Við höfum ferðast um allan heimin og erum því sérfræðingar þegar kemur að ferðalögum. Hafðu samband við okkur og við aðstoðum þig við að skipuleggja draumaferðina þína.
Heim - Seattle - Portland - Redwood þjóðgarðurinn - San Francisco - Yosemite þjóðgarðurinn - Monterey Bay - Big Sur - Hearst Castle - Morro Bay - Santa Barbara - Malibu - Santa Monica - Los Angeles - Heim
Mundu að þetta er aðeins ferðatillaga fyrir stóru ferðina. Ef þú vilt fá aðstoð við að hanna road tripið að þínum þörfum þá skaltu skrifa okkur og fá fría ráðgjöf. Og eitt enn! Þegar þú ferð í road trip er gott að vera með góða ferðatryggingu, við getum aðstoðað þig við kaup á slíkri.
2. Seattle, Washington
Byrjaðu ferð þína í hinni fallega Seattle þar sem við mælum með að þú dveljir í að minnsta kosti 2 nætur svo þú getir byrjað ævintýrið þitt á rólegu nótunum. Gefðu þér tíma til að skoða borgina sem er fræg fyrir fjölmörg kaffihús, Space Needle turninn og gamla Pike Place markaðinn.
Eftir nokkra daga af borgarlífi er kominn tími til að leggja af stað og sækja bílaleigubílinn!
3. Olympic, Washington
Við mælum með að keyra og skoða Olympic þjóðgarðinn en hann er í um 2 og 2,5 klukkustunda akstri frá Seattle. Í garðinum finnurðu allt frá gróskumiklum regnskógum og fallegri strandlengju til risavaxinna fjalla og kyrrlátra vatna. Hvort sem þú ert í gönguferðum, útilegu eða bara að njóta töfrandi landslags, þá hefur þessi staður allt upp á að bjóða. Landslagið er mjög fjölbreytt og þú færð tækifæri til að sjá dýralíf eins og elgi og svartabirni ef heppnin er með þér! Sumar af uppáhalds gönguleiðunum okkar eru Hoh Rain Forest Trail, auðveld til miðlungs erfið slóð sem tekur þig djúpt inn í einn af skógum garðsins. Svbo mælum við með Hurricane Ridge, fyrir stórkostlegt fjallaútsýni. Hún er hóflega krefjandi og verðlaunar þig með ótrúlegu útsý...
4. Portland, Oregon
Næsta stopp er hin líflega borg Portland sem er einnig talin ein grænasta og umhverfisvænasta borg Bandaríkjanna. Heimsæktu einn eða fleiri af görðum borgarinnar, prófaðu mismunandi veitingastaði, ráfaðu um hinn fræga laugardagsmarkað og verslaðu aðeins ef þú vilt.
Á meðan þú ferðast um Oregon fylki ættirðu líka að heimsækja hið glæsilega Crater Lake og ganga upp eina af gönguleiðunum til að fá ótrúlegt útsýni yfir kristaltært vatnið og næstum 700 metra öskjuna sem myndaðist af hrundu eldfjalli.
5. Newport, Oregon
Nú er loksins komið að því að keyra í áttina að sjónum! Áfangastaður þinn í dag er Newport, heillandi strandbær með afslappandi andrúmsloft. Á leiðinni frá Portland er þess virði að stoppa í Depoe Bay, hvalaskoðunarhöfuðborg Oregon-strandarinnar, þar sem oft er hægt að koma auga á þessar tignarlegu verur frá landi frá júní til nóvember. Þegar þú kemur til Newport skaltu fara á sögufræga Bayfront til að skoða verslanir, horfa á sæljón sem liggja á bryggjunni og sjá hvort þú getur staðist lyktina af ferskum sjávarfangi. Yaquina Head Outstanding Natural Area er ómissandi, með sögulegum vita og sjávarföllum með miklu sjávarlífi.
6. Coos Bay, Oregon
Frá Newport er mjög fallegur akstur meðfram ströndinni niður að Coos Bay. Ef þú hefur tíma er Cape Perpetua Scenic Area, er góður staður til að taka sér pásu frá keyrslunni. Hér er hægt að ganga í gegnum gamalgróna skóga og sjá hið stórkostlega Spouting Horn og Þórsbrunninn - báðar bergmyndanir sem verða fyrir barðinu á öldunum. Coos Bay sjálfur er ekki stór bær, en hér er nóg að sjá og gera. Byrjaðu á því að skoða hinn töfrandi Shore Acres þjóðgarð, með útsýni yfir hafið. Ef þú hefur gaman af gönguferðum bjóða gönguleiðir Cape Arago þjóðgarðsins upp á töfrandi strandlandslag og tækifæri til að koma auga á seli og sæljón. Ekki missa af heimsókn á Oregon Dunes National Recreation Area, þar sem þú getur gengið, hjólað á fjórhjólum eða jafnvel...
7. Redwood þjóðgarðurinn, Kalifornía
Hefur þig einhvern tíma dreymt um að ráfa um í gróskumiklum skógi umkringdur hæstu trjám heims? Hér er tækifærið þitt! Stoppaðu í Redwood þjóðgarðinum og farðu í gönguferð um einn af mörgum stígum þessa töfrandi svæðis. Garðarnir eru ótrúlega fjölbreyttir, sem þýðir að þú sérð ekki bara rauðviðarskóga, heldur einnig sléttur, ár og 60 kílómetra af Kyrrahafsstrandlengjunni.
8. Napa Valley, Kalifornía
Napa Valley er fullkomið næsta stopp á road tripinu þínu, sem býður upp á afslappandi og fallegan stað. Þetta svæði er heimsfrægt fyrir víngerð og er paradís fyrir vínáhugamenn. Byrjaðu heimsókn þína með fallegum akstri í gegnum víngarða og heillandi bæi eins og St. Helena og Yountville. Eyddu dögum þínum í að skoða víngerðir, smakka og læra um víngerðarferlið. Fyrir smá ævintýri getur þú farið í loftbelg við sólarupprás og ekki missa af heimsókn til náttúrulegu hveranna í Calistoga fyrir góða afslöppun.
9. San Francisco, Kalifornía
Verið velkomin í fallegu borgina San Francisco þar sem hippar og fjármálamenn búa hlið við hlið. Borgin er full af mótsögnum, litríkum persónuleikum, menningu, flottum veitingastöðum og notalegum hverfum. Hér finnur þú fjármálahverfi, hippabæ, China Town og Japan Town! Alcatraz er líka þess virði að heimsækja. Mundu bara að panta miða með góðum fyrirvara, treystu okkur - þeir verða uppseldir!
10. Yosemite National Park, Kalifornía
Næst er kominn tími til að taka smá krók frá ströndinni og halda til Yosemite þjóðgarðsins. Hér getur þú fundið nokkra af hæstu fossum í Norður-Ameríku auk kletta og dala sem munu gera þig agndofa. Eyddu nokkrum dögum í gönguferðir og skoðaðu garðinn og gönguleiðir hans.
11. Monterey Bay, Kalifornía
Ef þú vilt sjá sæljón og otra undir berum himni ættir þú að fara á Fisherman's Wharf þar sem þau liggja oft í sólinni á steinum í kringum höfnina. Ef þú ert aðdáandi víns geturðu heimsótt eina af mörgum vínekrum Kaliforníu.
12. Santa Barbara, Kalifornía
Santa Barbara er einnig þekkt sem „ameríska rívíeran“. Hér getur þú farið í hvalaskoðun, farið á vikulegan lista- og handverksmarkað eða farið í bjórsmökkun í einu af mörgum brugghúsum. Þú ættir líka að fara á ströndina þar sem þú getur leigt kajak eða surfbretti! Í borginni er einn flottasti framhaldsskólinn í Kaliforníu, svo unga fólkið skapar mikla stemmingu í þessum strandbæ og endurspeglar hinn sanna kaliforníska anda.
13. Los Angeles, Kalifornía
Síðasta stoppið í þessari ferðaáætlun er Los Angeles. Við höfum innifalið 3 nætur á uppáhalds hostelinu okkar á Venice Beach, svo þú getur annað hvort ákveðið að skila bílnum og kanna umhverfið gangandi, á hjóli eða rafmagnshlaupahjóli. En ef þú vilt fara stærri vegalengdir í borginni til dæmis til að skoða nokkur af tískusvæðunumm eins og Beverly Hills og Hollywood, þá væri bíll betri lausn. Ekki missa af útsýninu frá Griffith Observatory, þar sem þú munt fá stórkostlegt útsýni yfir borgina. Hvort þú vilt fara heim eftir LA eða halda ferðinni áfram er undir þér komið, við hjálpum þér sama hvað þú vilt gera.
Lengd
4 vikur
Byrjar í / Endar í
Seattle - Los Angeles
Áfangastaður
USA
Besti tíminn til að fara
Allt árið um hring
Verð frá
356,448 ISK
Þetta road trip er hin fullkomna blanda af stórbrotinni náttúru og líflegum borgum. Kyrrahafsstrandlengjan tekur þig í gegnum gróskumikið landslag í Oregon að norðurhluta Kaliforníustrandarinnar og áfram til San Francisco og til sólríku Los Angeles.
Byrjaðu ævintýrið þitt í Seattle og farðu suður. Þegar þú keyrir niður vesturströnd Bandaríkjanna færðu að heimsækja borgir eins og Seattle, Portland, San Francisco og Los Angeles, en þú munt líka fá að sjá ótrúlega náttúruna eins og dýpsta stöðuvatn Bandaríkjanna og að sjálfsögðu Yosemite þjóðgarðinn.
Við höfum sett inn bílaleigu bíl fyrir þessa ferð en þú getur breytt honum í húsbíl ef þú vilt, valið er þitt! Það er líka gott að hafa í huga að þú sért með góða ferðatryggingu þegar þú leigir bíl erlendis. Við getum aðstoðað þig við það!
Hvernig eru KILROY road trip?
Við hvetjum alltaf KILROY ferðalanga til að vera forvitna. Ekki keyra bara til að keyra. Stoppaðu þar sem þú getur, farðu niður þröngu hliðargötuna og ekki festast bara í húsbílnum. Kynnstu nýju fólki og kynntu þér nýjar leiðir til að gera hlutina. Kannaðu og vertu opin/n fyrir breytingum - það er þá sem ævintýrin gerast
*Frá verð á mann, miðað við 2 einstaklinga sem ferðast saman eldri en 25 ára. Hafðu samband við okkur ef þú ert aðeins yngri en það - það er ekkert vandamál!
