Í Argentínu er hægt að upplifa svo ótrúlega margt! Í Buenos Aires er hægt að sökkva sér í tangóið, magnaða matargerð og njóta þess að labba milli ólíkra hverfa. Patagónía og Iguazu fossarnir eru bara brot af því sem þetta stórkostlega landslag Argentínu hefur upp á að bjóða. Hefurðu áhuga á að fara á skíði, fara í gönguferðir, smakka eðal vín eða heimsækja eitt dýrmætasta dýralífssvæði jarðar? Argentína er þá klárlega málið fyrir þig, ekki láta þetta land framhjá þér fara!
Hvað á að gera og sjá í Argentínu?
Buenos Aires er mikil heimsborg og jafnframt höfuðborg Argentínu. Borginni er skipt upp í barrios, eða hverfi, hvert með sinn eigin karakter. Buenos Aires er borg upplifana frekar en merkisstaða, hér kynnistu heimamönnum, nýtur góðrar steikar og tilkomumikils tangós.
Frá Buenos Aíres skaltu stefna í norður að stórkostlegu fossunum, Iguazu Falls. Svæðið er algert náttúruundur og það má ekki láta það framhjá sér fara.
Ferðastu vestur til Salta héraðs. Þessi hluti Argentínu er frábær fyrir útivistarfólk. Salta er heimili vinsælu lestarinnar, "The Train to the Clouds". Lestin fer í gegnum ótrúlega fallegt náttúrusvæði. Hallaðu þér aftur og njóttu ferðarinnar!
Mendoza er hliðið að hásléttum Andesfjalla og liggur að Chile. Ef þú ert fyrir góð vín þá hefurðu mjög sennilega bragðað argentínsk vín frá Mendoza. Hér verðurðu að fara í vínsmökkun!
Bariloche er í norðurhluta Pantagóníu og er heimili fallegra fjallastöðuvatna og sígrænna skóga. Andaðu að þér ferska loftinu, njótu stórbrotins útsýnis og útvistarinnar. Þar er einnig frábært skíðasvæði!
Pantagónía og Ushuaia
Til austurs frá Bariloche, Atlantshafsmegin við Argentínu, liggur Valdesskagi (Norður- Patagónía). Skaginn er talinn á meðal dýrmætustu dýralífssvæða jarðar. Við ströndina finnurðu stóra þyrpingu mörgæsa, sæljóna, sela og risavaxna hvala sem koma hingað einu sinni á ári til að eðla sig og ala upp unga sína.
Suður-Patagónía býður upp á snjóþakta fjallstoppar, gríðarstóra jökla og auðar sléttur við hrjúft landslags! Sannkölluð upplifun og einstakt tækifæri fyrir göngugarpa. Bærinn El Calafate er hliðið að mörgum argentínskum jöklum og stöðuvötnum, en einnig að vel þekktum þjóðgörðum eins og Torres del Paine og Los Glaciers. Svæðið var viðurkennt af UNESCO sem World Heritage site. Staðreyndin er sú að báðum þjóðgörðunum er lýst sem óspilltustu stöðum á jörðu en sjón er sögu ríkari!
Ushuaia borg er oft lýst sem stað á "enda veraldar". Hér líður þér bókstaflega eins og þú sért einangraður frá öllum heiminum. Ushuaia sér fyrir aðgangi að eyjaklasanum Tierra del Fuego með því að bjóða uppá allskonar skoðunarferðir fyrir ævintýra- og náttúrulífsunnendur. Ushuaia er einnig þekkt sem syðsta borg heims og er hliðið að hinu ískalda Suðurskautslandi.
Að ferðast til og um Argentínu
Argentína hefur uppá margt að bjóða og þótt landið sé gríðarstórt er auðvelt að komast á milli. Auðveldast er að taka rútu, það er ódýr og mjög þæginlegur ferðamáti. Við ráðleggjum þér að vera búinn að læra pínu spænsku áður en þú leggur uppí ferð til Argentínu. Að tala ekki tungumálið torveldar hlutina. Í landi eins og Argentínu skiptil miklu máli að geta tjáð sig við heimamenn. Aðeins nokkur orð fá þá til að brosa og opna sig fyrir þér, það er þvílíkur kostur þar sem þau vita um bestu og einstökustu staðina og upplifanirnar.
