Indónesía er mikið eyjaland því hér eru rétt yfir 18.000 eyjur. Eyjaklasinn er talinn vera sá stærsti í heimi og stærsti hluti hans er enn ókannaður þar sem aðeins um 6.000 eyjar eru í byggð. Í landinu eru margir mismunandi menningarhópar. Það eru um 700 tungumál töluð og 320 þjóðfélagshópar í landinu. Meirihluti íbúa eru múslimar. Vegna hins breiða þjóðfélagshóps eru hér haldnar margar stórar hátíðar á ári hverju sem eru þess virði að upplifa.
Hvað á ég að gera í Indónesíu?
Þú ert heppin/n ef þú átt ferð til Indónesíu í vændum en Indónesía er mikið ævintýraland fyrir ferðamenn þar sem landið býður uppá ógrynni spennandi staða til að kanna og upplifa. Balí er vel þekktur áfangastaður en Sumatra, Lombok og Kalimantan eru einnig frábærir og ævintýralegir staðir sem eiga skilið að vera heimsóttir. Þú ættir að ferðast til Kelimutu vatnanna, sem eru staðsett í gígum nálægt bænum Moni. Prófaðu líka frumskógagöngu um Lombok regnskóg, kafaðu í tæru vötnum Sumantra og sökktu þér í Kalimantan óbyggðirnar!
Kannaðu Indónesíu neðansjávar! Í Indónesíu eru margir af flottustu köfunarstöðum jarðar. Mörg þúsund kílómetra rif bjóða uppá stórkostlega falleg svæði með ríkum líffræðilegum fjölbreytileika. Í Sulawesi er hægt, meðal annars, að kafa niður að skipsflaki skammt fyrir utan borgina Makassar og einnig kafa um fallega kóralveggi hjá Bunaken National Marine Park. Þar getur þú séð hákarla og skjaldbökur. Indónesía er algjör neðansjávar paradís fyrir kafara.
Klifur er vinsælt sport í Indónesíu. Klifraðu uppá Mount Merapi til að sjá ótrúlega sólarupprás eða skrepptu í göngu um dalina hjá eldfjallinu Bromo. Margir ferðamenn ferðast til Indónesíu í þeim eina tilgangi að fara í þessa göngu.
Ekki má gleyma sörfinu! Í Indónesíu finnur þú marga frábæra sörfskóla bæði fyrir byrjendur og lengra komna og hægt er að velja um að fara á námskeið frá einum degi upp í nokkrar vikur.
Í Indónesíu finnur þú einnig fjöldann allan af sjálfboðastörfum sem tengjast samfélagsþjónustu og dýravernd. Lengdu ferð þína og taktu þátt í gefandi starfi!
Ferð til Borneó getur síðan falið í sér frumskógargöngu með tilheyrandi afslöppun á ströndinni.
Java og Jakarta
Java er sú fjölbyggðasta af öllum eyjum Indónesíu. Þar finnur þú virk eldfjöll og 1000 ára gamla minnisvarða og stórvirki. Höfuðborgin Jakarta er staðsett þar. Þú munt annað hvort elska hana eða finnast hún hávær og óreiðumikil. Jakarta er vinsælasta borg Indónesíu og hefur að geyma marga skemmtilega markaði og hina stóru Kraton, höll soldánsins. Hið ævaforna hofsvæði Borobudur er eitt af stærstu minnisvörðum búddista í suðaustur-Asíu og Prambanan er stærsta hofsvæði hindúa í landinu.
Mikilvægt að vita fyrir flug til Indónesíu
Indónesía er vistfræðilega rík af grösugum suðrænum frumskógum en frumskógar eru í útrýmingarhættu útaf ólöglegu skógarhöggvi og ofnýtingu. Vertu ábyrgur ferðamaður og forðastu að kaupa vörur byggðar úr tré.
Almennt er öryggið á Indónesíu talið frekar gott. Það koma hins vegar öflugir jarðskjálftar og eldfjöll hafa verið að sýna mikla virkni eins og í Mount Kelud, Mount Merapi og Mount Karangetang á Siau eyju. Almennt séð skaltu endilega skoða fréttir, kynna þér staðina og veðurspár áður en þú leggur af stað til Indónesíu. Hafið síðan samband við sendiráðið þegar kemur að vegabréfsáritun til Indónesíu.
