Tókýó er höfuðborg Japans og stærsta borg landsins. Borgin er almennt talin mjög örugg en helsti vandinn sem ferðamenn lenda í er tungumálið þar sem fáir Japanir tala góða ensku. Matseðlar eru oft eingöngu á japönsku og skiltin eru algjörlega óskiljanleg. Þú átt því líklega eftir að klóra þér í höfðinu þegar þú kemur inn á neðanjarðarlestarstöðina og sérð að öll skiltin og miðasölutækin sem sýna einungis japönsk tákn.
Shibuya
Tókýó er mjög nútímalegt hverfi og japanskir unglingar þekktir fyrir að vera með puttana á púlsinum, Shibuya er þeirra himnaríki. Shibuya er eitt af litríkustu og hröðustu hverfum Tókýó en þaðan koma mörg af helstu tískufyrirbrigðum Japans hvað varðar tísku og skemmtun. Þar er urmull af búðum, veitingastöðum, börum og háværum og pirrandi Pachinko spilasölum. Shibuya er líka eitt af fjölmennustu hverfum Tókýó. Það er upplifun í sjálfu sér að ganga um þetta ótrúlega flotta hverfi og fylgjast með umhverfinu.
Hvað ætti ég að gera og sjá í Tókýó?
- Í Asakusa er gamalt búddahof sem er nauðsynlegt fyrir alla ferðamenn að skoða. Að auki er í því hverfi mikið af litlum búðum þar sem er hægt að kaupa allskonar skrýtna hluti.
- Imperial höllin er annað sem þú verður að sjá. Í miðri ringulreiðinni í Tókýó finnur þú þessa höll í stórum fallegum garði. Þú færð ekki að fara inn í höllina sjálfa en gangan um garðinn gefur þér nokkuð góða hugmynd um svæðið. Ef þú ferð þangað í mars eða apríl þegar kirsuberjatrén eru í blóma er garðurinn dásamlega fallegur.
- Í Electric City í Akihabara má segja að andrúmsloftið sé rafmagnað, en þar getur þú keypt alls kyns raftæki. Ef það er eitthvað raftæki sem þig langar í þá finnur þú það hér. Verðið er mjög lágt miðað við Ísland og jafnvel miðað við restina af Tókýó. Hér er fyrirfram ákveðið verð þannig að ekki er ætlast til að þú prúttir.
- Tókýó Turninn er 333 metrar, 13 metrum stærri en fyrirmynd hans Eiffel turninn í París. Þetta gerir hann að heimsins stærsta frístandandi stálturni. Hann stendur sem tákn fyrir endurreisn efnahagslegs styrks Japan en hlutverk turnsins er þó að vera sjónvarps- og útvarpsloftnet ásamt því að laða að ferðamenn. Þeir sem fara að skoða turninn geta gengið upp að vinsælasta útsýnispallinum í 150 metra hæð eða sérstökum útsýnispalli í 250 metra hæð. Í góðu veðri er hægt að sjá Mount Fuji, langt í burtu.
Hvernig er best að ferðast um Tókýó
Í Tókýó er eitt þróaðasta lestar- og neðanjarðarlestarkerfi í heiminum. Í fyrstu gæti það virst vera í algjörri óreiðu en þegar þú hefur lært á það er þetta fullkomin leið til þess að ferðast um stórborgina.
Okkar ráð!
Á meðan þú ert í Tókýó ættir þú að nýta tækifærið og fara í dagsferð til Mount Fuji. Það er alveg frábært að skoða fjallið á fallegum degi.
