Saga ferðalanga: Þegar Covid-19 fer með draumaferðina

Þegar þú skipuleggur stóru draumaferðina þína ertu alltaf með einhverjar hugmyndir, væntingar og hluti sem þú vilt virkilega upplifa, en við getum líklegast öll verið sammála um að síðastliðið 1,5 ár hefur sannað að við þurfum að vera sveigjanleg þegar við bókum ferð þar sem hlutirnir geta breyst fljótt.

Danirnir, Mads & Jens, eru með frábært dæmi um hvernig vel skipulögð ferð getur farið í vaskinn en breyst í eitthvað engu síðra. Við ákváðum að heyra aðeins í þeim til þess að sjá hvernig ferlið hjá þeim hefur verið.

Mads: Sko, fyrst vildum við fara í Trans Siberian Railway í um mánuð alla leiðina til Kína. Síðan myndum við eyða öðrum mánuði í að ferðast um Kína og Taívan þar sem við höfðum ætlað að hitta nokkra vini. Að lokum ætluðum við að halda til Suðuraustur-Asíu þar til við værum beisiklí uppiskroppa með peninga.

Jens: Nýjasta planið okkar er þó að fara til Mexíkó og vonandi getum við líka skoðað Gvatemala, en við verðum bara að bíða og sjá. Við höfum nánast ekkert skipulagt núna, þar sem hlutirnir breytast hratt, svo við munum að mestu taka skyndiákvarðanir á meðan við erum á staðnum.

Jens: Ég hef ferðast í um það bil eitt ár á eigin vegum áður sem hluti af skiptinámi þar sem ég var í Perú, en það er eina stóra ferðin fyrir utan smá ferðalög í Evrópu á eigin vegum.

Mads: Ég er í raun svolítið grænn. Ég hef farið nokkrar ferðir um Evrópu með lestinni á eigin spýtur og síðan hef ég ferðast mikið með foreldrum mínum þegar ég var yngri.

Mads: Þetta er í raun þriðja ár mitt þar sem ég er í námspásu, og þetta er annað árið hans Jens. Fyrst hafði ég ætlað að ferðast með nokkrum öðrum vinum, en svo byrjuðu þeir í námi, svo ég og Jens ákváðum að ferðast saman. Jens vildi reyndar byrja að læra í sumar, en þar sem ferðinni okkar var frestað nokkrum sinnum útaf COVID þá er hann búinn að fresta náminu sínu líka. Við ákváðum að okkur langaði virkilega að fara í þessa ferð áður en við héldum áfram að læra svo það er það sem við ætlum að gera.

Mads: Já, við verðum að hugsa aðeins til baka núna. Þetta byrjaði allt fyrir um tveimur árum. Mig dreymdi um að fara með Transsiberian Railway. Ég byrjaði að skipuleggja hlutina í hausnum á mér í um það bil eitt ár. Eins og ég sagði, þá voru það upphaflega aðrir vinir sem ég ætlaði að fara með, en þeir byrjuðu að læra og þá byrjuðum við Jens að skipuleggja ferðina saman.

Jens: Ég á nokkra vini í Taívan sem mig langaði mikið að heimsækja. Enn fremur var ég mjög hrifinn af hugmyndinni um að kanna frumskóga og kynnast litlum samfélögum, svo smátt og smátt vorum við komir með hugmynd um hvað við vildum.

Mads: Já, ég man næstum ekki eftir því en ég held að við höfum byrjað að skipuleggja sumarið 2020 og ætluðum að ferðast um haustið. Þrátt fyrir að sumarið í fyrra hafi verið nokkuð jákvætt og fleiri og fleiri staðir hafi byrjað að opnast gæti það að lokum ekki gerst. Við frestuðum síðan ferðinni þangað til snemma á þessu ári - í janúar eða febrúar. Á þessum tímapunkti höfðum við í raun ekki bókað né borgað ferðina þar sem hlutirnir voru frekar óvissir. En á þessum tíma fóru hlutirnir að versna víðast hvar og því frestuðum við ferðinni aftur. Svo rétt fyrir sumarið vorum við aftur jákvæðir og það leit út fyrir að við gætum farið, svo við bókuðum og borguðum ferðina. Ekki löngu eftir það fengum við þær fréttir að það væri ekki raunhæft að fara í ferðina okkar fyrr en næsta sumar, svo við fórum að verða virkilega óþolinmóðir. Við áttum góðar viðræður við ferðaráðgjafa og sögðum að við gætum ekki beðið í eitt ár til viðbótar, þannig að við skoðuðum raunhæfar opnanir eins og er og nú er mánuður í að við ferðumst til Mexíkó. Til að vera alveg hreinskilnir þá vorum við nokkuð lausir þegar kom að því að bóka ferð. Áfangastaðirnir skiptu okkur minna máli, okkur langaði bara að fara langt í burtu og upplifa ævintýri.

Jens: Við höfum reynt að horfa á jákvæðu hliðarnar og þar sem ferðalaginu var frestað svona oft fengum við tækifæri til að vinna meira og spara meiri peninga og að lokum eyða meiri tíma í ferðina okkar.

Jens: Það var í rauninni ekki um mikið að velja. Óþolinmæðin sigraði að lokum og Mads varð eiginlega að viðurkenna að draumurinn um að ferðast með lest yrði líklegast ekki að veruleika.

Mads: Já, en satt að segja var ég alveg orðinn sáttur við það. Við vildum fara, og við vildum fara núna. Svona er þetta bara. En ástæðan fyrir því að við enduðum á að bóka Mexíkó er í raun sú að við æfum báðir fimleika og þjálfari okkar er mexíkóskur. Við áttum gott spjall við hann og nú ætlum við að vera hjá fjölskyldu hans fyrstu 3 vikurnar þar til við finnum annan stað, það er frábært því þá getum við sparað pening og höfum ágæta tryggingu ef eitthvað gerist á meðan við erum þar, að þekkja einhvern sem gæti hjálpað okkur. Fyrir utan það, talar Jens reiprennandi spænsku frá árinu sínu í Perú, svo já, hugmyndin um Mexíkó virtist frekar einföld.

Jens: Svo er þetta líka mjög góð leið til að kynnast heimafólki, stunda smá fimleika í klúbbi á staðnum o.s.frv. Þá er maður með smá tengingar til þess að kynnast nýju fólki. Planið okkar er að vera í Guadalaraja í nokkra mánuði, hafa base þar og ákveða síðan hvernig framhaldið verður. Við erum ekki búnir að ákveða neitt fyrir utan nokkur atriði sem okkur langar virkilega að sjá. Það er líka erfitt að skipuleggja allt fyrir fram á þessum dögum svo við neyðumst eiginlega hvort sem er til að ferðast eins og við hefðum viljað, með lítið skipulag.

Mads: Óvissan er eitt. Við búumst alltaf við því „versta“ og höfum samþykkt að hafa litlar væntingar hvað varðar það sem við getum séð og gert, og þá notum við bara orkuna okkar í að njóta þess að við erum í rauninni að fara eitthvað.

Jens: Það hefur hjálpað mikið til að við höfum ekki sett neinar sérstakar væntingar til þess sem við viljum sjá og gera. Svo lengi sem við förum um borð í vél til Mexíkó í næsta mánuði þá erum við ánægðir.

Mads: Við erum vissir um að við munum eiga frábæra ferð, sama hvað. Við Jens erum góðir vinir og við erum vissir um að við fáum mikið úr ferðinni, sama hvað gerist. Einu óvissuatriðin fyrir okkur hafa verið hlutir eins og „hvenær förum við“ og „hvað með búsetu okkar heima“. Þar sem við þurftum að fresta ferðinni mun Jens í raun og veru vera „heimilislaus“ í um 25 daga. Svo við höfum meira verið að hugsa um slíka praktíska hluti.

Jens: En þetta hefur alveg verið þreytandi ferli því maður var alveg spenntur fyrir ýmsu í fyrri ferðinni. En við höfum alltaf haft það hugarfar að hlutirnir munu ganga upp að lokum.

Jens: Við höfum eytt mjög litlum tíma í að rannsaka eitthvað sjálfir. Í hvert skipti sem við höfum átt fund með ferðaráðgjafanum okkar hefur hún undirbúið okkur undir nánast allt. Við tökum alltaf hlutina á ferðinni hvort sem er, en ég verð að segja að hjálpin sem við höfum fengið í gegnum skipulagsferlið hefur verið alveg frábær.

Ef þú vilt fylgjast með ævintýrum Mads & Jens geturðu fylgt þeim á Instagram:

Jens: @jensbaerentsen

Mads: @madsg.hilker

Við skiljum það! Við getum líka hjálpað þér að skipuleggja ferð til áfangastaða sem eru opnir og við bjóðum upp á sveigjanlega bókunarskilmála með „bókaðu áhyggjulaus" valmöguleikanum okkar. Smelltu á hnappinn til að fá fría ferðaráðgjöf.

Fá fría ferðaráðgjöf