Interrail endurkoman: Afhverju og hvert skal fara?

Markmiðið með Interrail er að gera ferðalagið auðvelt á milli tengdra landa í Evrópu. Interrail hefur þróast mikið seinustu ár, en nú er hægt að taka um 40.000 stopp í 33 löndum með Interrail miða. Allt frá stórum borgum til lítilla þorpa á afskekktum svæðum, ef það er stoppistöð er lítið mál að hoppa úr og í lestina. Interrail er fullkominn ferðamáti fyrir þá sem vilja skoða margar borgir í Evrópu og fyrir þá sem vilja kanna ótroðnar slóðir. Hvaða ferðalangur sem er getur hannað sína eigin ferð.

Interrail miði gefur þér ekki einungis aðgang að lestum heldur er einnig hægt að taka frá sæti í ferjum þar sem lestar langa ekki á milli. Interrail miði gefur þér tækifæri á að skoða Evrópu "landamæra lausa''. Einstök upplifun sem mun klárlega skilja eftir sig góðar minningar!

Interrail miði er einn lestarmiði sem þú gildir í jafn marga daga og þú velur. Verðið fer eftir því á hvaða aldri þú ert, hversu marga daga þú vilt nota hann, allt frá 4 dögum upp í 4 mánuði, og hvort þú viljir ferðast í almennu farrými eða á fyrsta farrými. Það eru nokkrir valmöguleikar en heilt á litið eru 2 gerðir:

• Lestarmiði fyrir eitt land (One country pass): Þá getur þú valið hversu marga daga þú notar passann í einu landi, Ítalía er vinsæl sem dæmi.
• Lestarmiði fyrir mörg lönd (Interrail pass): Þá getur þú ferðast til 33 landa og valið í hversu marga daga þú vilt nota lestarpassann. Þú getur til dæmis valið nokkuð lönd af þessu 33, eða "go wild" og skoðað öll 33!

Dæmi: Þú kaupir lestarmiða sem virkar í 7 daga í einn mánuð. Þá getur þú notað hann í 7 daga á einum mánuði, eins oft og þú villt í þessa 7 daga. Þá þarft þú ekki að hugsa um að kaupa hvern lesta miða fyrir sig. Ef þú svo missir af lestinni, þá er alltaf önnur í boði, ekkert stress!

Interrail passinn er svo alltaf virkur í 11 mánuði eftir að hann er keyptur, svo þú þarft ekki að hoppa í lestina um leið og þú kaupir hann. Þú hefur 2 valkosti:

Flexi pass: þá kaupir þú t.d. 15 daga miða sem virkar í 5 daga, þá getur þú valið hvaða 5 daga af þessum 15 þú notar hann.

Continuous pass: þá getur þú notað hann alla dagana, t.d. kaupir 15 daga miða og getur notað hann í 15 daga.

Interrail appið!

Það er til app, sem virkar líka offline. Það er ótrúlega hentugt til þess að skoða öll lestarplön og plana ferðina. Í appinu getur þú einnig bókað sæti í lestir sem fara hraðar og bjóða upp á betri þjónustu. Fyrir þær lestar þarf alltaf að bóka fyrir fram og borga aukalega þar sem sætin eru takmörkuð. Frakkland, Spánn og Ítalía eru með margar lestaleiðir sem þarf að bóka fyrir fram, en ekki hafa áhyggjur, það er alltaf annar kostur með ódýrari lestum í boði þar sem þarf ekki að borga aukalega né panta fyrir fram.

Það getur verið erfitt að ferðast á Interrail lestarmiða með það í huga að skoða "landamæralausu Evrópu'', t.d. þegar kemur að því að skoða eyjarnar á Grikklandi. Þess vegna er einnig hægt að nota miðann í ferjur. Spánn, Marokkó, Grikkland, Ítalía, Finnland, Estónía, Svíþjóð, Þýskaland, Noregur, Danmörk, England, Írland!  Hægt er að ferðast til allra þessa landa með ferju með Interrail miðanum. Við mælum með að taka ferjuna yfir nótt og spara þar með gistikostnað!

Að ferðast með lest getur oft tekið lengri tíma en með flugvél, en er það virkilega verra? Þú tengist betur landinu, hittir heimamenn í lestinni, getur skoðað meira landslag á góðum hraða. Eða jafnvel spilað eða spjallað við heimamenn!

Það eru enn fleiri kostir við að ferðast með lest:

• Lestar eru sjálfbærar. Það fer betur með vistkerfið að nota lest heldur en t.d. að fljúga. Stoppistöðin sem þú lendir á er yfirleitt í hjarta borgarinnar, enginn bið eftir leigubíll frá flugvellinum sem sparar bæði tíma, kostnað og fer betur með vistkerfið. Þú ferð bara út úr lestinni og ert mætt/ur í næsta ævintýri sem bíður þín!
• Engar áhyggjur um farangurs heimild, þú mátt taka eins mikið og þú vilt og getur geymt farangurinn í augsýn.
• Þú þarft ekki að mæta 2-3 tímum fyrir brottför, þú bara mætir nokkrum mínútum fyrir brottför og hoppar upp í lestina. Minna stress!
• Hæg ferðalög er nýr og vinsæll ferðamáti sem snýst um að ferðast hægt og njóta. Hættum að drífa okkur á fjöldaferðamannastaði, njótum ferðalagsins og kynnumst samfélaginu. Í flugvél eftir aðeins 5 mínútur eru yfirleitt um 50% farþega búnir að setja á sig heyrnatól, augngrímu eða eru að leita að mynd til þess að horfa á. Í lestum er fólk meira í því að spjalla og kynnast, þú getur jafnvel hitt á nýjan vin og breytt ferðaplaninu.
• Síðast en ekki síst... Fótapláss! Ef þú ert hávaxin/n er það að sitja í flugvél líklegast ekki það besta sem þú gerir. Í flestum lestum er mikið fótapláss.

Nokkrar ástæður fyrir því að lestaferðalög eru orðin vinsælli:

• Sjálfbærni: Við erum orðin meðvitaðri um áhrif á umhverfið. Margir hverjir eru byrjaðir að breyta mörgu í daglegu lífi til þess að hafa betri áhrif á loftslagsmál, af hverju gerum við ekki það sama þegar kemur að því að ferðast?
• Sveigjanleiki: Að ferðast með lest er minna stressandi. Lestar ganga mun oftar en flugvélar, svo að ef þú missir af lestinni klukkan 10, þá tekur þú bara næstu klukkan 11. Tími verður ekki eins hamlandi þegar þú ferðast með sveigjanleika.
• Framandi Evrópa: Áhugi á óþekktum stöðum í Evrópu fer vaxandi. Stórar vinsælar borgir svo sem Berlín og Amsterdam eru orðnar óvinsælli og er fólk farið að líta til minni borga og þorpa sem erfitt er að finna í vinsælum ferðbókum eða á netinu. Interrail miðinn gefur manni kost á um 40.000 stoppistöðvum í 33 löndum. Það má segja að það sé nóg um litla áhugaverða óþekkta staði sem maður getur kannað.
• Viðráðanlegur ferðamáti: Þú þarft ekki að drífa þig og koma heim þreyttari eftir ferðalagið en þegar þú lagðir af stað. Hægt ferðalag hljómar frekar vel er það ekki? Það hefur færst mikið í aukana að ferðalangar sleppa flugum, skilja eftir stressið sem fylgir því og kýs heldur hægari ferðamáta. Í leiðinni upplifir þú svo mikið meira, kynnist heimamönnum og öðrum ferðlöngum og getur skoðað meira landslag á meðan þú ferð á milli staða. Jafnvel hoppað út á næsta stoppi ef þú sérð eitthvað áhugavert út um gluggann. Það er ekki til betri leið til þess að njóta hægra ferðalaga heldur en að ferðast með lest.

Annað sem er svo frábært við að ferðast með lest er að þú getur planað allt ferðalagið sjálf/ur og breytt planinu á leiðinni, Svo lengi sem lest eða ferja kemur þér þangað. En við hjá KILROY getum að sjálfsögðu aðstoðað þig!

• Balkanskaginn: Blandaðu saman lestum og rútum og búðu til ógleymanlega ferð á framandi slóðum í Evrópu sem ekki hafa verið helteknar af fjöldaferðamennsku. Notaðu Interrail miðann til þess að ferðast til Slóveníu og prufaðu fjallahjól eða kajak. Farðu í eyjahopp í Króatíu og endaðu í fjöllunum í Shkoder, Albaníu. Þú þarft ekki að fara langt til þess að skoða farmandi slóðir.
• Skandinavía: Lestarleiðin á milli Bergen(Björgvin) og Osló er talin ein sú fallegasta í heiminum. Þetta er bara ein af mörgum fallegum leiðum í Skandinavíu. Þú getur t.d. líka tekið lest til Hardangervidda og farið í nokkra daga göngu í þjóðgarðinum.
• Ítalía: Ítalía er eitt af vinsælustu löndunum hjá Interrail ferðlöngum. Ástæðan fyrir því er að Ítalía hentar svo mörgum týpum af ferðalöngum. Þú getur t.d. skoðað fallegur borgirnar Feneyjar, Firenze, Mílanó, Róm, eða þú getur skoðað minni bæi eins og Foggia eða Bacoli til að fá alvöru Ítalska upplifun. Ítalía hefur líka margar strendur þar sem þú getur tekið því rólega.
• Austur-Evrópa: Búdapest er ekki bara staður sem bíður uppá ódýr partí og vodka, það er líka upphafsstaður fyrir frábæra lestarferð um Austur-Evrópu. Ferðastu frá Ungverjalandi til Aþenu og skoðaðu í leiðinni heimili Dracula í Transylvaníu eða prufaðu rafting í Sofiu. Þegar þú svo endar í Aþenu munt þú hafa kynnst Austur-Evrópu alveg upp á nýtt og vinalegu heimamönnunum sem þar búa.