Í Katar upplifir þú ekki hina dulspekilegu hlið Mið-Austurlanda eða Þúsund og eina nótt. Þetta land býður upp á allt aðra hluti. Síðan olían sigraði heiminn, á síðari hluta 19. aldar, hefur Katar orðið eitt af ríkustu löndum í heimi. Auðugir höfðingjar (e. sheikhs) eyddu milljónum í að breyta þessu gamla arabaríki í nútímalegt land með framúrstefnulegum byggingum.
Katar – Fremst í flokki Mið-Austurlanda
Fjöldi ferðamanna sem heimsækja Katar hefur aukist hratt á síðustu árum. Ákveðin breyting hefur átt sér stað í markaðssetningu á landinu til ferðamanna og er nú meira gert út á hinn „sanna arabíska anda″ en áður var gert. Þú getur því heimsótt stóra markaði, glitrandi moskur, gist í tjöldum, borðað á teppum inni í dimmum hellum og látið skrúbba á þér bakið í hefðbundnum baðhúsum. Allt er þetta þó byggt inn í lúxushótelum. Besta leiðin til að lýsa heimsókn til Katar er að þú átt von á einhverskonar 1001 nótt Disneylandi.
Doha – Stórborg með framtíðarsýn og dýr hótel
Nútímaborgin Doha er ekki einungis byggð á ríkidæmi heldur einnig á framtíðarsýn og trú á það að viðhalda megi núvernadi lifnaðarháttum í Katar - jafnvel eftir að olían klárast. Svimandi há hús og byggingarkranar teygja sig til himins.
Doha er þekktust fyrir 7 km. langa skeifulaga strandlengju sína, Al-Corniche, þar sem pálmatré bærast í golunni á milli lúxushótela.
Hvað á ég að gera í Katar?
Hægt er að upplifa alvöru Arabíustemningu á markaðnum Souq Wagif sem er eins og völundarhús. Jafnvel þó að þessi markaður hafi nýlega verið gerður upp fyrir ferðamenn hefur andrúmsloftið viðhaldist og hér upplifir þú heillandi, erilsamt markaðslífið.
Borgin Bir Zekreet er einskonar einangruð vin í eyðimörkinni. Þar eru ekki margir ferðamenn því það þarf að fara þangað á fjórhjóladrifnum bíl og ferðamenn þurfa að taka með sér eigið tjald og koma sjálfir með mat og vatn. Dvölin þar veitir þér hins vegar einkaaðgang að stjörnum prýddum eyðimerkurhimninum. Rómantískara verður það ekki!
Khor Al-Adaid er staður fyrir þá sem vilja upplifa einstaka náttúru. Þetta eru sandbakkar sem eru sífellt á hreyfingu og mynda dásamlegar bylgjur í sandinum. Dýralífið er einstakt; skjaldbökur og sækýr en allt svæðið er á heimsminjaskrá UNESCO.
Ef þú hefur áhuga á sögu og menningu og vilt upplifa hefðbundnari hlið Katar er hafnarborgin Al-Khor áhugaverður viðkomustaður fyrir þig. Borgin er frábær til að eyða nokkrum dögum, skoða hefðbundin hús í gamla bænum og heimsækja fuglana í Al-Khor Gardens.
Hvernig þarf ég að klæða mig í Katar?
Áður en þú pakkar niður og leggur af stað til Katar ættir þú að minnast þess að íbúar landsins eru Wahhabi múslimar, eins og í Sádi-Arabíu. Það þýðir að þeir drekka ekki áfengi og karlar jafnt sem konur klæðast hefðbundnum fatnaði. Það er mælst til þess að ferðamenn hylji sig að ákveðnu leyti:
- Karlar: Ekki vera í stuttbuxum eða hlírabolum - best að hylja hné og axlir.
- Konur: Ekki vera í þröngum, stuttum eða fleignum fatnaði - best að hylja hné, axlir (eða jafnvel olnboga) og viðbein.
Hvenær er best að heimsækja Katar?
Þú ættir að forðast ferðalög til Katar yfir sumarmánuðina þegar meðalhitinn er 35° og rakastigið er allt að 90%. Þá eru einnig reglulegir sandstormar.
Katar er mögulega ekki land sem þú vilt fara í sérstaka ferð til, en það er tilvalið að nýta millilendingarnar með Qatar Airways. Við getum breytt millilendingum í nokkurra daga stopp fyrir lítið eða ekkert auka gjald! Hafðu samband við ferðaráðgjafa til að fá frekari upplýsingar.
