Syngdu með hinu fræga reggí lagi, Montego Bay, njóttu ferskra drykkja úr heimsins besta rommi eða kafaðu í kristaltæru vatni. Jamaíka mun heilla þig! Á norður- og vesturströndinni eru margar af frægustu hitabeltisströndum landsins. Inn til landsins er stórkostlegt landslag; fjalllendi, neðanjarðarhellar og ár sem eru umkringdar framandi plöntum. Eitt er víst; Jamaíka svíkur engan!
Saga Jamaíka
Kristófer Kólumbus fann Jamaíka seint á 15. öld en eftir það varð eyjan spænsk nýlenda. Nokkrum árum seinna varð eyjan svo hertekin af Bretum. Jamaíka er áfangastaður sem hentar öllum tegundum af ferðamönnum en þeir eiga allir sameiginlegt að elska sólina, strendur og líflegt andrúmsloft.
Hvað er hægt að gera á Jamaíka?
Slakaðu á í hengirúmi í skugganum af pálmatré og hlustaðu á hafið. Flestir ferðamenn koma til Jamaíka vegna himneskra stranda og paradísarveraldarinnar í Montego Bay, borgar sem hefur verið gerð ódauðleg í samnefndu Bobby Blooms lagi. Þó er hægt að upplifs miklu meira á Jamaíka en bara fallegar strendur.
Kristaltær sjórinn sem umlykur eyjuna er frábær til að stunda vatnaíþróttir eins og köfun og sörf. Fáðu þér sæti og njóttu fallegra sandstranda á borð við Negril, dáðstu að sandöldum Sjö mílna strandarinnar (e. Seven Mile Beach) eða njóttu útsýnisins við hina fallegu Dunn River fossa í Ocho Rios.
Ef þú verður leiður á letilífinu á ströndinni þá er tilvalið að fara í gönguferð upp Blue Mountain Peak. Þetta er hæsti tindur Jamaíka og þaðan sérðu eyjuna frá algjörlega nýju sjónarhorni.
Hægt er að leika golf í fallegu umhverfi á fjölmörgum golfvöllum, svo sem Half Moon Golf Club eða Cinnamon Hills Golf Club.
Kíktu á markaði þar sem þú getur fengið frábæra minjagripi og fullt af áhugaverðum hlutum. Hvar sem þú ferð á Jamaíka munt þú upplifa heillandi umhverfi, fallega náttúru og bros sem þú munt vilja endurgjalda!
Lífið á Jamaíka
Mottó Jamaíka eru „No Problem“ og „No Worries“! Reggí tónlist er spiluð alls staðar og litrík merki um reggí menningu eru hvar sem þú ferð. Þessi tónlistarstefna hefur gefið okkur vinsæla listamenn eins og Bob Marley, Sizzla, Elephant Man, Brick & Lace, Sean Paul og marga fleiri.
Kingston er höfuðborg Jamaíka og líka stærsta enskumælandi borgin í Karíbahafi. Þetta er frábær staður til þess að skoða menningu og sögu Jamaíka. Farðu á Bob Marley safnið þar sem þú munt skemmta þér vel og fá innsýn í líf reggí-hetjunnar. Ef þig langar að djamma alla nóttina er Kingston líka rétti staðurinn fyrir þig.
Ferð til Jamaíka er ekki fullkomnuð nema þú hafir fengið tækifæri til að prófa alvöru jamaískt romm. Þetta er sterkur drykkur sem gæti látið þig finna aðeins á þér! Jamaísk matargerð er frábær og mikið er um grillaðan mat, fisk og sjávarrétti með litríkum og ilmandi kryddum. Við lofum ævintýralegri máltíð!
Hvenær er best að fara til Jamaíka?
Jamaíka er með heittemprað veðurfar en vegna vinda sem koma frá Karíbahafi verður sjaldan of heitt þar. Háannatími er frá desember-apríl en regntímabilið frá maí-nóvember. Hjá okkur getur þú fundið flug og ferðir til Jamaíka!
