Brasilía er jafn stórkostleg og hún er stór. Hér eru svo margir áhugaverðir staðir og margar upplifanir að það er erfitt að ákveða hvar skal byrja: Skemmtilegt fólk, magnaðar strendur, stærsti frumskógur heims, fen og votlendi með einstöku dýralífi, fallegar og skemmtilegar borgir, samba og fótbolti, flottir fossar, hrikalegir klettar og gljúfur, svo nokkur dæmi séu nefnd.
Eyjan sem þú munt aldrei gleyma - Ilha Grande
Þessi eyja er í nokkra klukkutíma fjarlægð suðvestur af Ríó, hún er yndisfögur og erfitt að lýsa í fáum orðum. Kristaltær túrkisgræn vötn, hver heillandi ströndin á fætur annarri og óhóflega dökkgræn gróðursæld sem breiðir sig svo langt sem augað eygir, svo ekki sé minnst á myndrænu fjallshlíðarnar sem skella beint niður í sjó.
Brasilía - himnaríki á jörðu
Sjávarsíðan við meginland Brasilíu nálægt Ilha Grande býður upp á allmarga fallega flóa og nýlenduborgir, sérstaklega Paratí, og hinum megin við Ríó liggur Niterói. Það er almennt álit manna að Brasilía hefur að geyma sannkallaða gullmola. Hver ströndin er flottari og glæsilegri en sú sem þú sást þar á undan. Klappstólar, sólskyggni (besti vinur þinn í Brasilíu) eru dregin alveg upp að sjávarbrún. Glaðværir, berfættir þjónar færa þér ískaldan bjór, caipirinhas, grillaðar rækjur og hressandi, suðræna safa.
Ef þig vantar meiri fjölbreytni þá standa hrífandi borgir í röðum eftir strandlengjunni: Salvador, Recife, Sao Luis og Belém. Allar þessar borgir bjóða upp á heillandi markaði, nýlendubyggingar og lífsglatt mannfólk.
Brasilía - sannkölluð sandparadís
Ekki yfirgefa ströndina fyrr en þú hefur heimsótt afskekkta þorpið Jericoacoara. Eina leiðin til komast þangað er að fara með fjórhjóladrifnum jeppa yfir sandöldur, strendur og vatnsfarvegi. Þessi fagri staður er umkringdur sandöldum, hér er ótrúlega falleg strönd og huggulegir strandbarir sem breytast í snilldargóða veitingastaði að kvöldi með fisk og sjávarréttum. Ekki missa af spennandi bíltúr á buggy bíl eða fjórhjóladrifnum jeppa í gegnum brattar og nánast óraunverulegar sandöldur!
Vatnaævintýri og frumskógardýr
Amazon ætti að vera á öllum must-see listum. Þar geturðu lent í ýmsum ævintýrum, eins og að ferðast á fljótabáti á meðal hundruða heimamanna, sem stíga inn og af í litlum afskekktum þorpum. Hér upplifirðu landið allt öðruvísi en á ströndunum, og er nauðsynlegt að upplifa bæði.
Augljósasta leiðin er að fara frá stórborginni Manaus í miðjum frumskóginum og fara með ströndu, alla leið til Belém. Við mælum með að þú farir af í Santarém og stefnir á litla þorpið Alter do Chao. Hér kemstu í tæri við óhreyfða, villta frumskógatöfra. Hér við óshólma árinnar eru kalkhvítar og stórfenglegar sandstrendur, hér geturðu siglt í gegnum fenjaviði, kafað eftir sérkennilegum fiskum, upplifað þá stórkostlegu sýn að sjá bleika höfrunga bregða á leik í vatninu.
Við mælum einnig með að fara með leiðsögumanni um frumskóginn, þar sem þú sefur undir berum himni í dimmum frumskóginum. Að degi til áttu eftir að verða agndofa af öllum hrífandi stöðunum og dýrunum: krókódílar, apar, páfagaukar, nagdýr, tarantúlur og, með smá heppni, fjallaljón eða hlébarða.
