Hinar smáu Gili eyjar eru einungis stuttri bátsferð frá eyjunum Lombok og Bali. Andrúmsloftið þar er rólegt og því tilvalinn staður ef þig langar að stinga af úr margmenninu á Balí. Það er auðvelt að ferðast á milli þessara eyja og hægt að leigja smáhýsi (bungalow) á lágu verði. Gili eyjar eru fullkominn staður fyrir sólardýrkendur og kafara!
Vinsælustu eyjurnar
Gili Air eyjan liggur næst Lombok og þar búa flestir íbúar þessara þriggja eyja. Umhverfis eyjuna finnurðu marga spennandi köfunarstaði þar sem þú getur kannað litríkt neðansjávarlíf og jafnvel japanskt skipsflak frá seinni heimstyrjöldinni.
Gili Trawanga er stærsta Gili eyjan og besti staðurinn fyrir þá sem vilja skemmta sér að nóttu til en þar finnur þú marga skemmtilega bari og partý.
Gili Meno er tilvalin fyrir þá sem vilja rólegt strandarlíf en hún er sú minnsta af öllum Gili eyjunum. Þú finnur ekki eins marga gistimöguleika þar eins og á hinum tveimur eyjunum en það þýðir einnig færri ferðamenn.
Hvað er hægt að gera á Gili eyjunum?
Gili er sannkölluð köfunarparadís! Þú finnur marga frábæra köfunarstaði í kringum allar eyjarnar. Ef þú hefur ekki köfunarréttindi er tilvalið að bæta það á Gili en þar finnur þú fjölda frábæra köfunarskóla. Kannaðu fjölbreytt lífríki kóralrifsins í kristaltærum sjónum. Þú gætir rekist á djöflaskötu og hawksbill skjaldböku. Liveabord köfunarbátsferð í nokkrar nætur er einnig algjörlega þess virði að bóka.
Þá er einnig frábært að snorkla við eyjarnar. Taktu með froskalappirnar og farðu að kóralrifinu sem er beint fyrir utan strandlengjuna. Þá getur þú líka leigt kajak eða farið í siglingu á skipi með glerbotni og fylgst þannig með neðansjávarlífinu. Á norðvesturhlið Gili Trawangan er besti staðurinn fyrir djúpsjávarveiðar og er þar einnig hægt að sörfa svolítið þegar flæðir að.
Hvernig er best að komast á milli staða á Gili eyjum?
Notaðu Cidomos, hestvagna eða leigðu þér hjól. Annars eru eyjarnar svo smáar að það er ekkert mál að ganga á milli staða.
Ekki reyna að synda á milli eyjanna! Það gæti litið út fyrir að vera mögulegt en þar eru hafstraumar og nokkrir ævintýramenn hafa dáið við að reyna þetta.
Hafðu samband við ferðasérfræðinga okkar og þeir hjálpa þér að finna ferðir til Gili.
