Spurt og svarað - 10 algengustu spurningarnar þegar kemur að heimsreisum
Það er ekkert betra en að skella sér í spennandi ferð um heiminn. Þú munt uppgötva nýjar hliðar á sjálfum þér, eignast nýja vini og óteljandi nýjar upplifanir. Að skipuleggja ferðina er ekki síður skemmtilegt en það er mikið sem þú þarft að hugsa um. Hversu lengi ertu að fara að ferðast? Hversu mikið ráðstöfunarfé ertu með? Hvert viltu fara? Bólusetningar? Visa? Ferðatrygging? Hér eru því 10 frábær ráð þegar kemur að því að skipuleggja heimsreisu. Við erum svo líka alltaf tilbúin til að aðstoða þig!
Fá fría ráðgjöf
1. Hvernig get ég farið í heimsreisu ef ég á ekki mikinn pening?
Byrjaðu að skipuleggja tímanlega! Að fara í heimsreisu er ekki endilega jafn dýrt og þú heldur. Við mælum með að þú byrjir að skipuleggja og bóka sirka 8 til 10 mánuðum fram í tímann. Þar er mikilvægt að finna þau flug sem henta best fyrir þig en ferðaráðgjafar okkar geta aðstoðað þig við það.
Að fara í heimsreisu er ekki ódýrasta ferðin sem þú getur farið í en hún er svo sannarlega sú ferð sem er mest þess virði. Þú skalt alltaf safna aðeins hærri upphæð en þú ætlar þér að eyða þar sem óvæntur kostnaður getur komið upp á meðan ferðinni stendur.
2. Hvernig get ég upplifað sem mest í heimsreisunni minni?
Við mælum alltaf með því að eyða lengri tíma á færri áfangastöðum frekar en að eyða styttri tíma á mörgum áfangastöðum. Þegar þú ferð til of margra staða á stuttum tíma þá munt þú í rauninni ekki upplifa meira heldur minna en ef þú ferð til færri staða á sama tíma - quality over quantity er gott að hafa í huga!
3. Hvað á ég að bóka fyrirfram?
Það er undir þér komið hvað þig langar að bóka fyrirfram og hvað ekki. Hér getur þú séð okkar tillögur en hafðu öryggið í huga þegar þú velur þann möguleika sem að hentar þér best:
- Bókaðu öll flug, gistingar og afþreyingar fyrirfram. Þá getur þú farið í ferðina þína án þess að hafa áhyggjur af því. Þar að auki getur það sparað þér pening að bóka miða, gistingar og afþreyingar með fyrirvara.
- Bókaðu flugin og nokkra daga gistingu á þeim stöðum sem þú ætlar til. Þá hefur þú eitthvað öryggi en samt svigrúm til þess að vera spontant á meðan ferðinni stendur.
- Bókaðu flugmiða aðra leiðina til paradísar og gerðu síðan það sem þér dettur í hug! Hafðu samt í huga að mörg lönd hleypa þér ekki inn í landið ef þú ert bara með miða aðra leiðina. Þú þarft líka að vera viðbúin undir að flugmiðar, gistingar og afþreyingar geta verið uppseldar á hánnatíma. Sveigjanlegir flugmiðar eru góð lausn en þeir gefa þér meira öryggi og meira frelsi.
Fá fría ráðgjöf
4. Hvað þarf ég að hafa í huga áður en ég bóka?
Áður en þú bókar er gott að spyrja sig að eftirfarandi spurningum...
- Hvað er efst á bucket listanum mínum og hef ég nægan tíma fyrir allt saman?
- Er ég með nógu mikið ráðstöfunarfé eða ætti ég að geyma nokkra áfangastaði fyrir næsta ferðalagið mitt?
- Hvernig er best að haga ferð minni þegar kemur að árstíðum og loftslagi?
5. Get ég þénað pening á meðan ferðalagi mínu stendur?
Já! Þú getur til dæmis unnið í sumarbúðum í Bandaríkjunum. Lestu þig til um það hér.
6. Hvernig er best að ferðast á milli staða?
Að ferðast með lestum, rútum og bátum getur gefið þér allt aðra sýn á land en ef þú ferðast bara með flugvél. Við mælum svo sannarlega með því að þú ferðist á milli staða með staðbundnum samgöngum og þá sérstaklega ef þú ert á bakpokaferðalagi. Ef þú ert óviss um hvernig, þá getum við aðstoðað þig!
Fá aðstoð
7. Hvað get ég gert til þess að upplifa einstaka hluti á ferðalagi mínu?
Ef þú ert að leita að einstökum upplifunum þá mælum við hiklaust með sjálfboðastarfi! Það er ómetanleg lífreynsla sem mun gefa þér nýja sýn á heiminn. Þú getur farið í sjálfboðastarf tengt samfélagsþjónustu, börnum, náttúruvernd eða dýravernd. Hafðu samband við okkur ef þig vantar aðstoð við að finna rétta sjálfboðastarfið fyrir þig.
Fá aðstoð
8. Afhverju ætti ég að nota ferðaskrifstofu eins og ykkur?
Við erum sérfræðingar í ferðalögum og getum aðstoðað þig fyrir ferðina, á meðan henni stendur og eftir hana. Við höfum ferðast heimshornanna á milli þar sem við höfum upplifað ýmislegt og getum því gefið þér góð ráð. Við elskum líka að tala um ferðalög svo ef þig vantar innblástur eða aðstoð við bókanir þá skaltu ekki hika við að hafa samband við okkur og við hjálpum þér við ferlið og deilum okkar reynslu.
Fá aðstoð
9. Hvað með gjaldeyri?
Það er alltaf nauðsynlegt að eiga einhvern gjaldeyri þegar þú kemur á nýjan áfangastað. Gullna reglan er sú að þú átt aldrei að taka út meiri gjaldeyri en þú sérð fyrir þér að eyða í hverju landi þar sem að gjaldmiðill hvers lands getur verið mismunandi. Við mælum einnig með því að hafa alltaf einhverja dollara meðferðis þar sem þeir geta komið að góðum notum ef óvænt vandamál koma upp og þú ert ekki í aðstöðu til þess að geta tekið út pening.
Það er líka mikilvægt að vera með kreditkort á þér! Það getur komið að góðum notum ef þú verður fyrir því óláni að vera rændur eða týnir veskinu þínu.
10. Hverju á ég að pakka niður?
Það er best að pakka létt og taka einungis með þér það allra nauðsynlegasta annars eru allar líkur á því að þú munir fylla bakpokann þinn og átta þig síðan á því þegar þú kemur heim að þú hefur ekki notað helminginn af því sem þú tókst með þér. Við höfum reynslu af því að pakka fyrir ferðalög svo ef þig vantar aðstoð þá skaltu hafa samband við okkur en hér getur þú einnig fundið pökkunarlistann okkar.
Frí ráðgjöf
Það þarf að huga að ansi miklu þegar kemur að því að fara í heimsreisu. Þess vegna erum við hér til að aðstoða þig! Við getum hjálpað þér frá A til Ö svo hafðu samband og við skulum byrja að skipuleggja draumaferðina þína í sameiningu.
Fá fría ráðgjöf
