería og kaffihús. Í skólanum er sett upp dagskrá í hverri viku sem nemendur hafa val um að taka þátt í. Það er margt skemmtilegt í boði, t. d. að skoða Frelsisstyttuna, Empire State o.fl.
Gisting í New York
Nemendur geta valið á milli þess að gista á heimavist eða hjá fjölskyldu. Flestir velja að gista á heimavistinni þar sem þar er oft mikil stemning og nemendur ná að kynnast mjög vel. Þar er hægt að velja um að deila herbergi með 1-3 öðrum nemendum af sama kyni eða borga aukalega fyrir að vera í einkaherbergi. Þar sem skólinn og heimavistin eru bæði staðsett á campus þá er ekkert mál að koma sér í og úr skólanum. Þeir sem gista hjá fjölskyldu þurfa að ferðast lengra í byrjun og lok dags. Á heimavistinni fá nemendur hálft fæði á virkum dögum (morgunmat og kvöldmat) og hálft fæði um helgar (brunch og kvöldmat). Hinsvegar fá nemendum hjá fjölskyldum fullt fæði um helgar en hálft fæði á virkum dögum.
Hafðu samband við okkur til að fá frekari upplýsingar um málskólann í New York.
Fá frekari upplýsingar