Ef þú ert að leita eftir skemmtilegri borgarupplifun á leið þinni um Sri Lanka þarftu ekki að leita lengra en Colombo. Borgin býður upp á frábært úrval veitingastaða, litríkt götulíf og nóg af mörkuðum fyrir þá sem elska að versla! Þessi líflega höfuðborg er staðsett á vesturströnd eyjunnar og er mikilvæg höfn fyrir landið. Ef þú ferð á bryggjuna og horfir yfir hafið muntu sjá fjölda stórra skipa sigla inn og út úr höfninni drekkhlaðin varningi. Stór hluti innflutnings- og útflutningsvara landsins fer í gegnum þessa höfn daglega og enn í dag er Colombo mikilvæg verslunarhöfn.
Hvað á að gera í Colombo?
Þegar þú heimsækir Colombo verður þú, meðal annars, að heimsækja Dehiwala Zoo til þess að sjá fílana. Annað aðdráttarafl borgarinnar er Gangaramaya hofið nálægt Lake Biera, sem er með sitt eigið bókasafn og safn. Þú getur einnig séð glæsilegt safn gjafa sem gestir hafa skilið eftir handa hofinu í gegnum árin.
Það er margt fleira skemmtilegt að skoða og gera í Sri Lanka, en flestar ferðirnar byrja í Colombo svo það er tilvalið að stoppa þar í nokkra daga áður en þú heldur áfram ferð þinni um Sri Lanka. Þú getur t.d. farið í skipulagða ferð um eyjuna, lært að surfa eða farið í sjálfboðastarf.
Virkið
Sunnan við höfnina er miðpunktur borgarinnar og miðstöð verslunar í Colombo. Á þessu svæði, sem kallast Virkið eða The Fort, er einnig ríkisstjórn Sri Lanka til húsa, alþjóðleg hótel eyjunnar og hús og garðar forsetans.
Að versla í Colombo
Austan við höfnina liggur Pettah hverfið sem samanstendur af fjölda gatna sem allar eru fullar af verslunum. Hér finnur þú litrík klæði, gripi frá nýlendutímanum, gullskartgripi, krydd, ávexti, fisk, skó og margt fleira. Hvort sem þú ert að leita að hversdagslegum hlutum eða minjagripum er Pettah hverfið allt sem þú þarft! Ef þú kannt að prútta ættir þú líka að geta fengið frábær verð. Við mælum því með að þú æfir samningatæknina áður en þú ferð að versla.
Áhugaverðasta gatan í Colombo er Sea Street sem er í norðaustur hluta Pettah. Þessi gata hefur allt! Flottar gullbúðir, litrík hof og allt þar á milli. Sea Street er algjört „must see“ fyrir alla sem heimsækja Colombo.
