Stærsta borg Marokkó er Casablanca. Borgin er miðstöð iðnaðar og viðskipta í landinu. Hér upplifir þú nútímalegri hlið á Marokkó en á öðrum vinsælum áfangastöðum landsins.
Hvað á að skoða í Casablanca?
Casablanca er yfirleitt ekki á lista yfir vinsælustu ferðamannastaði Marokkó og flestir ferðamenn sem fljúga til Casablanca fara samdægurs til Rabat eða annarra nálægra borga. Hins vegar ef þú ákveður að dvelja í einn til tvo daga í Casablanca eru nokkrir áhugaverðir staðir sem þú verður að skoða. Einn af þeim sem við mælum með er King Hassan II moskan, sem er þriðja stærsta moska í heimi og er hún þekktust fyrir þak sitt sem opnast til himins og fallega skreyttar flísar. Ferðamenn mega skoða hana þó þeir séu ekki múslimar.
Í vesturátt frá moskunni er Corniche sem er hverfi við hafið. Þetta var eitt sinn nýtískulegt ferðamannahverfi en hefur nú misst hluta af mikilfengleik sínum. Þar má þó enn finna nokkur háklassahótel og vestræna skyndibitastaði.
- Matur og drykkur í Casablanca: Í Casablanca eru fjölmargir staðir þar sem hægt er að borða hefðbundna tagine rétti. Athugaðu að flestir veitingastaðir eru lokaðir til 19:00 á kvöldin og sumir opna jafnvel enn síðar.
- Að ferðast til og frá Casablanca: Það er auðvelt að komast með lest til Casablanca frá Meknes, Fes, Oujda, Marrakech og Tangier. Við mælum með því að finna hraðlest því það getur sparað þér nokkrar klukkustundir.
Það er einnig auðvelt að ferðast til Casablanca með langferðabíl frá öðrum stórborgum í Marokkó. Það er jafnvel hægt að komast beint með rútu þaðan til nokkurra af stórborgum Evrópu. En ef þú ert að hugsa um að heimsækja Marokkó er eflaust hagstæðast að fljúga frá Evrópu til Casablanca.
