Mánuður af sjálfboðastarfi og ævintýri í Kosta Ríka

1. Ferðaáætlunin: Mánuður í Kosta Ríka

Ferðaleiðin: Heim ✈️ San José - Santa Teresa - Rincón de la Vieja - San José - Tortuguero - Puerto Viejo de Talamanca - San José ✈️ Heim

Ath: Þú getur annað hvort sameinað þessa ferð við lengra bakpokaferðalag eða verið bara í þessa daga. Við getum hjálpað þér við að skipuleggja bæði.

2. San José: Ferðin hefst

Ævintýrið þitt byrjar í San José, þar sem þú verður sótt/ur á flugvöllinn svo þú þarft ekki að vesenast í að finna þér leigubíl. Þér verður skutlað á farfuglaheimilið þitt í miðbænum, sem verður einnig base-ið þitt fyrstu nótt ferðarinnar. Gefðu þér tíma til að kynnast San José á þínum eigin hraða - heimsóttu til dæmis þjóðleikhúsið og aðalmarkaðinn og prófaðu hefðbundna matargerð Kosta Ríka!

3. Santa Teresa: 2 vikur af spænskunámi og sjálfboðastarfi

Leggðu leið þína til bæjarins Santa Teresa sem staðsettur er á Kyrrahafsströndinni og undirbúðu þig undir 2 vikna spænskukennslu og sjálfboðaliðastarf. Að læra spænsku mun ekki aðeins koma að góðum notum meðan á sjálfboðaliðastarfinu stendur, heldur einnig þegar og ef þú ferðast annars staðar í Kosta Ríka og Mið-/Suður-Ameríku. Til viðbótar við spænskukennsluna muntu taka þátt í sjálfboðaliðaverkefnum sem ætluð eru til að varðveita náttúruauðlindir á staðnum. Verkefnavinnan er fjölbreytt og forgangsröðun árstíðabundin og veðurháð, en vinnan beinist almennt að fjöruvernd, endurvinnslu og stuðningi við nær samfélagið. Ef þið langar líka að fara í sjálfboðastarf með skjaldbökum getur þú lengt dvöl þína í Santa Teresa um 3-4 vikur og þú munt f...

4. Rincón de la Vieja: Leiðin liggur norður

Eftir 2 vikur af lærdómi og líkamlegri vinnu er kominn tími til að slaka aðeins á og njóta ótrúlegrar náttúru landsins á afslappaðri hátt. Í ferðatillögu okkar liggur leiðin frá Santa Teresa og til Rincón de la Vieja. Á leiðinni þangað skaltu nota nokkra daga til að hoppa á milli stranda, auka surfkunnáttu þína og tala spænsku við heimamenn. Þegar þú kemur til Liberia skaltu svo ráða leigubílstjóra sem getur tekið þig til Rincón de la Vieja.

*Við mælum með þessu en þetta er ekki innifalið í verðinu.

5. San José: Aftur til höfuðborgarinnar

Frá Rincón de la Vieja liggur löng leið niður í höfuðborgina, svo hvers vegna ekki að ferðast rólega og stoppa á nokkrum stöðum á leiðinni. Farðu í flúðasiglingu á Tenorio-ánni eða í hestaferð í La Fortuna og stígðu síðan upp í rútu til San José og njóttu útsýnisins og tónlistarinnar sem er í rútunni.

*Við mælum með þessari upplifun en hún er ekki innifalin í verðinu.

6. Tortuguero National Park: 4 daga ævintýri í náttúrunni

Leggðu leið þína frá San Jose í gegnum bananaplantekrur til Karíbahafsstrandarinnar þar sem þú munt fara með bát til hins afskekkta Tortuguero þjóðgarðs. Hér munt þú eyða nokkrum dögum í að skoða síki, strendur og frumskóga í þessu óspillta friðlandi í leit að skjaldbökum, fuglum, caiman og, ef þú ert heppin/n, hinni frægu "Jesus Lizard".

7. Puerto Viejo: Ferðastu sjálfstætt

Þá er kominn tími til að ferðast suður til frábæru strandanna á Puerto Viejo de Talamanca. Í stað þess að taka rútu þangað gætirðu prófað aðra valkosti. Taktu ferjuna frá Tortuguero til Limón. Í Limón ættirðu að ganga inn á hvaða Soda (lítill matsölustaður) sem er til að smakka sterkari og öðruvísi gallo pinto! Fáðu þér nokkra patís að borða fyrir rútuferðina þína til Puerto Viejo.

Innifalið í verðinu eru 3 nætur á farfuglaheimili í Puerto Viejo en það er algjörlega undir þér komið hversu lengi þú vilt vera hér. Þegar þér finnst kominn tími til að halda áfram skaltu fara aftur til San José í flug heim EÐA halda áfram ævintýrum þínum annars staðar í Kosta Ríka eða Mið-Ameríku. Hvað sem þú velur munum við hjálpa þér að skipuleggja það.

Lengd

4-6 vikur

Áfangastaðir

Tegund ferðalags

Bakpokaferðalag

Innifalið í verði

Flug og afþreyingar

Verð frá 417,729 ISK

Ertu til í eina stórkostlega ferð um Kosta Ríka? Auðvitað ertu til! Eyddu mánuði í að upplifa allt sem þetta land hefur upp á að bjóða: lærðu spænsku, stundaðu sjálfboðavinnu, prófaðu að surfa og upplifðu gróskumiklu náttúru og framandi dýralífi.

Kosta Ríka geymir hina fullkomnu blöndu af ótrúlegri náttúru og fjölbreyttri afþreyingu og í þessu ævintýri muntu upplifa marga af hápunktum landsins. Byrjaðu ferðalagið með því að læra spænsku í tvær vikur (sem mun koma sér vel á meðan þú ert í Kosta Ríka) ásamt því að taka þátt í sjálfboðastarfi sem hefur það að markmiði að styðja við nær samfélagið. Einnig er innifalið í þessari ferð 4 daga heimsókn í Tortuguero þjóðgarðinn þar sem þú getur séð villt dýr í náttúrulegu umhverfi þeirra.

Þú munt kynnast öðrum bakpokaferðalöngum þegar þú ert í spænskunáminu og í sjálfboðastarfinu, en þú munt líka hafa tíma til að ferðast sjálfstætt um landið, sem þýðir að þú getur prófað að gera hvað sem er. Hvernig hljómar að læra að surfa? Kannski fara í jóga? Hvað með að labba upp eldfjall?

*Frá verð á mann, miðað við 2 einstaklinga sem ferðast saman

Hannaðu þína eigin ferð

Vilt þú ferðast um heiminn á þinn eigin hátt? Svona gerir þú það:

Þú setur upp draumaferðina þína.
Við finnum bestu og hagstæðustu valmöguleikana.
Þú færð persónulegt mat ferðasérfræðings.

Við sjáum til þess að ferðaplanið þitt sé ekki út í hött og að þú fáir sem mest út úr peningnum þínum er við deilum okkar ferðareynslu. Þetta er þér allt að kostnaðarlausu og því fylgir engin skuldbinding!

Byrjaðu að hanna þína ferð

Finnur þú ekki það sem þú ert að leita að?