Hið fullkomna sjálfboðastarf ef þú elskar að kafa
Við erum í samstarfi við eitt flottasta sjálfboðastarfið á Filippseyjum þar sem þú færð tækifæri til að starfa við umhverfis- og hafvend á sama tíma og þú kafar heilan helling! Verkefnið er sniðið fyrir þá sem elska að kafa og vilja um leið gefa smá til baka til samfélagsins. Kynntu þér sjálfboðastarfið betur með því að lesa áfram.
Sjálfboðastarf undir yfirborðinu
Ævintýrið byrjar í bænum Dumaguete á eyjunni Negros. Vinna þín á þessum tíma getur falið í sér að safna gögnum, skrásetja og mynda lífið neðansjávar. Það getur líka verið að þú þurfir að hjálpa til við að byggja gervi rif sem geta hjálpað til við að skapa sjálfbært sjávarlíf á svæðinu. Þar að auki færðu að upplifa alveg einstaka köfunarstaði.
Hægt er að velja um að vera hluti af verkefninu í annað hvort einn, tvo eða þrjá mánuði og eru köfunarnámskeiinð innifalin!
Ekki hinn hefðbundni vinnudagur
Dagurinn byrjar venjulega um klukkan 7 á morgnana þar sem morgunverður er í boði. Þá er farið yfir verkefni dagsins svo allir viti hvað þeir eigi að gera.
Þú borðar hádegismat um 13-14 og ef þú ert langt frá búðunum verður hádegisverður borinn fram þar sem þú ert að vinna.
Eftir góðan vinnudag borðar þú kvöldmat með restinni af hópnum og hvað þú gerir eftir það er algjörlega undir þér og hinum sjálfboðaliðunum komið. Kannski er það bíókvöld, spilakvöld eða kanna nærumvherfið. Þú færð svo frí um helgar sem þú getur nýtt til að upplifa allt það besta sem Filippseyjar hafa upp á að bjóða.
Hvað er innifalið?
- Kafanir (um 40-50 að meðaltali á mánuði)
- Köfunarnámskeið
- Snorklunarbúnaður
- Kennsla
- Ráð og leiðbeiningar
- Gisting í sambýli
- Þrjár máltíðir á dag auk nasls
- Vatn, te og kaffi
- Vottorð sem sannar að þú hafir tekið þátt í verkefninu að því loknu
- Stuttermabolur verkefnisins
Mikil áhersla er lögð á öryggi og gæði kafanna sem gerir það að verkum að þetta er frábært tækifæri fyrir sjálfboðaliða að sameina starf við að verndun sjávarlífs með því að verða betri í köfun. Win-win ef þú spyrð okkur!
Um verkefnið og staðinn
Sjálfboðastarfið varð til í samvinnu við heimamenn og tveggja danskra og tveggja hollenskra kafara og sjávarlíffræðinga. Verkefnið er staðsett í Dumaguete á suðausturhluta eyjunnar Negros.
Kíktu á þetta myndband til að vita meira:
