Indland og Nepal

Ferðin byrjar með því að upplifa jóga á upprunastaðnum sjálfum, við rætur Himalayafjallanna á Norður-Indlandi. Námskeiðið leggur áherslu á jóga og hugleiðslu og er staðsett í heillandi bænum Rishikesh. Dvöl þín þar er frábært tækifæri til að rækta líkama og sál á sama tíma og þú færð að kynnast þessum eintstaka stað.

Næst tekur við skipulögð ferð með leiðsögn þar sem er meðal annars kíkt á Taj Mahal, eitt af sjö undrum veraldar. Eftir ferðalag í gegnum helstu staði Norður-Indlands er farið yfir til Nepal. Þar er heimsóttur þjóðgarður sem er þekktur fyrir fjölda nashyrninga sem búa þar. Að lokum er hægt að halda til Kathmandu til að klára ferðina þar. En fyrir þá sem vilja aðeins meiri áskorun er hægt að taka fjallgönguferð í mögnuðu fjöllum Nepal. Það er nokkurra daga ganga á milli þorpa með ótrúlegu útsýni yfir Himayalafjöllin.