Ferðalög eftir COVID-19

Það er aragrúi af síðum og fréttaveitum sem deila allskyns upplýsingum um COVID tengd mál og upplýsingar. Með allan þennan fjölda aðila að segja þér hvernig ástandið er þá getur það verið svolítið ruglandi. Hvaða veitur eru með réttar upplýsingar og hvar getur fólk fundið þær upplýsingar?

"Ég veit ekki með þig en mér finnst eins og allt sem ég les á netinu sé svolítið yfirþyrmandi. Það er heill hellingur af greinum, heimasíðum og rannsóknum sem gera manni erfitt fyrir að sjá hvað er rétt og hvað er rangt. Málið er að ástandið breytist hratt og það er raunveruleikinn sem við búum við. Í fyrsta lagi, ef þú er að ferðast til Evrópu, skoðaðu þá Reopen EU. Þar eru allar upplýsingarnar teknar saman á einum stað. Þannig þarftu ekki að skoða allar veitur til þess að fá heildarmyndina.

Í öðru lagi, ef þú ert að ferðast utan Evrópu þá er mælt með því að skoða heimasíður stjórnvalda. Þar sem ástandið breytist hratt þá viltu fá upplýsingarnar beint frá fyrsta aðila. Stjórnvöld, utanríkisráðuneyti og meira að segja ferðamanna veitur geta gefið þér skýrari mynd af ástandinu. Þrátt fyrir að þurfa að lesa langar þurrar greinar þá færðu fréttirnar beint frá uppsprettunni.“

"Í þriðja lagi, eru það flugfélögin. Þau eru að gera sitt besta til að koma upplýsingum áleiðis til fólks bæði varðandi hvað þau eru að gera til að hafa sóttvarnir og öryggi farþega í fyrirrúmi og upplýsingar sem varða áfangastaðinn, t.d. hvað þú getur gert og hvaða reglugerðir eru í gildi þar.

Að lokum, þá er það frábær hugmynd að leita upplýsinga hjá ferðafyrirtækjum og ferðaráðgjöfum. Ferðafyrirtæki ganga úr skugga um að koma réttum upplýsingum áleiðis til ferðalanga svo að fólk sé með á hreinu hvað má og hvað má ekki. Allir vilja ferðast á ný á öruggan hátt. Ferðaráðgjafarnir eru sérfræðingarnir, þetta er vinnan þeirra. Þau eru annað hvort nú þegar með þær upplýsingar sem þú þarft eða geta hjálpað þér að finna þær. Ferðaráðgjafar eru algjört lykilatriði þegar kemur að því að finna upplýsingar og geta verið mikill stuðningur fyrir hvern þann sem ætlar sér að ferðast í dag.”

Að þeim upplýsingum gefnum, þá vitum við að ferðalög framtíðar munu líta öðruvísi út. En hvernig sérð þú þessar breytingar fyrir þér og hvaða trend erum við líkleg til að sjá í ferðamennsku?

“Það eru ákveðin trend sem munu vera áberandi á þessum nýju og óþekktu tímum í ferðamennsku. Það fyrsta myndi vera "að kanna nærumhverfið" og þið í Evrópu eruð svo heppin að hafa alla þessa mögnuðu staði í kringum ykkur. Það er fyndið hvað við gleymum alltaf að skoða það sem er okkur næst. Við horfum alltaf til fjarlægra áfangastaða, nýrra staða, en við gleymum fegurðinni, menningunni og allri afþreyingunni sem nálægir áfangastaðir bjóða upp á. Þetta verður án efa áberandi þema í ferðalögum framtíðar.

Seinna trendið er eitthvað sem ég hefði aldrei haldið að ég myndi tala um þegar kemur að ferðalögum: heilsa og hreinlæti. Þetta trend er nýtt fyrir okkur öllum. Það þarf að leggja mikla áherslu á þessi atriði. Allir vilja ferðast aftur en við vitum að við þurfum að horfa á heildarsamhengið aðeins öðruvísi. Við þurfum að bæta við nýjum skilmálum og nýjum aðferðum til að allir séu öruggir.

Þegar þú er að fara bóka ferðalag, flugmiða, hótel eða túr þá viltu vera viss um að fyrirtækið sem þú verslar við sé meðvitað um þessa skilmála og aðgerðir til að tryggja að fólk sé öruggt. Eitt af þeim stóru verkefnum sem ég hef tekið þátt í hjá G Adventures er Travel with Confidence (ferðastu áhyggjulaus) skilmálarnir. Þetta er verkefni þar sem starfsfólk G Adventures eru búin að pæla í hverju einasta skrefi ferðarinnar. Allt frá því þegar þú hittir leiðsögumanninn og hvernig hópurinn mun hafa samskipti: ertu með grímu? Hvenær þvoðir þú þér síðast um hendur? Öll þessi smáatriði. Þessi smáatriði munu hafa áhrif á upplifun þína af ferðalaginu, ekki spurning. En þau eru þarna til þess að við getum séð til þess að þú getir átt bestu ferð lífs þíns! Vertu viss um að þegar þú bókar ferð að fyrirtækið sem þú ætlar að ferðast með sé búið að hugsa út í þessi atriði svo þú getir notið öryggis og hugarró á ferðalaginu þínu. Hér á ég ekki bara við um grímur og handsspritt heldur líka hvað gerist ef einhver veikist? Ert þú með ferðatryggingu? Það eru öll þessi atriði sem er mikilvægt að huga að áður en ferðin er bókuð.

Næst langar mig að minnast á eitt mjög spennandi trend sem við höfum búið til nýtt orð yfir og hefur verið bætt við í orðabanka ferðaiðnaðarins og það er hugtakið "bubble". Ég held að við séum öll að upplifa "bubble" í okkar eigin lífi í dag. Við munum koma til með að sjá fólk vilja ferðast meira með sínum ástvinum þ.e. sínum innsta hring. Þessi tími hefur verið erfiður fyrir marga þar sem þau hafa verið aðskilin frá ástvinum sínum og ekki náð að eyða eins miklum tíma með þeim eins og þau hefðu viljað. Að skapa nýjar og spennandi minningar á ferðalagi um heiminn með þinni búbblu.“

"Heilsa og vellíðan í ferðamennsku voru í brennidepli áður en faraldurinn skall á. Þið hafið líklega orðið vör við jógaferðir með æðislegum lífrænum mat og grænum smoothies. Þetta mun án efa vera áframhaldandi þema í ferðalögum framtíðar.

Við erum líklega öll búin að eyða meiri tíma fyrir framan skjáinn á þessu ári en nokkrum sinnum áður svo eðlilega erum við orðin þreytt á því, þó svo að skjátæki séu auðvitað frábær leið til að tengja okkur umheiminum. Það er án efa þörf til staðar hjá fólki til að taka frá tíma fyrir sjálfan sig. Að taka frá tíma til að aftengja sig umheimum og tengjast sjálfum sér. Þetta mun vera áframhaldandi trend. Ég held að það muni líka fara handan okkar klassísku hugmynda um heilsu og vellíðan. Þetta snýst ekki einungis um að gera jóga, hugleiða og drekka græna smoothies, heldur um að víkka sjóndeildarhringinn og stíga frá skjánum.“

Í könnun sem G Adventures lagið fyrir viðskiptavini sína þá sögðu 70% þeirra að þau óskuðu eftir sveigjanlegri bókunar- og afbókunarskilmálum. Það er stórt hlutfall og ósk sem má heyra óma á fleiri stöðum í iðnaðinum. Það er mikilvægt að athuga hverjir bókunarskilmálarnir eru hjá því fyrirtæki sem þú bókar ferð hjá og ganga úr skugga um að þú hafir sveigjanleika til endur- eða afbóka ef aðstæður breytast.

Þetta er gríðarleg breyting fyrir ferðamennsku eins og hún leggur sig og við munum sjá þetta halda áfram til frambúðar. Við munum sjá fólk nýta sér þjónustu ferðaráðgjafa mun meira en áður.”

Amanda deilir reynslusögu frá ekki svo löngu síðan sem undirstrikar mikilvægi þess að hafa einhvern til aðstoða mann á ferðalagi

"Ég var að ferðast um miðjan mars og var í Argentínu og það voru aðeins 3 klst. í að ég myndi fara um borð í ferju á leið til Suðurskautslandsins. Ég var loks á leiðinni að heimsækja sjöundu heimsálfuna mína, þið vitið: bucketlistinn! Þetta var stærsta og mikilvægasta ferðin mín og okkur var sagt að við gætum ekki farið. Ég var augljóslega miður mín en ég skildi líka að ég þurfti að koma mér heim. Hvernig átti ég eiginlega að koma mér heim? Að hafa skipulagt ferðina í gegnum ferðaráðgjafa var besta ákvörðunin því sá ferðaráðgjafi sá um að endurbóka öll flugin mín. Það eina sem ég þurfti að gera var að drekka mjög mikið af víni og bíða þar til hann sendi nýja flugmiða til mín."

KILROY ber mikla ábyrgð sem ferðaskrifstofa í heimi þar sem við glímum við vandamál á borð við hnatthlýnun, fjöldaferðamennsku, tegundir í útrýmingarhættu og berskjaldaða náttúru. En þegar við ferðumst þá leggjum við okkar að mörkum í þróunarstarfi, drögum úr fátækt og aukum skilning á milli fólks frá ólíkum bakgrunni og menningu - sem styður við meiri fjölbreytileika í hnattsamfélaginu sem við búum við í dag. Við skiljum samt sem áður eftir okkur fótspor. Þar af leiðandi þurfum við að reyna að draga sem mest úr þessum fótsporum og taka betri ákvarðanir þegar kemur að heilsu jarðar, fólks og náttúru og reyna að gefa til baka þar sem við getum.

Amanda tekur undir staðhæfingarnar hér að ofan um mikilvægi sjálfbærar ferðamennsku og að hjá G Adventures hafa þau búið til nýtt orð í orðabankann: Retravel (e. endurferðast). Amanda útskýrir orðatiltakið:

"Í grunninn, þá þýðir það að endurferðast að endurhugsa og læra upp á nýtt hvernig ákvarðanir okkar geta haft áhrif á heiminn svo við getum tekið upplýstari ákvarðanir og dreift boðskapnum. Við höfum séð það með eigin augum hvernig ferðamennska getur umbreytt samfélögum, bæði til hins betra og hins verra. Nú viljum við að heimurinn geti séð það líka."

Sjálfbær ferðamennska er svo miklu meira en bara hnatthlýnun, náttúran og umhverfisvernd. Þetta snýst líka um fólk, lífsgæði þeirra og hvernig við getum ýtt undir sjálfbæran efnahag hjá þeim samfélögum sem taka á móti ferðamönnum.

Á meðan við færumst í áttina að því að geta ferðast á ný, hvernig getum við undirbúið okkur fyrir "hinn nýja veruleika"? Amanda er með nokkra punkta.

"Lestu þig til! Kynntu þér stöðuna á þeim áfangastöðum sem þig langar að heimsækja. Hvaða reglugerðir eiga við þig? Hvert get ég ferðast nákvæmlega núna? Hvað gerist ef aðstæður gjörbreytast?

Ég mæli einnig með því að tala við ferðaráðgjafa. Þau búa yfir sérfræði þekkingu og geta gefið þér upplýsingar sem þú finnur ekki endilega á internetinu. Þau geta líka hjálpað þér að setja saman ferðalagið sem þú ert búin/n að þrá að komast í."

"Sóttvarnarreglur í hverju landi er eitthvað sem við þurfum að hafa í huga. Taktu með þér þína eigin grímu og handsótthreinsi þegar þú ferð í strætó eða í matvörubúðina. Þú verður að pakka eins og fagmaður og vera viss um að þú sért með allt sem þú þarft þegar kemur að sóttvarnarreglum. Ekki aðeins til að vernda þig heldur líka aðra. Það er mikilvægt að vernda samfélögin sem við erum að heimsækja og ekki valda þeim óþarfa erfiðleikum.

Vertu viss um að þú sért með plan! Við vitum að hlutirnir geta breyst hratt. Það er ekki til að hræða neinn heldur er það einfaldlega raunveruleikinn sem við búum við í dag og við þurfum að aðlaga ferðlögin okkar að honum. Vertu viss um að þú sért með ferðatryggingu, að þú kunnir að endurbóka flug ef svo kemur til og hvaða möguleika þú hefur ef ferðaplanið þitt gengur ekki upp.“

Við munum þurfa að leggja meiri áherslu á heilsu og hreinlæti (síðan hvenær var það slæm hugmynd?), við þurfum að vera betur upplýst, nota sveigjanlegri bókunarmöguleika og helst að fara í gegnum ferðaráðgjafa. Við munum ferðast um heiminn á ný; það mun bara líta aðeins öðruvísi út og vera örlítið flóknara en áður, svo við mælum með því að pakka niður þolinmæðinni og þú ert tilbúinn til að leggja af stað!