Flugverð geta verið breytileg eftir dögum svo oft getur borgað sig að vera með sveigjanlegar ferðadagsetningar - sérstaklega ef þú vilt fá sem ódýrast flug. 
Ef þú finnur ekki ódýran miða skaltu leita að flugi á öðrum dagsetningum, þú getur t.d. prófað að hafa sveigjanlega leit (+/- 3 dagar). Hafðu í huga að föstudagar, laugardagar og sunnudagar eru oft dýrustu ferðadagarnir.

Leitaðu af flugi í tveimur skrefum
Leitaðu fyrst að flugi til lokaáfangastaðar frá stórri borg innan Evrópu, t.d. London, Kaupmannahöfn, Amsterdam eða París. Leitaðu því næst að ódýrasta flugi frá Keflavík til viðkomandi borgar.
Ástæðan fyrir því að við mælum með þessu er að í stærri borgum Evrópu eru möguleikarnir oftast fleiri en á Íslandi, bæði hvað varðar flugfélög og áfangastaði. Þetta þýðir að meiri líkur eru á að finna ódýrt flug. Þar að auki getur þú mun oftar keypt ungmenna- og námsmannamiða KILROY frá þessum stærri borgum heldur en frá Keflavík.

Áhætta sem fylgir því að kaupa tvo eða fleiri aðskilda miða
Hafðu í huga að það fylgir því ákveðin áhætta að kaupa tvo eða fleiri aðskilda miða með ólíkum flugfélögum. Sé einhverju fluginu aflýst eða verði seinkun sem verður til þess að þú missir af öðru flugi er hvorugt flugfélagið ábyrgt fyrir því að endurgreiða þér flugið sem þú misstir af eða verða þér út um annan miða. En ef þú kaupir alla flugleiðina í einum miða í gegnum KILROY ertu tryggð(ur) ef það verða tafir eða breytingar á fluginu þínu.

Breyta millilendingum í nokkurra daga (eða vikna) stopp

Setja stopp á mörgum áfangastöðum inn í einn flugmiða.

Fljúga til einnar borgar en heim frá annarri í sama flugmiða.