Að pakka - Hvað áttu að taka með þér
"Less is more" er algengt spakmæli. Það á vel við þegar troða þarf í bakpoka og ákveða hvað skal taka með í ferðina. Pakkaðu niður öllu sem þú telur þig hafa not fyrir. Taktu svo 2/3 hluta af því sem þú pakkaðir upp úr töskunni aftur og þá ertu tilbúinn!
Það eru margar góðar ástæður fyrir því að þessi aðferð er sú besta þegar þú ferðast til lengri dvalar eða um heiminn. Fyrir það fyrsta veldur það bara pirringi að ferðast með alltof þungan bakpoka. Í öðru lagi þá hefur þú pláss fyrir varning sem þú vilt kaupa á ferðalaginu. Í þriðja lagi þá getur þú keypt nauðsynjavörur sem kosta oft miklu minna en heima. En einnig ættir þú að taka neðangreinda hluti með að heiman:
Nauðsynlegir hlutir
- Bakpoki eða taska (en ekki á hjólum - það er bara fyrir ömmu þína). Auk þess þarftu minni bakpoka fyrir stuttar skoðunarferðir.
- Vatnsþéttan "poka" til að verja farangurinn þegar rignir (hægt að kaupa í útivistarbúðum).
- Góða gönguskó.
- Lyf, sárabindi, plástur ofl.
- Afrit af öllum pappírum, vegabréfi, flugmiðum og mikilvægum símanúmerum.
- Swiss army hníf eða eitthvað samskonar tól.
- Vasaljós (eða höfuðljós), hengilás og vekjaraklukku.
- Snjallsíma (samskipti, tónlistarspilari, reiknivél, vekjaraklukka, leikir, vara myndavél, geymir gögn)
- Leiðsögubækur sem eiga við hverju sinni.
Með þessa hluti í töskunni getur þú bjargað þér á flestum stöðum. Svo er það bara komið að þér að ákveða hversu mikið af fötum þig langar að taka með. Vertu bara viss um að öll fötin þín séu fljót að þorna, þægileg og ekki of dýr ef þú skyldir týna þeim.
Þú gætir einnig viljað taka vissa hluti með þér (eða ekki) miðað við þann áfangastað sem þú ert að fara til. Þegar þú gistir á hosteli eða öðru líku getur samþjappaður svefnpoki og ferðahandklæði (sem þorna mjög fljótt) reynst þér mjög vel. Þegar þú ferðast um heitar slóðir þá gildir það sama um vatnsflösku og einnig er gott að vera með léttan útileigu búnað (plast disk/skál/hníf/gaffal/skeið) ef þú ætlar þér að stunda mikla útiveru. Sprey/krem eða aðrir hlutir sem halda moskítóflugum frá er einnig mikilvægt að vera með í sumum hlutum heimsins, það er þó oftast best að kaupa þau á þeim stað sem þú ert hverju sinni.
Skildu hárþurrkuna eftir heima
EKKI taka með þér heimskulega hluti eins og hárþurrku því þær eru bara alltof klunnalegar og stórar (hversu lítil sem þér finnst hún vera) og passa hvort sem er sjaldnast í rafmagns innstunguna. Mundu svo að bakpokaferðalag er einstök upplifun - það á ekki að líkjast hversdagslífinu heima með öllum þínum daglegu þörfum.
Góður bakpoki skiptir öllu
Hann á að vera þægilegur og henta þinni stærð og þyngd. Flestar útiverubúðir (og jafnvel KILROY ráðgjafinn þinn) getur gefið þér leiðbeiningar um hvað hentar þér. Það skiptir miklu máli að kaupa ekki of stóran bakpoka. Því þegar þú ert að ferðast sem bakpokaferðalangur þá gætir þú þurft að bera bakpokann í lengri tíma og það er ömurlegt að gefast upp, því hvað pokinn er of þungur! Líklegast gengur 50-70 lítra bakpoki þér. Allt stærra en 70 lítra er of mikið!