Koh Tao er hluti af Chumphon eyjaklasanum í vestuströnd Tælands. Hinar eyjurnar eru Koh Samui (sem er stærst) og Koh Phangan (þar sem hið víðfræga Full Moon Partý er haldið). Koh Tao er róleg eyja að staðaldri og þar er gífurlega gott að vera. Nánast allt á Koh Tao tengist köfun á einhvern hátt og meiri hluti íbúa hennar vinna við þá grein ferðamennskunnar. Vegir á eyjunni er vægast sagt ekkert sérstaklega góðir en hægt er að komast á flest alla staði gangandi eða leigja sér líka skellinöðru.
Að læra að kafa í Koh Tao
Ef þú ferð til Koh Tao þá verður þú að kafa og enn betra væri að taka köfunaréttindi! Koh Tao er einn af bestu stöðum heims til að kafa og það er einnig ódýrara að læra þar en á flestum öðrum stöðum í heiminum.
Það eru ýmsir hlutir sem þú getur séð þegar þú ert að kafa í Koh Tao. Þar má nefna litrík kóralrif, skjaldbökur, hvalháfa (whale shark), sæhesta, allskonar kóralfiska, hákarla og margt fleira. Sjón er sögu ríkari!
Hver veit nema þú finnur svo Nemo og Dóru (Angelfish og Clown fish). Báðar tegundir eru á svæðinu.
Hvenær er best að kafa á Koh Tao?
Stutta svar: Allt árið í kring! Allir mánuðir hafa sýna kosti og galla. Janúar og febrúrar marka upphaf köfunartímabilsins og skyggni er 10-20 metrar (sem telst gott). Í mars og apríl er svo kallað "whale shark season" í Koh Tao. Það er ágætt að kafa í maí og júní en þá eykst vindurinn og því geta sumir staðir á eyjunni verið betri en aðrir. Í júlí, ágúst og september er soldið rigning en á þessum tíma er skyggni allt að 30m+, sem er mjög mikið. Oktober er venjulega rólegur mánuður en er samt mjög gott að kafa. Nóvember er oft talinn versti mánuðurinn til að kafa á Koh Tao vegna þess að þá byrjar rigningartímbilið. Desember mánuður er mjög rólegur en aðstæðurnar eru góðar.
Við viljum þó ítreka að miðað við allt eru allir mánuðir ágætir og hafa sína kosti og galla!
Eitthvað annað að gera en Köfun á Koh Tao?
Hægt er að sigla, klifra í klettum, spranga og hoppa fram af björgum, fara á “wake” bretti, í yoga eða matreiðslutíma. Einnig er vinsælt að fara í Muay Thai Boxing eða bara liggja flatmaga á öllum yndislegu ströndunum sem eyjan hefur upp á að bjóða.
Samgöngur til og á Koh Tao
Auðveldast er að fljúga til Koh Samui og taka þaðan ferju til Koh Tao. Það er þó einnig dýrasti kosturinn. Því mælum við oftast með því að taka rútu og svo ferju á eyjunar.
Frá Bangkok til Chumphon til Koh Tao
Auðvelt er að kaupa sér rútu miða í Bangkok til Koh Tao. Ferðalagið tekur um það bil hálfan sólarhring. Byrjað er í nokkra klukktíma rútuferð frá Bangkok til Chumphon. Í Chumphon er svo tekið ferja til Koh Tao en sú ferð tekur 2-3 tíma. Rúturnar eru oftast mjög þæginlegar (betri en á Íslandi) og boðið er upp á næturferðir þar sem þú getur sofið mest allan tímann eða dagsferðir sem lagt er af stað snemma um morgun.
Frá Surat Thani
Ef þú varst í Phuket eða Krabi þá er auðvelt að kaupa sér rútumiða til Surat Thani. Þaðan fer ferja til Koh Samui, Koh Phanan og loks til Koh Tao. Mögulegt er að fara í nætursiglingu.
Ferðaráð
Til að byrja með þá viljum við hvetja þig til þess að læra kafa. Upplifunin er engri lík.
