5 mögnuðustu dýr Malasíu
Fallegar skjaldbökur, stríðnir órangútar, nefstórir apar, krúttlegir fílar og eldflugur sem líkjast listaverki. Malasía býr svo sannarlega yfir mögnuðu dýralífi sem þú verður að upplifa í eigin persónu. Skoðaðu samantekt okkar af fallegum dýrum frá ströndum og frumskógum Malasíu sem þú verður að sjá!
1. Órangútar - hittu frænda þinn!
Órangútar deila u.þ.b. 97% gena sinna með mönnum. Það er heillandi að fylgjast með hversu mannlegir þeir eru í hegðun og samskiptum við hvora aðra. Kíktu í Semenggoh Nature Reserve til þess að sjá órangútana í sínu náttúrulega umhverfi og komdu svo við í Sepilok Orang Utan Rehabilitation Center. Hér færðu að sjá dýrin í mikilli nálægð og styrkir á sama tíma starf miðstöðvarinnar sem hjálpar munaðarlausum og slösuðum órangútönum.
2. Eldflugur - dansandi stjörnur
Þú sérð eldflugurnar best í Malasíska ríkinu Sabah þar sem þær flykkjast í kringum vatnagróðurinn og sefin. Best er að fara með bát út á vatn á milli klukkan 19:00 og 22:00 á kvöldi þegar það er ekkert tunglskin. Að sjá þúsundir eldflugna dansa um í myrkrinu er einstök sjón. Það er eins og að horfa á stjörnurnar, nema í stað þess að vera kjurrar í margra ljósára fjarlægð eru þær dansandi beint fyrir framan þig.
3. Langnefjaðir apar (proboscis monkey)
Proboscis aparnir eru landlægir í Borneo. Það er ekki að ástæðulausu að þeir eru oft kallaðir nefstóru aparnir, en nef karlapanna geta orðið allt að 10 cm að lengd. Auk þess eru þeir þekktir fyrir að vera með nokkurskonar bjórbumbu. Þetta eru ekki virðulegustu eða fallegustu skepnur dýraríkisins - en það er mjög gaman að horfa á þá!
4. Pygmy fílar - krúttlegi Borneo fíllinn
Pygmy fíllinn sem lifir í Borneo er aðeins minni en ættingi hans á meginlandinu asíski fíllinn, sem er þó minni en afríski fíllinn. Enn er deilt um uppruna tegundarinnar: Er hún upprunin í Borneo eða eru þetta afkomendur taminna fíla sem sleppt var út í náttúruna af soldáninum af Sulu árið 1750? Dag einn gætum við komist að niðurstöðu, en þangað til skulum við bara njóta þess að horfa á þessar fallegu skeppnur í frumskógum Borneo.
5. Skjaldbökur af öllum stærðum og gerðum
Í Malasíu er að finna fjölda ólíkra tegunda skjaldbaka. Á eyjunni Penan getur þú heimsótt "skjaldbökuhofið" Kek Lok Si og gefið skjaldbökum að éta úr lófanum á þér. Ef þú vilt frekar sjá þær í villtri náttúrunni skaltu heimsækja Turtle Island, þar sem skjaldbökur koma til þess að verpa eggjum. Ef þú kemur á réttum tíma ársins gætirðu séð pínulitlar skjaldbökur nýskriðnar úr eggjunum drífa sig í átt að sjónum. Það er sjón sem þú munt aldrei gleyma!
