Kynntu þér Suð-Austur Asíu

“Hvar á ég að byrja? Suð-Austur Asía hefur allan pakkann, allt frá stórborgum til lítilla krúttlegra þorpa og allt þar á milli. Álfan er líka algjör paradís með fullt af eyjum með mögnuðum ströndum þar sem þú getur snorklað eða kafað með skjaldbökum og fleiri heillandi sjávardýrum! Veðurfarið er yndislegt, þó svo að þú ferðist um á Monsoon tímabilinu. Ef þú ert óheppin/n þá gætir þú lent í mikilli rigningu en yfirleitt eru þetta einungis nokkrar dembur yfir daginn og svo er frábært veður restina af deginum. Fyrir mig, sem kemur frá Bergen (rigningarborgin mikla), er þetta algjör paradís.

Fyrir utan það að vera ótrúlega fallegt svæði þá er nokkuð ódýrt að ferðast þar um. Þú færð miklu meira fyrir peninginn þinn en þú myndir fá heima fyrir. Ef þig dreymir um að næla þér í köfunarréttindin þá er þetta rétti staðurinn! Það er líka ótrúlega einfalt að ferðast um innanlands og þú nýju kynnist fólki allstaðar! Á hostelinu, á barnum, á ströndinni eða í mismunandi afþreyingum eða ferðum sem þú tekur þátt í."

“Bangkok er fullkominn byrjunarreitur. Það er líka mjög einfalt að finna ódýra flugmiða þangað frá Evrópu. Ein til tvær nætur í Bangkok er líka frábær leið til að komast yfir flugþreytuna og fá að upplifa þessa iðandi stórborg.

Persónulega, þá held ég að mínir uppáhaldsstaðir séu Angkor Wat í Kambódíu (það er skylda, að mínu mati, að stoppa þar í allavega einn dag ef þú ferð til Kambódíu) og þú ættir líka að koma við á Koh Rong sem er vægast sagt paradísareyja!

Í Víetnam myndi ég segja Hoi An. Þessi litli sæti bær einkennist af heillandi ljóslömpum, litlum ám og er einfaldlega augnayndi. Ef þú ert elskar áhættu þá mæli ég með því að leigja vespu og keyra Hai Van Pass frá Hoi An til Hue. Á leiðinni er hægt að stoppa við Elephant Waterfall en það eru líka ótrúlega mörg önnur falleg stopp á leiðinni.

Ef þú elskar að vera umvafinn náttúrunni þá mæli ég með fjöllunum í Da Lat. Prófaðu að fara á kanó niður árnar þar, það er mögnuð upplifun!

Sa Pa er snilld! Að mínu mati skyldustopp og ég sé enn eftir því að hafa ekki eytt meiri tíma í fjalllendi Norður-Víetnam.

Stórborgin Saigon/Ho Chi Minh City virðist vera í algjöru kaosi fyrstu dagana! Það eru vespur allstaðar! Þegar þú ferð yfir umferðagöturnar, vertu viss um að ganga á sama hraða og innfæddir - þá munt þú komast heilu og höldnu yfir götuna að lokum. Foreldrar mínir áttuðu sig ekki á þessu þegar þau heimsóttu Ho Chi Minh og enduðu á því að vera vinstra megin við götuna allan daginn.

Veðrið hefur mikið um það að segja hvenær maður leggur af stað í ferð um Suð-Austur Asíu. Ef þú ætlar að ferðast yfir evrópsku sumarmánuðina mæli ég með því að þú farir til Balí. Svæðið, bæði Balí og eyjarnar í kring, er sannkölluð paradís! Þú ættir ekki síður að heimsækja nágranna eyjurnar. Mín uppáhalds er Nusa Lembongang, þar sem við keyrðum um á vespu allan daginn og könnuðum eyjuna (næstum útaf fyrir okkur). Viltu prófa að lifa í "póstkorti frá paradís"? Heimsæktu þá Gili Trawangan! Þið sem hafið séð Eat, Pray, Love, ættuð að prófa jóga á Balí. Já, það er jafn draumkennt og í bíómyndinni.“

“Upp á síðkastið hef ég lagt meiri áherslu á að reyna að upplifa sem mest á ferðalaginu mínu, ólíkt því sem ég gerði áður, þar sem ég elti bara uppi flottustu strendurnar. Það besta við Suð-Austur Asíu er að þú getur gert eitthvað af öllu. Ég myndi mæli mæla með því að eyða nótt um borð á báti á Halong Bay, fara í fjallgöngur í Sa Pa og gista í heimagistingu hjá innfæddum (ógleymanleg upplifun). Þú ættir líka að skoða að taka köfunarréttindin! Kambódía og Balí eru frábærir kostir þegar kemur að því að læra kafa. Surfbúðir á Balí gætu líka verið fullkomin byrjun á þínu ævintýri um Suð-Austur Asíu."

• Surfa
• Kafa (augljóslega)
• Jóga
• Eyjahopp
• MAGNAÐAR gönguferðir

“Ekki gleyma eyrna töppum en þeir eru nauðsunæegir fyrir ferðlög í nætur rútunum. Ef þú gleymir þeim, þá áttu fram undan erfiða nótt þar sem bílstjórinn flautar alla leiðina líkt og þeir gera á daginn.

Mundu einnig að sýna menningu heimafólksins virðingu. Ef þú ætlar þér að fara í skoðunarferðir og heimsækja hof, sem dæmi, þá skaltu taka með þér fatnað sem hylur axlir og hné.”

Hver var skrítnasta upplifun þín í Asíu?

“Fyrsta daginn minn í Saigon/Ho Chi Minh var mér boðið heim til fjölskyldu til að fagna Kínverska nýárinu. Húsið var stöppufullt af öllum úr fjölskyldunni og þar á meðal litlu mér... Það var svo mikill matur og jafnvel enn meiri bjór, ömmur og afar voru fyrst til að taka lagið í karókí og stemmningin var geggjuð! Þetta var svo ótrúlega ólíkt því sem ég er vön í fjölskylduboðum heima."

"Það er mikilvægt að vita strax að það fer ekki alltaf allt eftir skipulagi. Tímarnir breytast, skapið breytist, planið breytist og skyndilega ertu hálf týnd/ur. Ekki stressa þig um of ef hlutirnir fara ekki nákvæmlega eins og þú sást þá fyrir þér eða að þú nærð ekki að sjá allt sem þú ætlaðir þér að sjá o.s.frv. Það er allt partur af ævintýrinu. Það eru akkúrat mómentin sem þú elskar og manst mest eftir þegar ferðalaginu lýkur."

Ekki líka verið týpan sem lendir í Asíu og fyrsta máltíðin þín er hamborgari eða pizza. Fyrst þú ert að ferðast alla leiðina þangað, taktu þá upplifunina alla leið líka. Talaðu við heimafólkið og fáðu matartips hjá þeim. Þau búa hér svo þau vita nákvæmlega hvar er best að borða (og hvað þú átt að forðast).

Annað en það, þá myndi ég segja að það væri kostur að gista á hosteli, sérstaklega ef þú ert að ferðast ein/n. Mörg hostel eru með mjög háan standard, svo ekki trúa öllum hryllingssögunum, og þú kynnist fullt af fólki og afþreyingu sem þú myndir ekki gera ef þú værir ein/n á hóteli. Ég leita alltaf uppi hostel sem eru með bar. Ef þú endar í herbergi með fólki sem þú ert ekki að tengja við þá skellirðu þér bara niður á barinn og leitar að nýjum herbergisfélögum!

Að lokum, komdu þér í ferðagírinn og búðu þig undir að upplifa ævintýri lífs þíns!“