Í þunnu fjallalofti La Paz er staður sem er tilvalinn til að taka það rólega. Gakktu um þröng stræti og heimsæktu líflega markaði þar sem indjánakonur selja handverk sitt. Það er auðvelt að fara í dagsferðir og fjallgöngur frá La Paz. Útsýnið yfir Andes fjöllin frá þessari hæst liggjandi höfuðborg í heimi er ótrúlegt!
La Paz liggur hæst af öllum höfuðborgum jarðar, í 3600 metra hæð, og liggur í Chuquiago Marka dalnum, umkringd Andes fjöllunum í Bólivíu. Borgin La Paz var stofnuð árið 1548. Bara það að labba í La Paz er upplifun því loftið hér er þunnt og ferskt. Í dag er La Paz lífleg borg í sífelldum vexti. Lítil stræti, torg, veitingastaðir, frábær kaffihús og ýmis söfn gera það að verkum að hér er fullkomið að rölta um í rólegheitunum. La Paz er engin sérstök partíborg en þú getur skemmt þér vel á Peñas stöðunum, sem eru barir með hefðbundna “live” tónlist sem heimamenn stunda grimmt. Þú verður að sjá risastóru götumarkaðina, þ.á.m. “Galdralæknamarkaðinn” Mercado de Brujas. Hér sérð þú indjánakonur í hefðbundnum búningum sem selja jurtir og handverk.
Lake Titicaca & uppruni Inkamenningar
Það er fullt að sjá í La Paz; dómkirkjan stendur við hliðina á forsetahöllinni á Plaza Murillo torginu: hún var byggð 1835 og er vel heimsóknarinnar virði. Santo Domingo og San Fransisco eru fallegar kirkjur. Skoðaðu útsýnið frá El Alto þorpinu og allt til La Paz dalsins til að sjá borgina frá mismunandi sjónarhornum. Útsýnið frá Valle de la Luna, sem er um 10 km frá miðbænum, er líka mjög fallegt.
Frá La Paz getur þú líka ferðast að Titicaca vatninu, eitt hæst liggjandi vatn heims og það stærsta í Suður Ameríku. Á leiðinni getur þú stoppað í hinni víðfrægu borg Copacabana, en þaðan getur þú bókað dagsferð til Isla del Sol. Þangað segir sagan að öll Inkamenningin eigi rætur sínar að rekja. Soratan borgin á strönd Titicaca er líka vinsæl meðal bakpokaferðalanga.
Ef þig langar að slappa virkilega af, farðu til Coroica, það er Bólivískur aldingarður sem liggur í 1500 metra hæð. Þar er virkilega afslappað þorp og fullkominn staður til að taka það rólega.
Afþreying í La Paz
Þú getur bókað adrenalínfulla dagsferð á hjóli: El Camino de la Muerte vegurinn liggur niður í móti til Corocoi þorpið, hann er bara 65 km langur en hæðarmunurinn er 3500 metrar! Útsýnið er ótrúlegt – ef þú þorir að líta upp(!) Þú getur einnig bókað fjallgönguferðir frá La Paz í einn dag eða lengur.
Það er frábær hugmynd að kynnast hinni fornu menningu Tiwanaku með því að skoða rústir bústaða þeirra. Þegar þú ert að bóka fjallgönguna, skoðaðu veðurspána og veldu þér ábyrga ferðaskrifstofu. Það er sérstaklega mikilvægt á rigningatímabilinu í janúar og febrúar.
Ferðaráð okkar
Við Sagarnaga götuna í La Paz eru margar ferðaskrifstofur sem skipuleggja dagsferðir til nálægra borga og lengra. Þú getur ferðast til La Paz eftir mismunandi vegum, lest eða flugvél eftir því hvaðan þú kemur.
