Kasakstan er níunda stærsta land í heiminum með um 15 milljónir íbúa og á landamæri að Kína, Kirgistan, Rússland, Túrkmenistan og Úsbekistan. Þú átt líklega ekki eftir að rekast á marga aðra ferðamenn í Kasakstan og því tilvalið að drífa sig þangað áður en það breytist. Heimamenn eru almennt mjög gestrisnir og taka vel á móti ferðamönnum. Kasakstan er stórt land þar sem þú færð tækifæri til að upplifa ný ævintýri á hverjum degi. Á sumum stöðum getur þú fundið hirðingja samfélög sem lifa enn eftir gömlu hefðunum. Mundu eftir því að bóka gistingu hjá Kazakhs!
Hvað á ég að gera í Kasakstan?
Kasakstan er þekkt fyrir gróft landslag og heillandi fjalllendi. Þar finnur þú fjöll sem eru um 7000 m há, magnaða jökla og ótrúlegt útsýni. Medeu (1700m) og Shymbulak (2300m) eru frábærir áfangastaðir fyrir alla sem elska vetrarútivist. Í Shymbulak eru þekkt skíðasvæði. Farðu í göngu að Issyk-Köl vatninu en mundu a‘ kanna aðstæður áður en þú leggur af stað því það er mikil hætta á snjóflóðum á þessum svæðum allt árið um kring!
Í fjallgarðinum Tian Shan, við Kolsai vötnin getur þú farið í bátsferð, veiði, á hestbak, synt í vötnunum og skellt þér á skíði og skauta yfir veturinn. Einnig eru þar skemmtilegar kanó og rafting ferðir.
Farðu einnig í ferð í þjóðgarðinn Kurgaldjino sem er staðsettur í norðurhluta Kasakstan en hann er heimili bleiku flamingo fuglanna. Í miðjunni á Kasakstan finnur þú hið stóra og undarlega Balkhas vatn en það er blandað til helminga af salt og fersk vatni. Ekki hika og stoppaðu þar í ferð þinni um Kasakstan!
Almaty - ævintýralegt borgarlíf
Almaty var höfuðborg Kasakstan til ársins 1997 en núna er Astana höfuðborgin. Almaty er hins vegar enn stærsta borg landsins og þar finnurðu allar þær samgöngur sem þú þarfnast til áframhaldandi ferðalaga um eða frá Kasakstan. Mundu samt eftir því að stoppa þar í nokkra daga og upplifa menninguna. Gakktu um götur borgarinnar og skoðaðu nútímalega byggingarstílinn, gamla gosbrunna og fallega garða. Stoppaðu og fylgstu með mannlífinu í Panfilov garðinum og skoðaðu hæstu viðarbyggingu heims. Prófaðu Arasan böðin sem eru rússnesk og finnsk gufuböð!
Í Almaty eru flestir viðburðir haldnir í kringum ráðhúsið og nýja torgið. Kíktu við og kannaðu hvort þú sért nokkuð að missa af einhverju! Ef þú vilt kynnast menningu og sögu landsins þá skaltu kíkja í Central State safnið, State Art safnið og þjóðminjasafn Kasakstan. Þá átt að auki eftir að finna einstakt úrval verslana, veitingastaða og kaffihúsa!
Hvernig er best að ferðast um Kasakstan?
Byrjaðu ferðalag þitt með því að fljúga til Almaty eða Astana. Þaðan finnur þú rútusamgöngur til næstum allra bæja og borga. Gæðin eru ekki þau bestu en mjög ævintýraleg. Leigubílar eru í öllum borgum en mundu að leigja aðeins þá sem eru merktir.
Að ferðast frá Kasakstan þá getur þú tekið lest frá Chimkent/Shymkent til Novosibrisk í Rússlandi og Tashkent í Úsbekistan. Það er frekar erfitt að ferðast til Kirgistan. Til að komast þangað þá verður þú að fara í rútu frá Almaty til Bishkek og húkka þér síðan far restina af leiðinni. Ef þú ert á leðinni til Túrkmenistan þá getur þú tekið lest þangað. Mundu bara að kaupa lestar miðann með miklum fyrirvara og taktu mat með þér í ferðina!
Ferðaráð frá KILROY
Mundu eftir því að sækja um visa með góðum fyrirvara. Góðar upplýsingar um vegabréfsáritanir má finna á vef íslenska utanríkisráðuneytisins.
