Reynsla Sam's sem sjálfboðaliði við dýravernd í Suður-Afríku

Check Out Sam

Ég heiti Sam, kem frá Belgíu, og er ferðabloggarinn á bak við CheckOutSam. Í gegnum ferðabloggið mitt reyni ég að hvetja ferðalanga að heimsækja ótrúlega staði og upplifa skemmtilega hluti ásamt því að veita fólki innblástur. Síðast fór ég til Suður-Afríku þar sem ég vann sem sjálfboðaliði og svona fór ég að því!

Sjálfboðastarf með dýrum í útrýmingarhættu í Kruger þjóðgarðinum

Þó það séu mörg sjálfboðaverkefni í boði í Kruger þjóðgarðinum sem leggja áherslu á að hjálpa dýrum, valdi ég verkefni sem einbeittir sér sérstaklega að því að hjálpa dýrum sem eru í útrýmingarhættu. Þetta verkefni virtist vera hin fullkomna blanda af dæmigerðu safarí og verkefnis sem krafðist vinnu. Það olli ekki vonbrigðum.

Að eyða heilu dögunum í að leita að fallegum dýrum, keyra í gegnum ótrúlegt landslag og njóta hverrar stundar með hinum sjálfboðaliðunum var ekki slæmt! Kannski með því að lýsa þessu svona hljómar eins og ég hafi bara farið í langa og afslappandi safaríferð um Kruger þjóðgarðinn, en það er langt frá því að vera satt.

Hver voru verkefnin þín í þessu sjálfboðastarfi?

Þú færð ansi mörg verkefni, en þér líður eiginlega aldrei eins og þú sért að vinna. Þetta er örugglega vegna þess frábæra fólks sem þú vinnur með og líka vegna umhverfisins. Kruger þjóðgarðurinn er svo stór og töfrandi að þú gætir eitt fleiri fleiri árum hér!

Að koma auga á dýr í útrýmingarhættu í Kruger-þjóðgarðinum

Mikilvægasta verkefnið í þessu sjálfboðastarfi er að safna gögnum um öll dýr en þau sem eru í útrýmingarhættu eru í forgangi. Þegar þú keyrir um í safaríbílnum sérðu mikið af fallegum dýrum. Hversu lengi þú ert með hverju dýri fer eftir því hvaða þú þarft að rannsaka þann daginn. Þegar þú stoppar við ákveðna tegund tekurðu fram penna og pappír og byrjar að safna gögnum sem hjálpa til við að fylgjast með stofni tegundarinnar, eins og til dæmis kyni, hvar þú sást þau og svo framvegis. Öll þessi gögn eru ekki aðeins mikilvæg fyrir garðinn sjálfan, heldur einnig fyrir vísindamennina.

Þú hjálpar þessum vísindamönnum á fleiri en einn hátt. Suma daga setur þú upp faldar myndavélar sem taka myndir á nóttunni þegar hin grunlausu dýr fara framhjá. Földu myndavélarnar eru mikilvægar til að geta komið auga á mjög sjaldgæf dýr en myndirnar frá þeim eru notaðar til að rannsaka hegðun þeirra.

Bootcamp Kruger

Vegna þess að þú og hinir sjálfboðaliðarnir eruð aldrei einu gestirnir í þjóðgarðinum, beinast sum verkefnin að því að tryggja að aðrir gestir fái góða upplifun í garðinum. Til dæmis finnst fílum gaman að ýta stöku tré á vegina. Ef þau eru ekki fjarlægð eins fljótt og auðið er mun ekki líða á löngu þar til enginn getur keyrt eftir veginum lengur. Svo stundum þarf maður að láta reyna á líkamlegan styrk sinn til að fjarlægja þessi tré.

Lærðu af þjóðgarðsvörðunum

Að fara í sjálfboðastarf þýðir ekki einungis að þú þarft að vinna, þú færð líka tækifæri til að læra mikið og þróa nýja hæfileika. Í bílnum fylgir þér alltaf þjóðgarðsvarðanemi. Þeir deila allri sinni þekkingu og þú getur bókstaflega spurt þá að öllu sem þú vilt.

Suma daga leggur þú af stað og kannar þjóðgarðinn fótgangandi ásamt nokkrum þjóðgarðsvörðum. Á veginum kenna þeir þér mikið um lítil og stór dýr og kynna þér fyrir "animal tracking" og fullt af öðrum gagnlegum hlutum. Þú ættir því ekki að hafa áhyggjur af öryggi þínu. Þjóðgarðsverðir eru alltaf vopnaðir og veita þér nákvæm öryggis fyrirmæli áður en þú ferð af stað.

Eins og þú sérð er starfið sem þú vinnur mikilvægt, en öll reynslan sem þú færð á meðan þú ert í sjálfboðastarfinu er ekki síður mikilvæg!

Færðu einhvern frítíma í sjálfboðastarfinu?

Já! Þú hefur meira en nóg af frítíma. Í þessu sjálfboðastarfi þarftu nefnilega að vakna snemma (klukkan fjögur eða fimm á morgnana, þegar dýrin eru sem líflegust) og því snýrðu oftast aftur til baka í búðirnar klukkan tíu á morgnana. Þú ert þá frjáls þar til önnur eftirlitsferð hefst, venjulega á milli klukkan tvö og þrjú síðdegis.

Í þessum frítíma muntu hjálpa til í eldhúsinu en vegna þess að margar hendur vinna létt verk tekur það aldrei langan tíma. Síðan geturðu tekið þér blund eða aukið við dýraþekkingu þína með því að lesa eina af mörgu bókunum sem þú finnur í búðunum. Ef þú getur ekki slakað á geturðu líka hlaðið upp gögnum sem þú safnaðir í tölvuna.

Í byrjun hélt ég í alvörunni að þetta hlé væri alltof langt og að mér myndi fljótt leiðast. Sem betur fer hafði ég mjög rangt fyrir mér. Tíminn flýgur þegar þú ert að eyða tíma með samstarfsfólkinu - þið munuð líka hafa nóg að tala um!

Hvað með fyrirkomulagið?

Ég þurfti í rauninni ekki að hafa áhyggjur af samgöngum vegna þess að KILROY sá um það fyrir mig. Það var mjög gott vegna þess að það er ekki það auðveldasta í heimi að komast í búðirnar en ég komst þangað án vandræða!

Í þessu verkefni geturðu valið hvar þú vilt sofa, en það eru tveir möguleikar. Annaðhvort velurðu „lúxus“ valkostinn og sefur í aðalbúðunum eða  „ævintýri“ og eyðir nóttunum í þægilegum tjaldbúðunum nokkrum kílómetrum lengra.

Sofðu meðal ljónanna

Ég valdi að sofa í tjaldi því þá færðu tækifæri til að sofa meðal dýralífsins. Eftir sólsetur geturðu heyrt ljónin og hýenunnar öskra stutt frá tjaldinu þínu! Mögnuð upplifun. Þar að auki heimsækirðu aðalbúðirnar nokkuð reglulega svo þú saknar þannig séð ekki neins ef þú ákveður að sofa í tjaldi. Í þessum heimsóknum geturðu hlaðið símann þinn og synt í sundlauginni.

Matreiðsla er hópefli í báðum búðum. Í hverri viku er nýr (ljúffengur) matseðill settur saman sem veitir þér næga orku til að bretta upp ermarnar það sem eftir er dags. Ef þú vilt kaupa þér bjór eða aðra kalda drykki getur þú tekið þátt í vikulegum akstri í matvörubúðina. Hafðu þó í huga að þessi ferð tekur næstum hálfan daginn. Ég valdi frekar að eyða tímanum í búðunum, þú veist nefnilega aldrei hvaða dýr ákveður að fara fram hjá á nákvæmlega þessari stundu!

Ógleymanlegur tími sem sjálfboðaliði í Suður-Afríku

Að ferðast sem sjálfboðaliði veitir þér tvöfalda ánægju. Þú uppgötvar nýtt land og nýtt umhverfi en tekur líka virkan þátt í því að hjálpa íbúum landsins, hvort sem það eru fólk eða dýr. Tími minn sem sjálfboðaliði í Suður-Afríku var vægast sagt ótrúlegur. Dýrin sem þú sérð, fólkið sem þú hittir og uppgötvar allt með breyttu þessu sjálfboðastarfi í ótrúlega upplifun.

Langar þig að kynna þér þetta sjálfboðastarf betur? Þá getur þú lesið meira um það á bloggsíðu minni.

Takk fyrir að lesa!

Sam