Það eru ekki mörg lönd í Evrópu sem geta rakið sögu sína allt frá 10. öld. Portúgal hefur svo sannarlega áunnið sér sess í heimssögunni og er það ein af ástæðum þess að ferðamenn ættu að leggja leið sína þangað. Það má til dæmis ekki láta Porto framhjá sér fara þar sem sögufræg hverfi borgarinnar eru á heimsminjaskrá UNESCO. Það er þó ýmislegt annað sem laðar ferðamenn að landinu. Letidagar í sólinni, fallegar strendur og skemmtileg viðfangsefni á borð við golf, tennis og sörf.
Lissabon – höfuðborg Portúgal
Í höfuðborginni Lissabon, eða Lisbon, gefst kjörið tækifæri til að kynnast hinni fornu sögu Portúgal og því stolti yfir afrekum fortíðar sem einkennir landið. Lissabon er ein af fallegustu borgum í Evrópu, en þar má finna fjölmarga gamla kastala og falleg svæði. Staðsetning bygginga í hlíðum borgarinnar setur skemmtilegan borgarbrag. Víða má finna toglestar, sporvagna og lyftur sem koma ferðamönnum að bestu útsýnisstöðum borgarinnar. Í Lissabon eru einnig mörg minnismerki til að fagna hinum frægu landkönnuðum sem koma frá borginni.
Hvað er hægt að gera í Portúgal?
Portúgal státar af mörgum flottum afþreyingum og ef þig dreymir um ævintýri sem er stútfullt af fallegri náttúru og fjöri er þetta rétti áfangastaðurinn.
Portúgal er einn besti surfstaður í Evrópu og er erfitt að finna skemmtilegri afþreyingu en að eyða deginum í öldum Atlantshafsins. Við vinnum náið með einum besta surfbirgja heimsins og í surfbúðunum þeirra í Ericeira er nóg af góðum öldum og góðri stemningu. Skoðaðu meira um surf í Portúgal hér.
Ef þú ert síðan að leita að þínu innra Zen getur þú sameinað surf við jóga. Þannig færðu adrenalínið úr líkamanum í öldunum og finnur svo innri frið þegar þú ert í búðunum. Þessi samsetning hefur reynst afar vinsæl síðustu árin svo ekki láta hana fram hjá þér fara.
Sjálfboðastarf í Portúgal er einnig að aukast í vinsældum. Við bjóðum upp á mörg skemmtileg verkefni sem þú getur tekið þátt í eins og náttúruverndarverkefni og matvælaverkefni fyrir þá sem minna mega sín í Lissabon. Lestu meira um sjálfboðastörf í Portúgal hér.
Ef þú ætlar að ferðast í suðurátt frá Lissabon getur þú varla sleppt því að stíga niður fæti einhvers staðar á ströndinni í Algarve. Í þessum hluta Portúgal má finna miklu meira heldur en túristastaði og golfvelli. Víða má finna fallegar víkur og sandstrendur sem liggja á milli hraundranga alveg niður að sjó. Tveir af vinsælustu og flottustu áfangastöðum Algarve eru Estoril og Cascais sem eru nú til dags næstum samofnir. Auðvelt er að komast þangað frá Lissabon en einnig er hægt að fljúga þangað frá Faro flugvelli. Báðir þessir áfangastaðir eru einstaklega heillandi og bjóða ferðamenn velkomna í sólarsælu við sjávarsíðuna, en einnig gefst tækifæri til að fara í spilavíti eða versla merkjavöru. Portúgal býður upp á fræg svæði til að sörfa og öldurnar eru dásamlegar! Ef þú hefur ekki stigið á brimbretti áður en langar að læra að sörfa mælum við með að þú skellir þér í sörfskóla.
Portúgal er sérstaklega áhugavert land í ljósi vínmenningar. Margar af hinum frábæru vínekrum landsins eru staðsettar suður af Lissabon en raunin er sú að finna má góð vín um allt landið. Borgin Porto er fræg fyrir aðra tegund af víni, púrtvín. Ef þú ferð til Porto gætir þú þó verið spenntari fyrir því að ganga um sögufræg hverfi borgarinnar sem hafa verið á heimsminjaskrá UNESCO frá árinu 1996. Í þessum heillandi hluta af Portúgal getur þú horft yfir hina miklu á Douro sem liggur í gegnum Porto.
Ekki fara frá Portúgal án þess að hafa hlustað á hina tregafullu tónlist Fado eina kvöldstund, í besta falli á vínbar í þröngu hliðarstræti í Lissabon.
Eitt af því sem er mjög vinsælt í Portúgal er leirmunagerð en hún er alls staðar og kemur fram í ýmsu formi. Það er skemmtilegt að kaupa leirmuni og fara með heim sem minjagripi. Keramikflísar eru annað frægt portúgalskt handverk og hinar fallegu handmáluðu flísar eru frábærar gjafir. En gættu þess hvað þú kaupir mikið svo þú þurfir ekki að borga yfirvigt á flugvellinum!
Maturinn
Matarmenning Portúgal hefur mótast af nýlenduveldi landsins um allan heim. Augljósustu áhrifin eru notkun sterkra krydda en sú er ekki venjan í evrópskri matargerð. Pipar, karrý, saffran, kanill og engifer eru líka mjög algeng í portúgalskri matargerð í dag. Kvöldverður er borðaður seint, um kl. 20.00 og oftast er um að ræða þriggja rétta máltíð sem inniheldur súpu, aðalrétt og eftirrétt. Eftir mat er svo auðvitað nauðsynlegt að dreypa á púrtvíni!
Leigðu húsbíl og farðu í ferðalag um Portúgal
Portúgal er frægt fyrir fallegar strandlínur og fjölbreytta náttúru. Ef þú vilt upplifa þetta allt í einu lagi og á þínum hraða, af hverju ekki að leigja húsbíl? Kíktu á þessa road trip ferðatillögu um Portúgal.
Hvernig á að komast til Portúgal?
Það er alltaf hægt að fljúga til Portúgals en önnur og oft skemmtilegri leið er að stoppa í landinu á Interrail ferð þinni! Það er frábær leið til að drekka í sig náttúruna og umhverfið. Lestu meira um Interrail hér.
