15 staðir sem þú verður að heimsækja fyrir 25
Heimurinn er stór (þótt hann virki kannski lítill í dag) og það er óendanlega mikið að sjá og upplifa, en suma staði verður maður hreinlega að heimsækja á meðan maður er ungur! Það er bara þannig að ákveðnar borgir, hátíðir og hluti er miklu skemmtilegra að upplifa á meðan maður er ungur og frjáls. Hér eru því 15 staðir sem þú verður að heimsækja áður en þú verður 25 ára!
1. Nýja-Sjáland
Adrenalín-paradísin Nýja-Sjáland! Hér er tilvalið að fara í fallhlífastökk, teygjustökk, rafting, klettaklifur, snjóbretti, zorbing og fleira!
2. Indland - Holi hátíðin
Indland er heill heimur út af fyrir sig og hér finnur þú öðruvísi menningu og mannlíf en annarstaðar í heiminum! Ef þig langar að upplifa litagleði og skemmtun er Holi hátíðin algjörlega málið - það er eitthvað sem allir ættu að upplifa a.m.k. einu sinni!
3. Kosta Ríka
Það er ekki hægt að upplifa magnað dýralíf Kosta Ríka í meiri nálægð en í sjálfboðastarfi! Svo er ótrúlega margt fleira spennandi að upplifa í Kosta Ríka, t.d. surf, köfun, strandir og frumskógar.
4. Suður-Afríka
Suður-Afríka er algjör draumastaður fyrir bakpokaferðalanga. Upplifðu surfið og skemmtilega fólkið í Höfðaborg og taktu svo rútuna með öðrum hressum bakpokaferðalöngum til Jóhannesarborgar.
5. Króatía
Króatía er gullfallegt land og ein skemmtilegasta leiðin til þess að upplifa Króatíu er að sigla á milli mismunandi eyja með öðru ungu fólki. Eyjahopp er aldrei slæm hugmynd!
6. Indónesía
7. Brasilía
Brasilía er frábært land fyrir bakpokaferðalanga! Það er risastórt, ótrúlega fjölbreytt og þar eru mjög þægilegar rútusamgöngur. Upplifðu skemmtilegar borgir, frábærar strandir og litríkt mannlíf.
8. Ástralía
Að fara í road trip um Ástralíu er sturlað! Að keyra um á húsbíl er hagstæð leið til þess að upplifa Ástralíu því þá ertu bæði með samgönguleið og gistingu. Svo veitir það þér mun meira frelsi en að ferðast með rútum því þú getur valið hvaða útsýni þú vilt vakna við á morgnanna!
9. Mongólía
Talandi um epík: Lestarferð í gegnum Rússland, Mongólíu og Kína! Þú heimsækir einangraða og fáfarna staði, kynnist heimamönnum um borð í lestinni og sérð einstakar náttúruperlur.
10. Kalifornía
Að læra að surfa í Kaliforníu er eins og að læra að búa til pizzu á Ítalíu! Kalifornía er fæðingarstaður surfmenningarinnar. Upplifðu strandirnar, öldurnar, sólbrúnu heimamennina og skemmtilegu borgirnar.
11. Kenía
Að fara í safarí er mögnuð upplifun - að fara í camping safarí er enn betra! Þú vilt gera það á meðan tilhugsunin um að tjalda á hverri nóttu og gista í miðjum þjóðgarði er enn heillandi (áður en að bakverkir og óþarfa skynsemi fer að þvælast fyrir), og það eru fáir staðir sem bjóða upp á betra safarí en Kenía.
12. Perú
Það er svo ótrúlega margt að sjá og gera í Perú! Labbaðu Inca Trail upp að Machu Picchu, eyddu nokkrum dögum í Amazon skóginum, gistu heima hjá fjölskyldu á eyju í Lake Titicaca og prófaðu sandboarding í Huacachina.
13. Barcelona
Að eyða nokkrum vikum í spænskuskóla yfir sumartímann í Barcelona er ógleymanleg reynsla! Þú kynnist nýju fólki frá ólíkum löndum, upplifir nýja menningu og kynnist þessari fjölbreyttu og skemmtilegu borg.
14. Kanada
Náttúrufegurð Kanada er ólýsanleg. Farðu í magnaða ferð um marga fallegustu þjóðgarða Kanada þar sem gist er í tjöldum í óspilltri náttúrunni. Þú færð næg tækifæri til þess að svala adrenalínþörfinni t.d. með river rafting og extreme zip lining.
15. Tæland
Risapartý á hvítri strönd lítillar eyjar rétt fyrir utan Tæland þar sem allir bakpokaferðalangar Tælands safnast saman til að skemmta sér. Þarf að segja meira?
