Mumbai er eins og alvöru indverskt krydd, masala, því hún fer sem eldur um öll skilningarvit þín. Mumbai er masala í bókstaflegum skilningi þar sem borgin er indæl blanda alls, blanda sem þú gleymir ekki svo auðveldlega.
Hvað á ég að gera í Mumbai?
Þú getur orðið leikari í einn dag í Bollywood sem er stærsti kvikmyndaiðnaður í heimi og framleiðir 500-600 myndir á ári! Farðu að versla á einhverjum af hinum fjölmörgu, litríku mörkuðum. Skoðaðu hellana á Elephanta eyju, eða horfðu á sólsetrið og njóttu lífsins á Chowpatty ströndinni.
Og ef þú gengur nokkurn spöl frá Colaba, þar sem flestir bakpokaferðalangar gista, er það eins og að ferðast hundruð ára aftur í tímann. Nýtískulegu kaffihúsin, veitingahúsin og loftræstar verslunarmiðstöðvar verða einfaldir ávaxtamarkaðir, hrörlegir kofar og opin ræsi. Áhrifin sem þetta hefur á ferðamenn dvelja með þeim alla ævi. Litirnir, lyktin, bragðið, umferðin, ringulreiðin og andstæðurnar eru yfirþyrmandi.
Nokkrir skemmtilegir staðir fyrir þá sem vilja kynnast næturlífi Mumbai:
- Enigma – Glamúrveröld Mumbai!
- Leopold Cafè & Bar – Týpískur bar fyrir næturlíf Mumbai en þar finnur þú blöndu af bakpokaferðalöngum, indversku miðstéttarfólki og austur-afrískum viðskiptamönnum.
- Club Mondegar – Frábærir kokteilar og bjór af krana!
Um Mumbai
Besta leiðin til að kanna og upplifa hið einstaka andrúmsloft Mumbai er að fara fótgangandi á milli staða. Hún er hringiða þar sem viðskiptamenn, fjármálafólk, betlarar, götusölumenn, hórur og töff ungmenni frá Malabar Hill (Beverly Hills hverfi Mumbai) lifa hlið við hlið.
Spjallaðu við Mumbai yfirstéttina á Leopold cafè eða Club Mondegar. Borðaðu yfir þig af dal (linsubaunarétti) og hrísgrjónum sem borið er fram á bananalaufum og kostar aðeins nokkra dollara á næsta matsölustað, eða fáðu þér alvöru veislumat, maharaja á einhverjum af betri veitingastöðum borgarinnar.
Að komast á milli staða í Mumbai
Auðveldasta leiðin til þess að komast á milli staða er í leigubíl, en gættu þess að fylgjast með reikningnum. Góð regla er að biðja bílstjórann að setja mælinn í gang eða semja um verð áður en þú ferð upp í bílinn.
Hvernig er maturinn í Mumbai?
Í Mumbai færðu brot af því besta af indverskri matargerð. Við mælum með því að þú prófir eina af „búllunum“ þar sem þú færð frábæran mat fyrir lítinn pening. Ef þú getur ekki valið af matseðlinum mælum við með tali – hrísgrjón og/eða chapati (brauð), dal, nokkrum karrýréttum, chutney og súrum gúrkum. Fáðu þér svo dásamlegan mangódrykk, mango-lassi, með þessum bragðgóða mat! Namm!
