Sao Paulo, í suðurhluta Brasilíu, iðar af fólki, skýjakljúfum og umferð. Borgin er sú stærsta í Suður Ameríku og ein sú stærsta í heimi. Kauptu miða til Sao Paulo og Brasilíu.
Hér eru glitrandi skýjakljúfar og háværir bílar á götunum. Upplifðu hraðan hjartslátt borgarinnar, sterkann matinn og flóruna af búðum fyrir verslunarfíkla.
Sao Paulo er alls enginn svefnbær. Borgarbúar eru um 18 milljónir talsins – talan fer eftir hversu mikið af óendanlegu úthverfunum maður telur með – og borgin er því bæði sú stærsta í Brasilíu og í Suður-Ameríku. Þessi líflega stórborg er suðupottur menninga allsstaðar að úr heiminum, Líbanon, Portúgal, Ítalíu, Þýskalands og Japan.
Að sjá og gera í Sao Paulo - New York Suður Ameríku
Hér er fullt af söfnum með sýningum sem breytast stöðugt og yfirleitt gott úrval af tónleikum. Þess vegna er Sao Paulo oft lýst sem New York Suður-Ameríku.
Ef þú vilt vita hvað er í gangi borgar sig að fara í sjoppu og ná sér í vikublaðið 'Guia - Da Folha', sem gefur góða yfirsýn yfir atburði og uppákomur.
Menningarlega Sao Paulo - MASP
Einn staður sem veldur aldrei vonbrigðum er listasafnið Museum de Arte de Sao Paulo(MASP) sem liggur við umferðargötuna Avenida Paulista. Byggingin sjálf er aðlaðandi, stór glerkassi sem stendur nokkrum metrum yfir yfirborði jarðarinnar á rauðmáluðum stólpum, svo það lítur næstum út fyrir að fljóta.
Í MASP finnur maður stærsta safn vesturlandalistar í Suður Ameríku, m.a. verk eftir Rembrandt, Van Gogh og Cezanne. Þar er líka stærðarinnar safn Brasilískra verka.
Veðurfar, Carnival og Gay Pride
Loftslagið í Sao Paulo er, líkt og allsstaðar í Brasilíu, hitabeltisloftslag sem sveiflast milli 25 og 35°C yfir árið en á veturna (júní til ágúst) er rigning og kalt á nóttunni.
Ef þig langar að upplifa borgina af fullum krafti, komdu þá til Sao Paulo yfir Carnival (kjötkveðjuhátíðina) þegar marglitum confettibitum rignir yfir borgina. Tónlistin ómar af götunum og risastórir, listilega skreyttir skrúðgönguvagnar rúlla gegnum borgina, umkringdir villtri mergð dansara í litríkum búningum.
Þetta er frábært tækifæri til að rífa fram dansskóna! Og ef þú missir af Carneval, getur þú bætt þér það upp á Gay Pride. Í Sao Paulo fer fram stærsta Gay Pride skrúðganga heims, og það eru yfirleitt meira en þrjár milljónir þátttakenda í þessari hátíð.
Saga Sao Paulo – Stofnuð af Trúboðum
Þessi partíglaða borg var stofnuð af tveimur trúboðum árið 1554. Bærinn óx hratt, ekki síst vegna kaffiverslunarinnar, en í dag er borgin ein sú ríkasta í Brasilíu og verslunarmiðstöð landsins.
En bilið milli ríkra og fátækra er breitt. Á götunum sér maður viðskiptamenn og heimilislaus börn, framakonur og flækinga. Og í sumum hverfum þarf maður að fara virkilega varlega og jafnvel forðast með öllu ef maður þekkir ekki borgina. Í Sao Paulo er glæpatíðnin há og borgin getur verði hættuleg, sérstaklega á næturnar.
Að Versla á Avienida Paulista
Fólk kemur til Sao Paulo alls staðar að í Brasilíu til þess að versla. Þar eru verslanir sem hæfa mismunandi smekk hvers og eins hvað varðar föt, list, handverk og forngripi.
Á Avienida Paulista verslunargötunni eru búðir í hæsta gæðaflokki sem bjóða upp á dýrustu hönnunina. Það er líka hér sem 'Shopping Ibirapuera' liggur en það er ein af elstu og flottustu verslunarmiðstöðvum Sao Paolo.
Um helgar eru flóamarkaðir úti um allt. Einn af þeim er við hliðina á Museum de Arte de Sao Paulo (MASP), en þar er hægt að kaupa listaverk og sjaldgæfar bækur. Ef þig þyrstir í bita eða notað dót getur þú skoðað 'Praca Benedito Calixto', en það er einn stærsti flóamarkaður borgarinnar - þar finnur þú mikið úrval matar.
