KILROY x myclimate

Við hjá KILROY viljum ekki hverfa frá ábyrgð okkar þegar kemur að sjálfbærni. Að gera öll ferðalög sjálfbær er ekki eins manns starf, heldur hópverkefni á milli okkar, samstarfsaðila okkar, keppinauta og viðskiptavina okkar. Við lítum á það sem ábyrgð okkar að vera með frumkvæði sem styðja ferlið við að gera heiminn að betri stað fyrir næstu kynslóðir, og við trúum því að ferðalög séu fullkomin leið til að hvetja til breytinga.

Þess vegna endurspeglar nálgun okkar víðtækari ábyrgð en loftslagsverkefnin ein og sér, þar sem sýn okkar á hægum og staðbundnum ferðalögum er okkur alltaf framarlega í huga. Þó að við séum glöð með að taka þátt í að breyta iðnaði okkar með því að hafa áhrif á ferðamenn, þá komumst við ekki framhjá þeirri staðreynd að flugferðir leggja mikið til af gróðurhúsalofttegundum, sérstaklega CO2. Þess vegna höfum við skoðað að búa til raunhæfa kolefnisjöfnunaráætlun sem býður upp á meira en einfaldlega það að gróðursetja tré. Verkefnin sem við vinnum með í kolefnisjöfnun endurspegla þetta þar sem þau snúast um svæði þar sem loftslag er aðeins ein af þeim áskorunum sem sveitarfélög takast á við. Í samstarfi okkar við MyClimate kolefnisjöfnum við okkar eigin ferðalög, auk þess að hjálpa viðskiptavinum okkar með gagnsæri, metnaðarfullri lausn til að jafna þeirra kolefnisspor með því að velja um að styrkja tvö tiltekin verkefni í Níkaragva og Madagaskar. Þannig getum við greinilega séð og fylgst með árangri af framlögum okkar sem og hvernig kolefnisjöfnunarsjóðir eru notaðir. Hvort tveggja eru vönduð samfélagstengd verkefni sem bæta ekki aðeins upp gróðurhúsalofttegundir heldur bæta um leið líf þúsundir manna í nærsamfélaginu.

Skoðaðu verkefnin sem við erum að vinna með eða lestu um hugtakið hæg ferðalög, hreyfing sem gerð er til að breyta því hvernig við upplifum ferðalög.

Undanfarin ár hefur loftslagsumræðan farið úr því að vera ný of yfir í að vera sterkari og enn flóknari. En þó að þetta sé enn tiltölulega nýtt umræðuefni gerum við okkur grein fyrir að það er enginn tími eins og nútíminn til að gera nauðsynlegar ráðstafanir til að gera fyrirtæki okkar og ferðaiðnaðinn í heildina ábyrgari. Við lítum sem svo á að þetta sé lærdómsríkt ferli og við höfum svo sannarlega enn enn þá svigrúm til að gera betur. En um leið og við tökum ábyrgð, bjóðum við þér að vera með í þessu ferðalagi. KILROY x MyClimate er bara fyrsta skrefið í sjálfbærnistefnu okkar.

Flest flugfélög og fullt af ferðafyrirtækjum bjóða upp á möguleikann á kolefnisjöfnun á losun þinni, en gæði þeirra eru mjög mismunandi. Við hjá KILROY vildum að okkar hlutverk væri eins raunhæft og mögulegt er, til að hafa raunveruleg áhrif. Þess vegna fórum við í samstarf við hóp óháðra, alþjóðlega virtra ráðgjafa sem aðstoðuðu okkur við að semja skilmálana okkar fyrir samstarfsaðila þegar kemur að kolefnisjöfnun. Út frá þessum forsendum var MyClimate fyrir valinu. MyClimate er í fremstu röð í frjálsri kolefnisjöfnun með staðbundnum átaksverkefnum í (aðallega) í þriðjaheimslöndum. Þegar kom að því að velja að vinna með MyClimate réðu þessi tvö lykilatriði:

1. Raunhæfur útreikningur sem gerir þér í raun og veru kleift að kolefnisjafna flugferðina þína
2. Uppsetning sem hefur fullt gagnsæi og auðkenningu verkefna, svo við getum deilt með viðskiptavinum okkar hvernig fé þeirra sem varið er í koleefnisjöfnun er notað.

Lestu „Hvernig við reiknum“ til að skilja hvers vegna við teljum kolefnisjöfnunarlíkanið okkar vera sterkt og hvers vegna kolefnisjöfnun okkar er dýrara samanborið við suma keppinauta okkar. Okkur finnst það vera á okkar ábyrgð að draga upp raunverulega mynd af kostnaði til að vega upp á móti raunverulegri kolefnisjöfnun flugs þíns í stað þess að bjóða upp á táknrænar bætur.