Í höfuðborg Kambódíu, Phnom Penh, býr yfir ein milljón manns. Það er margt að sjá og gera í ferð til Kambodíu þar sem landið býður meðal annars upp á magnaðar strendur, náttúru og menningu. Hér er að finna fjölmörg hof sem eiga stóran þátt í sögu Kambódíu og það frægasta þeirra er Angkor Wat. Uppbygging er hröð og það er ótrúlegt að ímynda sér að fyrir aðeins nokkrum áratugum átti sér stað hrikalega hörmung, þjóðarmorð sem framkvæmd voru af rauðu khmerunum. Það eru að finna mörg áhugaverð minnismerki um þjóðarmorðin.
Saga Kambodíu
Það er enn hægt að sjá votta fyrir ofsafenginni sögu landsins og það má finna mörg minnismerki sem þú mátt ekki láta fram hjá þér fara. The Killing Fields er eitt þeirra sem er vert að skoða ásamt því að horfa á samnefnda mynd sem var tilnefnd til Óskarsverðlauna.
Það ættu allir að heimsækja Angkor Wat hofin. Þau eru staðsett nálægt Siam Reap, sem við mælum einnig með að þú heimsækir. Hofin voru byggð á 12. öld en þau áttu að verða höfuðborg landsins. Það er mögnuð tilfinning að ganga á milli hofanna og gott er að gera ráð fyrir einum degi.
Einnig er þess virði að heimsækja hofin Ounalom, Wat Phnom og Wat Moha Montrei og hjá ánni Mekong finnur þú hugguleg kaffihús í Parísarstíl.
Afskekktar strendur Sihanoukville
Ef þú elskar strendur þá verður þú að heimsækja Sihanoukville. Þangað er auðvelt að ferðast með rútu frá Phnom Pehn. Athugaðu að fallegustu strendurnar eru aðeins fyrir utan borgina og frábært er að skella sér í siglingu til nálægrar paradísareyjar. Það tekur þig ekki nema eina klukkustund að sigla yfir til hinnar fögru Bamboo eyju. Þar er ekkert rafmagn og engir bílar á eyjunni og þú átt eftir að vera alveg laus við alla farandsala. Það er einn staður á eyjunni sem selur vörur eins og mat og drykki. Upplifðu algjöra kyrrð og fylgstu með stórbrotnu sólarlagi og sindrandi stjörnubjörtum himni.
Hvernig er besta að ferðast um Kambódíu?
Það er alþjóðaflugvöllur nálægt Phnom Penh og ef þú hefur knappan tíma þá getur þú einnig flogið til Siem Reap til að skoða hofin. Annars er ódýrast að nýta rúturnar en á móti getur það verið tímafrekt vegna slæmra vega. Þú getur ferðast til Sihanoukville eða Sisophon með lest frá höfuðborginni. Rútur, mótorhjól eða riksha eru vinsælustu farartækin innanbæjar. Það er auðvelt að nálgast Phnom Penh frá borginni Ho Chi Minh eða Bangkok, en gerðu þá ráð fyrir nokkrum ferðadögum.
