Það eru nokkrir staðir sem þú verður að heimsækja og er Kalifornía klárlega einn þeirra. Kalifornía er fjölmennasta fylki Bandaríkjanna og í fylkinu eru þrjú virk eldfjöll, stærsti flói Vesturstrandarinnar og hæstu tré í heimi. Eyddu góðum tíma í Santa Cruz, San Francisco og þjóðgörðum Kaliforníu. Kalifornía er drauma áfangastaður þeirra sem vilja frábært veðurfar, dýrka hafið, ströndina og fallega fólkið. Ekki hika við og leyfðu KILROY að aðstoða þig við að finna ferðir og flug til Gullna fylkisins!
Náttúruundrin
Það er enginn skortur á þjóðgörðum í Kaliforníu. Upplifðu hitann á heitasta svæði Bandaríkjanna, Death Valley (Dauðadalinn) og kannaðu litríkar bergmyndanir, fossa og jökla í Yosemite. Og ekki gleyma því að heimsækja Sequoia þjóðgarðinn og skoða hina ótömdu náttúru en eitt stærsta aðdráttarafl hans er Risaskógurinn (the Giant Forest), þar sem þú getur séð tré á stærð við skýjakljúfa. Ef stefnan er að heimsækja alla þjóðgarðana mælum við með því að þú kaupir „National Park pass‟ og sparir þannig pening.
Los Angeles
Andstæðan við alla þessa náttúrufegurð er borg englanna, Los Angeles. Borgin hefur kannski ekki mikinn sjarma en er vel heimsóknarinnar virði. Þér á ekki eftir að leiðast! Stoppaðu við á Rodeo Drive, ein frægasta verslunargata heims, þar sem hinir ríku og frægu versla. Þar áttu eftir að sjá plastkonur, vel klædda hunda og mjög dýra bíla. Ekki gleyma því að kíkja við á Venice Beach en þar munt þú sjá bikinígellur á hjólaskautum og vaxtaræktarkappa æfa á ströndinni! Í Santa Monica finnur þú skemmtilega götulistamenn og Getty safnið. Að lokum þá verður þú að fara í skoðunarferð um Universal Studios kvikmyndaverið og taka mynd af alvöru „stjörnu‟ á Hollywood Boulevard, „the Walk of Fame‟. Athugaðu að almennings samgöngur eru almennt ekki mjög góðar í borginni og því mælum við með því að þú leigir bíl.
Mundu einnig eftir því að heimsækja miðbæ L.A., þessi hluti er svo miklu meira en bara háhýsi. Þar finnur þú nokkur mismunandi hverfi sem öll hafa sín sérkenni en þar á meðal er the Arts District, Chinatown og South Park.
San Francisco
Hin litríka San Francisco er rík af fólki án fordóma, svakalega bröttum brekkum, gróðursælum görðum og frábæru menningarlífi. Á sumrin finnur þú þar einnig ýmsar frábærar skrúðgöngur, það er enginn skortur á partýum í „Frisco,‟ sérstaklega ekki í SoMa hverfinu (South Of Market Street). Þetta svæði er í örum vexti og býður upp á fullt af töff kaffihúsum og börum. Í leiðinni getur þú kíkt á nútímalistasafnið, San Francisco Museum of Modern Art. Ekki sleppa því að bóka miða til Alcatraz, frægasta fangelsis Bandaríkjanna. Gönguferð um Golden Gate brúna ætti einnig að vera á listanum þínum. Hinum megin við hana bíður ógleymanlegt útsýni yfir borgina og ef heppnin er með þér verður brúin ekki þakin skýjum.
San Diego
Ef þú hefur tíma þá ættir þú að ferðast suður á bóginn og skoða San Diego. Þessi spænska nýlenduborg er þekkt fyrir San Diego dýragarðinn, hafnarbakkann, Balboa garðinn og sögulega þjóðgarðurinn State Historical Park í gamla bænum. Einnig finnur þú þar nokkrar af fallegustu ströndum bandaríkjanna, La Jolla og Coronado. Þegar tekur að kvölda mælum við með því að þú stoppir við í gamla bænum (San Diego's Old Town) og pantir þér mexíkóskan mat.
Frá San Diego er auðvelt að fara í dagsferð til Mexíkó en það tekur aðeins hálftíma að keyra til hinnar illræmdu borgar Tijuana en athugaðu að þú gætir þurft að vera í nokkra klukkutíma á landamærunum.
