Balí er eyja sem tileyrir Indónesíu og þar ríkir hindúismi. Balí hefur upp á ótalmarkt að bjóða. Þar er að finna stórfenglegar strendur sem eru tilvaldar til þess að læra að sörfa, heillandi hof, frábæra veitingastaði og yndislega jóga tíma eða námskeið. Strendurnar eru fullar af mannlífi en það er hins vegar enn hægt að finna sína eigin leyniströnd.
Fjölbreytileikinn á Balí
Ef þú velur að vera einungis í höfuðborginni Kuta finnur þú allt sem aðrar ferðamannastórborgir bjóða upp á en ekki margt annað. Ströndin er umkringd kaffihúsum, börum, veitingahúsum, verslunum og ágengu sölufólki sem reynir að selja þér hitt og þetta. Utan við þessa ferðamannahringiðu er allt annar heimur með frábærum upplifunum. Þar eru eldfjöll, leynistrendur, hindúahof, kósý þorp og tækifæri til að kynnast hinum heillandi íbúum eyjarinnar. Balí er eina eyja Indónesíu þar sem er hindúatrú en það skapar eyjunni ákveðna menningarlega sérstöðu.
Að ferðast um Balí
Það er mjög einfalt að ferðast um í Balí en ein besta leiðin til að ferðast um eyjuna er að leigja bílstjóra yfir daginn. Bílstjórinn mun keyra þig hvert sem þú vilt fara, segja þér frá því sem þú sérð, bíða eftir þér ef þú vilt hvíla þig eða fara út úr bílnum og skoða eitthvað. Mundu samt að semja um verðið fyrirfram!
Strendurnar og jóga á Balí
Balí er umkringd frábærum ströndum af öllum stærðum og gerðum. Kuta-Legian-Seminyak er með frábærar öldur og því tilvalinn fyrir gott sörf! Þar eru margir veitingastaðir, barir og verslanir nálægt ströndinni. Ef þú kýst færra fólk og rólegra andrúmsloft þá er Nusa Dua fyrir þig. Lovina Beach er síðan staðsett á norðurströndinni. Þar er svartur eldfjallasandur og fáir ferðamenn. Þetta er fullkominn staður til að slappa af, kafa, snorkla og jafnvel gefst tækifæri til að sjá höfrunga. Sanur er strönd sem er umkringd kóralrifum og geymir mörg kósý strandarhótel, veitingastaði og verslanir. Aðrar strendur sem vert er að skoða eru Jimbaran Beach með dýrindis sjávarrétti, Dreamland Beach með kröftugar öldur fyrir sörfara, Uluwatu er besti staðurinn á eyjunni til að horfa á sólsetrið og Ubud er menningarlegur staður þar sem finna má gallerí og hofdansa á hverju kvöldi. Þar er líka hægt að skoða Apaskóginn (e. the Moneky forest) með framandi trjám og mikið af öpum.
Á milli sörfsins og skoðunarferða er gott að teygja vel á og finna innri ró. Balí er frábær staður til að stunda jóga í fallegu umhverfi en Kilroy hjálpar þér að finna rétta námskeiðið!
Eyjar nálægt Balí
Ef þú vilt eyða meiri tíma í Indónesíu mælum við með því að þú heimsækir Nusa Lembongan, Lombok og Gili eyjar. Auðvelt er að ferðast þangað með bát. Athugaðu að á Gili eyjum eru engir bílar svo þú getur gengið, hjólað eða, ef heppnin er með þér, fengið far með hestvagni.
