Höfuðborg Argentínu, Buenos Aíres, er með fallegustu borgum Suður-Ameríku. Borgin og íbúar hennar iða af ástríðu, og er óhætt að segja að Argentínubúar séu með fallegasta og hamingjusamasta fólki heims. Hér þrífst tangó og fótbolti (sem er í guðatölu). Ekki má svo gleyma hinum litríku borgarhverfum og alla sögulegu minnisvarðana. Það er tilvalið að hefja ferðina um Argentínu akkúrat hér!
Buenos Aíres er gríðarstór borg sem hefur að geyma mörg borgarhverfi ("barrios"). Það er erfitt að ímynda sér að hverfin séu hluti af borginni því þau búa yfir sérstökum karakter sem fær fólk, sem heimsækir þau, til að finnast þau vera lítil þorp. Þú getur farið og skoðað skemmtilegustu hverfin fótgangandi, eða tekið leigubíl - sem er alveg fáránlega ódýr í Buenos Aires!
Falleg, elegant og stílhrein Þessi þrjú orð lýsa borginni ansi vel. Það er viss klassi yfir borginni, hér ríkir sérstakur latínskur sjarmi og er borgin alger nautnaborg. Það er ekki erfitt að verða ástfangin/n í þessari rómantísku borg - ekkert endilega í persónu heldur borginni sjálfri! Nærtækasti samanburðurinn er mögulega París, en Buenos Aíres er og verður einstök, og erfitt er að bera hana saman við aðrar borgir. Gott dæmi um hina miklu fegurð Buenos Aires er hægt að finna á hinum einstaka kirkjugarði La Recoleta í borgarhluta sem ber sama nafn. Já í kirkjugarði! Því þessi kirkjugarður er ekkert í líkingu við venjulegan kirkjugarð, hér dóminerar hvíti liturinn, og eru margir grafsteinarnir afar flottir minnisvarðar, og hverjum öðrum glæsilegri. Já dauðinn getur líka verið fallegur! Ein afar þekkt persóna er grafin hér, Eva Peron (Evita), og er grafreiturinn hennar heimsóttur á hverjum degi af fjölda ferðamanna.
San Telmo og Palermo
Buenos Aires er án efa þekktust fyrir tangó, sem er fyrir mörgum samnefnari við borgina. Það úir og grúir af dansnámskeiðum í borgarhlutanum San Telmo, og það er ekki hægt að yfirgefa borgina án þess að hafa prófað þennan ástríðufulla dans (sama þótt þú sért ekkert fyrir að dansa!) Í San Telmo er einnig mikið af fallegum sögulegum byggingum.
Palermo er af mörgum talinn svalasti staðurinn í Buenos Aíres. Hér ríkir þægileg og afslöppuð stemmning, hér eru flottustu verslanirnar og bestu veitingahúsin, fallegustu torgin og krúttlegustu hótelin. Við hjá KILROY mælum með nokkra daga dvöl hér á farfuglaheimili eða hóteli.
La Boca og Maradona
Vinsælasta hverfið í Buenos Aíres er svo "La Boca" sem er frægt fyrir afar litskrúðug hús og er hverfið algert túristamekka. Það getur verið skemmtilegt að að spássera niður göturnar, en láttu það ekki koma þér á óvart að sjá nokkrar rútur með amerískum eða japönskum ferðamönnum. Einnig skaltu hafa í huga að Boca er fátækt hverfi og því frekar hættulegt ef þú ferð út fyrir helstu túristasvæðin. Ef þú ert mikil bolta áhugamanneskja skaltu endilega skella þér á leik með hinu fræga argentínska liði, Boca Juniors, á heimavelli Maradona. Það er ótrúleg upplifun að fara á leik. Þú finnur leikvanginn titra þegar þúsundir áhangenda öskra "Bocaaa, Bocaaa". Farðu að ráði okkar og bókaðu miða á leik á farfuglaheimilinu sem þú gistir á. Starfsmennirnir munu ferja þig til og frá leikvanginum ef þú óskar þess, sem er mun öruggara en að fara á eigin vegum, því það er mjög erfitt að ná á leigubíl eftir leik.
