Það er ótalmargt að gera og upplifa í Seoul, allan sólahringinn. Þetta er svo sannarlega borg sem aldrei sefur. Þar er einstaklega gaman að versla alls kyns fatnað, upplifa magnaða matarmenningu og fara í dagsferð að DMZ, landamæri Norður- og Suður- Kóreu.
Hvað á að gera í Seoul?
Þegar þú ferðast til þessarar gríðarstóru borgar í Suður-Kóreu verður þú að gera eins og hinir innfæddu og fara niður að Han River, ánni sem hlykkjast í gegnum miðlægustu hluta Seoul. Þetta er hinn fullkomni staður til þess að staldra við í rólegheitum, setjast á árbakkann og dýfa heitum og þreyttum fótunum í kalt og hressandi vatnið, skoða mannlífið og meðtaka hið dásamlega andrúmsloft.
Gyeongbokgung Palace eða Gyeongbok Palace er annað sem þú verður að skoða. Höllin var fyrst byggð árið 1394 og svo endurbyggð árið 1867. Njóttu friðarins og fáðu þér sæti í fallegu görðum hans.
Skemmtileg dagsferð er til landamæra Norður- og Suður-Kóreu, DMZ (The Korean Demilitarized Zone).
Borg sem aldrei sefur
Næturlífið í Seoul er endalaust og lifandi! Ef þú vilt upplifa skemmtilegt kvöld er Itaewon staðurinn fyrir þig og „Soho“ hverfi Seoul heitir Samcheongdong. Þessi hluti borgarinnar er mjög ólíkur restinni af henni. Húsin og byggingarnar eru mun minni og þar eru þröng stræti og vegir, ólíkt restinni af borginni þar sem eru margir skýjakljúfar og stórir vegir. Nálægt Royal Palace er svæði með mikið af áhugaverðum galleríum, tískubúðum og kaffihúsum.
Einstök verslun í Seoul
Það er gaman að versla í Seoul og í tískuhverfinu í Myeongdong er hægt að finna hvaða stíl sem þú getur hugsað þér, fjöldaframleiddan tískufatnað í bland við einstaklingshönnun. Annar möguleiki er að versla í Insadong eða á hinum spennandi Mecca Dongdaemun Market. Næturhrafnarnir ættu að fara á Dongdaemun markaðinn en þar er verðið afar hagstætt.
Upplifðu matarmenningu allan sólarhringinn
Í Seoul eru fjöldamargir veitingastaðir og þeir eru vel sóttir allan sólarhringinn. Kóreskur og japanskur matur er venjan en það er einnig boðið upp á alþjóðlegan mat. Kimchi er bragðmikið, súrsað grænmeti og er borið fram með flestum réttum en þetta er talsvert meira spennandi en smá kálskraut! Frábær upplifun er að borða kvöldverð í N’Seoul Tower. Ef þú borðar þar á fallegu kvöldi er útsýnið yfir Seoul ógleymanlegt.
Hvenær er besti ferðatíminn?
Við mælum með að fara að hausti til, á sumrin er mikill hiti og raki en veturnir eru mjög kaldir. Regntímabilið er í júní og júlí og veturinn er mjög kaldur.
