Þorir þú að kafa með hákörlum?
Þú átt ekki eftir að trúa því hversu mikil litardýrð leynist undir yfirborði sjávar fyrr en þú hefur séð það með eigin augum. Að kafa opnar fyrir þér nýjan heim! Það er þó eitt að kafa innan um litríka fiska og falleg kóralrif og annað að kafa innan um risastóra hákarla! Viltu finna hjartað slá hraðar?
Hér eru 7 frábærir staðir þar sem þú getur kafað innan um þessi risastóru dýr hafsins. Mundu bara alltaf að vera varkár og kanna vel hvort það séu nokkuð notaðar vafasamar aðferðir til þess að lokka þá að.
Fá fría ferðaráðgjöf
1. Cat Islands, Bahamas
Þú verður ekki fyrir vonbrigðum þegar þú kafar í kringum Cat Islands í Bahamas. Þar finnur þú aðallega hvítugga (whitetip reef shark) en einnig skeggháfa (nurse shark) og tígrisháf (tiger shark).
2. Isla Mujeres, Cancun, Mexíkó
Langar þig að sjá hvalháf - stærstur núlifandi fiska um 15 metra langur? Þá mælum við með Island Mujeres í Mexíkó. Besti tíminn er á milli júní og september! Hér færð þú einstakt tækifæri til að komast í ótrúlega nálægð við þessi mögnuðu dýr.
3. Wilmington, Norður-Karólína, USA
Við strönd Wilmington, Norður-Karólínu í Bandaríkjunum, er að finna flak af gömlum kafbáti þar sem kóralar og hið fjölbreytta lífríki hafsins hefur tekið sér bólstað. Þessi staður er því orðinn að fullkomnum köfunarstað! Innan um hið litríka lífríki átt þú einnig eftir að rekast á fjölda nautháfa (sandtiger sharks) og skeggháfa (nurse sharks)
4. Tiger Beach, Bahamas
Í um 30 km vestur af strönd Grand Bahamas eyjunni finnur þú einstakan köfunarstað, The Tiger Beach. Staðurinn var fyrst uppgötvaður árið 1980 og er í dag mjög vinsæll meðal kafara - sérstaklega vegna hins gífurlega fjölda tígrisháfa (tiger sharks) sem eiga líklega eftir að synda mjög nálægt þér. En ekki hafa áhyggjur þeir eru ekki nema um 5 metra langir...
5. Cocos Island, Kosta Ríka
Cocos eyjan, staðsett í um 550 km vestur af Kosta Ríka, er sannkölluð paradís allra kafara - sérstaklega þeirra sem langar að kafa innan um sleggjuháfa (hammerhead).
6. Fish Rock Cave, Ástralía
Utan við austurströnd Ástralíu finnur þú helli sem kallaður er the Fish Rock Cave. Þessi hellir er um 125 metra djúpur og mjög vinsæll meðal bæði kafar sem og nautháfa (sandtiger sharks).
7. Gansbaai, Suður-Afríka
Langar þig að finna adrenalínið flæða? Þú finnur einn vinsælasta köfunarstað heims þegar kemur að því að kafa með hvítháfum (Great White Sharks) í Suður-Afríku. Hér getur þú farið í sjálfboðastarf til að verna þessi dýr hafsins.
Hvar verður þitt næsta köfunarævintýri?
Hjá okkur finnur þú mismunandi köfunarstaði og námskeið, bæði fyrir byrjendur og lengra komna. Hafðu samband við ferðaráðgjafa okkar og láttu drauminn rætast!
Fá fría ráðgjöf
